Don't Trouble The Trouble Teaser - డోంట్ ట్రబుల్ ది ట్రబుల్ టీజర్ రివ్యూ: నవ్వుల మేజిక్... ఫాంటసీ కథతో ఫహద్ ఫాజిల్ సినిమా

Don't Trouble The Trouble Teaser Review: హీరోగా ఫహాద్ ఫాజిల్ స్ట్రెయిట్ తెలుగు సినిమా 'డోంట్ ట్రబుల్ ది ట్రబుల్'. నిర్మాతగా రాజమౌళి తనయుడు ఎస్ఎస్ కార్తికేయ తొలి చిత్రమిది. టీజర్ విడుదల చేశారు.

ఫహాద్ ఫాజిల్ 'డోంట్ ట్రబుల్ ది ట్రబుల్' టీజర్ విడుదలైంది... చూశారా?

Source : https://www.instagram.com/sbbyssk/

Show Quick Read

Key points generated by AI, verified by newsroom

• ఫహాద్ ఫాజిల్ 'డోంట్ ట్రబుల్ ది ట్రబుల్'తో తెలుగులో అరంగేట్రం చేస్తున్నారు.
• టీజర్ విడుదల, అద్భుత శక్తులున్న పాపతో తండ్రి ఫాంటసీ కథ.
• శశాంక్ యేలేటి దర్శకత్వంలో సెప్టెంబర్ 11న చిత్రం విడుదల కానుంది.
• అర్కా మీడియావర్క్స్, ఎస్ఎస్ కార్తికేయ సంస్థలు సంయుక్తంగా నిర్మిస్తున్నాయి.

మలయాళ స్టార్, పాన్ ఇండియా ప్రేక్షకులకు సుపరిచితుడైన కథానాయకుడు ఫహాద్ ఫాజిల్ (Fahadh Faasil). ఆయన హీరోగా నటించిన మలయాళ సినిమాలను చూసిన తెలుగు ప్రేక్షకులు ఎంతో మంది. 'పుష్ప' సిరీస్‌లో భన్వర్ సింగ్ షెకావత్ పాత్రలో మెప్పించారు. ఇప్పుడు హీరోగా స్ట్రెయిట్ తెలుగు సినిమా 'డోంట్ ట్రబుల్ ది ట్రబుల్'తో ప్రేక్షకుల ముందుకు రావడానికి రెడీ అయ్యారు ఫహాద్ ఫాజిల్. ఆ సినిమా టీజర్ విడుదల చేశారు. 

నవ్వులే మేజిక్... ఫాంటసీ కథ!
Don't Trouble The Trouble Teaser Review Telugu: 'డోంట్ ట్రబుల్ ది ట్రబుల్' టీజర్ చూస్తే... స్టోరీలో మెయిన్ పాయింట్ ఏమిటి? అనేది ఈజీగా అర్థం అవుతుంది. హైదరాబాద్ సిటీలోని ఓ చిన్న ఇంటిలో తన పాపతో కలిసి సూరి (ఫహాద్ ఫాజిల్) నివసిస్తుంటాడు. అయితే... అల్లావుద్దీన్ దీపంలో నుంచి జీనీ బయటకు వచ్చినప్పుడు, ఓ చిన్నారిలో నుంచి అతీంద్రీయ శక్తులు బయటకు వస్తాయి. అవి చూసి హీరో భయపడతాడు. ఆ తర్వాత ఏమైంది? అనేది సినిమా కథ. 

'ఓం ఫట్... ఫటా ఫట్... పాని పట్... అలియా భట్' అంటూ 'డోంట్ ట్రబుల్ ది ట్రబుల్' టీజర్‌లో మొదటి డైలాగ్‌తో ఫహాద్ ఫాజిల్ తన కామెడీ టైమింగ్ ఎలా ఉంటుందో చూపించారు. పాపతో ఆయన సీన్స్ బావున్నాయి. ఫాంటసీ కథతో రూపొందుతున్న ఈ సినిమాపై టీజర్ అంచనాలు క్రియేట్ చేసింది. మరి సినిమా ఎలా ఉంటుందో చూడాలి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Arka MediaWorks (@arkamediaworks_official)

సెప్టెంబర్ 11న థియేటర్లలోకి సినిమా... 
Don't Trouble the Trouble Release Date: 'డోంట్ ట్రబుల్ ది ట్రబుల్' సినిమాకు  శశాంక్ యేలేటి దర్శకత్వం వహిస్తున్నారు. 'ప్రేమలు'తో పంపిణీదారుగా ఎస్ఎస్ కార్తికేయ భారీ విజయాన్ని అందుకున్నారు. షోయింగ్ బిజినెస్ సంస్థను స్థాపించి నిర్మాతగా మారారు. సెప్టెంబర్ 11న థియేటర్లలోకి తీసుకు వస్తున్నట్టు వెల్లడించారు. తెలుగుతో పాటు మలయాళ, తమిళ భాషల్లో కూడా సినిమా విడుదల కానుంది. ఈ మూడు భాషల్లో టీజర్ విడుదలైంది.   

అర్కా మీడియావర్క్స్, షోయింగ్ బిజినెస్ సంస్థలు కలిసి 'డోంట్ ట్రబుల్ ది ట్రబుల్' సినిమాను సంయుక్తంగా నిర్మిస్తున్నారు. 'బాహుబలి' ఫ్రాంచైజీతో ప్రపంచవ్యాప్తంగా ప్రశంసలు అందుకున్న ప్రఖ్యాత నిర్మాతలు శోభు యార్లగడ్డ, ప్రసాద్ దేవినేనిలతో కలిసి ఎస్ఎస్ కార్తికేయ నిర్మిస్తున్న చిత్రమిది.