Naga Chaitanya Samantha : విడాకుల తర్వాత ఒకే పెళ్లికి వేర్వేరుగా చై, సామ్... ఒకరు భార్యతో, మరొకరు భర్తతో!

Naga Chaitanya Sobhita Dhulipala : విడాకుల తర్వాత అక్కినేని యంగ్ హీరో నాగ చైతన్య, సమంత ఒకే పెళ్లి వేడుకకు హాజరయ్యారు. చై, శోభిత దంపతులు, సమంత, రాజ్ కపుల్ స్పెషల్ అట్రాక్షన్‌గా నిలిచారు.

ఒకే వేడుకలో నాగ చైతన్య, సమంత

Source : https://x.com/GetsCinema/status/2050609130470355299/photo/1

Naga Chaitanya Samantha Attend Same Wedding Reception In Hyderabad : ఏషియన్ సినిమాస్ అధినేత, కుబేర, లవ్ స్టోరీ వంటి చిత్రాల నిర్మాత సునీల్ నారంగ్ కుమార్తె సిమ్రన్ వెడ్డింగ్ రిసెప్షన్ శనివారం రాత్రి హైదరాబాద్‌లో ఘనంగా జరిగింది. ఈ వేడుకకు మెగాస్టార్ చిరంజీవి సహా నాగార్జున దంపతులు, వెంకటేశ్, రవితేజ, రానా ఇలా టాప్ సెలబ్రిటీలు హాజరయ్యారు. అయితే, ఓ రెండు జంటలు మాత్రం వేడుకలో ప్రత్యేక ఆకర్షణగా నిలిచాయి.

ఈ వేడుకకు అక్కినేని నాగచైతన్య, శోభిత దంపతులు, స్టార్ హీరోయిన్ సమంత, రాజ్ నిడిమోరు దంపతులు కూడా హాజరయ్యారు. వీడియోలు, ఫోటోలు సోషల్ మీడియాలో వైరల్ అవుతున్నాయి. తన భర్త రాజ్ చేయి పట్టుకుని ఫోటోగ్రాఫర్లను దాటుకుంటూ సమంత వేదిక వద్దకు వెళ్లారు. ఆమె పర్పుల్, గోల్డ్ కలర్ శారీలో మెరిశారు. అంతకు ముందే అక్కడకు వెళ్లిన నాగ చైతన్య, శోభిత దంపతులు బయటకు వస్తూ కనిపించారు. చై స్టైలిష్ షూట్ ధరించగా... శోభిత బ్లూ పింక్ చీరలో ఆకట్టుకున్నారు. మరి వీరు ఎదురెదురు పడ్డారా లేదా అనేది తెలియలేదు. 

Actress #Samantha and Husband #Rajnidimoru at wedding reception #Maaintibangaaram pic.twitter.com/92HDTHbgf6

— Milagro Movies (@MilagroMovies) May 2, 2026

Yuvasamrat @chay_akkineni & #SobhitaDhulipala garu graced @AsianSuniel’s daughter Simran’s wedding reception and extended his blessings to the newlywed couple.❤️‍🔥#NagaChaitanya #SoChay pic.twitter.com/wLOMFxuapW

— ChayAkkineni_Fc (@ChayAkkineniFc) May 2, 2026

కొత్త జీవితాల్లో...

'ఏ మాయ చేశావే' మూవీలో జంటగా నటించిన చై, సమంత 2017లో ప్రేమ వివాహం చేసుకున్నారు. ఆ తర్వాత 2021లో విడాకులు తీసుకున్నారు. 2024లో డిసెంబరులో శోభితను వివాహం చేసుకున్నారు నాగ చైతన్య. సమంత గతేడాది డిసెంబరులో డైరెక్టర్ రాజ్ నిడిమోరును కోయంబత్తూరులో పెళ్లి చేసుకున్నారు. రాజ్‌కు కూడా ఇది రెండో వివాహం. చైతన్య, సమంత ఇద్దరూ తమ కొత్త జీవితాలను ప్రారంభించారు. న్యూ జర్నీ మొదలైన తర్వాత ఒకే వేడుకకు హాజరు కావడంతో అందరిలోనూ ఆసక్తి నెలకొంది.

కెరీర్ పరంగా బిజీ బిజీ

అటు నాగ చైతన్య, ఇటు సమంత కెరీర్ పరంగా ఎవరి ప్రాజెక్టుల్లో వారు బిజీగా ఉన్నారు. తండేల్ సక్సెస్ తర్వాత చై సోషియో ఫాంటసీ థ్రిల్లర్ 'వృషకర్మ'తో బిజీగా ఉన్నాడు. విరూపాక్ష వంటి హిట్ థ్రిల్లర్ రూపొందించిన కార్తీక్ దండు ఈ మూవీకి దర్శకత్వం వహిస్తుండగా... ప్రస్తుతం షూటింగ్ శరవేగంగా సాగుతోంది. రీసెంట్‌గా రిలీజ్ చేసిన టీజర్ హాలీవుడ్ రేంజ్ హైప్ క్రియేట్ చేయడంతో మూవీపై భారీ అంచనాలు నెలకొన్నాయి.

ఇక సమంత... నందిని రెడ్డి దర్శకత్వంలో 'మా ఇంటి బంగారం' మూవీ చేశారు. ఆమె భర్త రాజ్ నిడిమోరు దీనికి స్టోరీ అందించారు. సమంతతో పాటు గుల్షన్ దేవయ్య, దిగంత్, సీనియర్ నటి గౌతమి, శ్రీముఖి తదితరులు కీలకపాత్రలు పోషిస్తున్నారు. ఈ నెల 15న మూవీ రిలీజ్ కానుంది.

మరిన్ని చదవండి

అడివి శేష్ డెకాయిట్ ఓటీటీ రిలీజ్ డేట్ ఫిక్స్ - ఎప్పుడు, ఎందులో స్ట్రీమింగ్ అవుతుందంటే?