Devara Collection Day 1: ఫ్యాన్స్ కాలర్ 'దేవర' ఫస్ట్ డే కలెక్షన్స్...‌ ప్రభాస్ 'కల్కి 2898 ఏడీ', బాలీవుడ్ బ్లాక్ బస్టర్ 'స్త్రీ 2'ను బీట్ చేసిన ఎన్టీఆర్ సినిమా

Devara First Day Collection: మ్యాన్ ఆఫ్ మాసెస్ ఎన్టీఆర్ 'దేవర' ఫస్ట్ డే కలెక్షన్స్ ఉన్నాయి. ఈ సినిమా వరల్డ్ వైడ్ ఎన్ని కోట్లు కలెక్ట్ చేసిందో తెలుసా?

'దేవర' ఫస్ట్ డే కలెక్షన్స్ ఎన్ని కోట్లు అనేది తెలుసా?

Source : https://x.com/DevaraMovie

అభిమానులు కాలర్ ఎగరేసేలా 'దేవర పార్ట్ 1' (Devara Part 1) ఉంటుందని మ్యాన్ ఆఫ్ మాసెస్ ఎన్టీఆర్ (Jr NTR) ముందు నుంచి చెబుతూ వస్తున్నారు. ఈ సినిమా మాత్రమే కాదు... బాక్సాఫీస్ బరిలో కలెక్షన్లు కూడా అభిమానులు కాలర్ ఎగరేసేలా ఉన్నాయి. ఫస్ట్ డే 'దేవర' సినిమా భారీ ఓపెనింగ్ సాధించింది. ఈ సినిమా ఓపెనింగ్ డే ఎన్ని కోట్ల కలెక్ట్ చేసిందో తెలుసా? 

'దేవర' ఫస్ట్ డే బాక్సాఫీస్ @ 172 కోట్లు!
అక్షరాల నూట డబ్బె రెండు కోట్ల రూపాయలు... బాక్స్ ఆఫీస్ బరిలో దేవర మొదటి రోజు రాబట్టిన వసూళ్ల మొత్తం! దేవర సినిమా ఓపెనింగ్ డే 172 కోట్ల రూపాయలు ప్రపంచవ్యాప్తంగా బాక్స్ ఆఫీస్ దగ్గర కలెక్ట్ చేసిందని చిత్ర బృందం అధికారికంగా ప్రకటించింది.

No force can hold back the TSUNAMI OF #DEVARA 🔥#BlockbusterDEVARA pic.twitter.com/oGhYIZ0TuG

— Devara (@DevaraMovie) September 28, 2024

బాలీవుడ్ బ్లాక్ బస్టర్ 'స్త్రీ 2' కంటే ఎక్కువ!
బాలీవుడ్ సెలబ్రిటీలతో పాటు అక్కడ ట్రేడ్ వర్గాలను సైతం ఎన్టీఆర్ 'దేవర' సినిమా ఓపెనింగ్ డే కలెక్షన్స్ ఆశ్చర్యపరిచాయి. బాలీవుడ్ బిగ్గెస్ట్ హిట్ ఆఫ్ 2024 శ్రద్ధ కపూర్ ప్రధాన పాత్రలో నటించిన 'స్త్రీ 2' కంటే 'దేవర' సినిమా ఓపెనింగ్ కలెక్షన్స్ ఎక్కువ. హారర్ కామెడీగా ప్రేక్షకుల ముందుకు వచ్చిన 'స్త్రీ 2' ఇండియాలో తొలి రోజు 54 కోట్ల రూపాయల గ్రాస్ కలెక్ట్ చేసింది. ఎన్టీఆర్ సినిమా సుమారు 90 కోట్ల రూపాయల గ్రాస్ వసూలు చేసింది.

ఇండియా వైడ్ 'కల్కి' కంటే తక్కువ...
కానీ మన తెలుగు రాష్ట్రాల్లో ఎక్కువ!
ఇండియా వైడ్ కంపేర్ చేస్తే... 'కల్కి 2898 ఏడీ' కంటే కాస్త వెనుక బడింది 'దేవర'. రెబల్ స్టార్ ప్రభాస్ కథానాయకుడిగా నాగ్ అశ్విన్ దర్శకత్వం వహించిన 'కల్కి 2898 ఏడీ' ఓపెనింగ్ డే ఇండియాలో 95 కోట్ల రూపాయల గ్రాస్ వసూలు చేసింది. దాని కంటే ఐదు కోట్లు తక్కువగా... 90 కోట్ల గ్రాస్ రాబట్టింది దేవర. అయితే... తెలుగు రాష్ట్రాలలో 'దేవర'కు ఎక్కువ కలెక్షన్స్ వచ్చాయి. ఇక్కడ 'కల్కి 2898 ఏడీ'ని బీట్ చేసింది.  

తెలుగులో 'కల్కి 2898 ఏడీ' సుమారు 45 కోట్ల రూపాయల షేర్ రాబడితే... దానికి ముందు 'సలార్' 50.50 కోట్ల రూపాయల షేర్ రాబట్టి... తెలుగు రాష్ట్రాలు ఏపీ, తెలంగాణలో హైయెస్ట్ షేర్ రాబట్టిన సినిమాల జాబితాలో నిన్నటి వరకు రెండు, మూడవ స్థానాలలో ఉన్నాయి. ఆ రెండిటిని ఎన్టీఆర్ 'దేవర' సినిమా వెనక్కి నెట్టింది. 

'దేవర'కు తెలుగు రాష్ట్రాలలో 54 కోట్ల రూపాయల షేర్ వచ్చింది. దాని కంటే ముందు ఎన్టీఆర్ ఓ హీరోగా నటించిన 'ఆర్ఆర్ఆర్' సినిమా మాత్రమే ఉంది. ఆ సినిమాకు తెలుగు రాష్ట్రాలలో 74 కోట్ల రూపాయల షేర్ వచ్చింది.