Dacoit Collection : డెకాయిట్ ఫస్ట్ వీకెండ్ కలెక్షన్స్ - అడివి శేష్ మాస్ జాతర కంటిన్యూ అవుతోందిగా...

Dacoit Day 3 Collection : అడివి శేష్ డెకాయిట్ కలెక్షన్స్ మూడో రోజు స్థిరంగా కంటిన్యూ అయ్యాయి. ఫస్ట్ వీకెండ్ తెలుగు రాష్ట్రాలతో పాటు ఓవర్సీస్‌లోనూ మంచి కలెక్షన్స్ రాబట్టింది.

డెకాయిట్ ఫస్ట్ వీకెండ్ కలెక్షన్స్

Source : https://www.instagram.com/p/DW_NpQtmaBy/

Adivi Sesh's Dacoit First Weekend Box Office Collection : యంగ్ హీరో అడివి శేష్, మృణాల్ ఠాకూర్ జంటగా నటించిన లేటెస్ట్ రొమాంటిక్  డ్రామా డెకాయిట్ ముందు మిక్స్‌డ్ టాక్ తెచ్చుకున్నా... కలెక్షన్స్ పరంగా చూస్తే దూసుకెళ్తోంది. ఫస్ట్ వీకెండ్ వరల్డ్ వైడ్‌గా సాలిడ్ వసూళ్లు రాబట్టింది. ఇటు ఇండియావ్యాప్తంగా అటు ఓవర్సీస్‌లోనూ అంతే స్థాయిలో నెంబర్స్ నమోదు చేసింది. మరి ఫస్ట్ వీకెండ్ రిపోర్ట్ చూస్తే...

ఫస్ట్ వీకెండ్ కలెక్షన్స్ 

డెకాయిట్ వరల్డ్ వైడ్‌గా మూడు రోజుల్లో రూ.34 కోట్లకు పైగా గ్రాస్ కలెక్షన్స్ సాధించినట్లు రిపోర్ట్స్ ప్రకారం తెలుస్తోంది. ఇండియావ్యాప్తంగా రూ.23.12 కోట్ల గ్రాస్ కలెక్షన్స్, రూ.19.80 కోట్ల నెట్ కలెక్షన్స్ సాధించినట్లు ట్రేడ్ పోర్టల్ సాక్నిల్క్ వెల్లడించింది. గడిచిన 24 గంటల్లో 1,13,000కు పైగా టికెట్స్ సేల్ అయినట్లు తెలుస్తోంది. దీంతో సోమవారం కూడా అంతే స్థాయిలో వసూళ్లు ఉండే ఛాన్స్ ఉంది. అటు, హిందీలో 'ధురంధర్ 2' ఎఫెక్ట్‌తో అంతగా ప్రభావం చూపకపోయినా కలెక్షన్స్ మాత్రం కాస్త నిలకడగా ఉన్నాయి.

ఫుల్ రిపోర్ట్

• ఇండియాలో 3 రోజుల గ్రాస్ కలెక్షన్స్ - రూ.23.12 కోట్లు
• ఇండియాలో 3 రోజుల నెట్ కలెక్షన్స్ - రూ.19.80 కోట్లు
• వరల్డ్ వైడ్ 3 రోజుల గ్రాస్ కలెక్షన్స్ - రూ.34 కోట్లు
• తెలుగు రాష్ట్రాల్లో డే 3 కలెక్షన్స్ - రూ.4.80 కోట్లు
• ఓవర్సీస్ 3 రోజుల గ్రాస్ కలెక్షన్స్ - రూ.11.65 కోట్లు సాధించినట్లు తెలుస్తోంది.

ఈ మూవీకి షానిల్ డియో దర్శకత్వం వహించగా... శేష్, మృణాల్‌లతో పాటు జైన్ మేరీ ఖాన్, ప్రకాష్ రాజ్, సునీల్, అనురాగ్ కశ్యప్, అతుల్ కులకర్ణి తదితరులు కీలకపాత్రలు పోషించారు. భీమ్స్ సిసిరోలియో మ్యూజిక్ అందించగా... అన్నపూర్ణ స్టూడియోస్ సమర్పణలో ఎస్ఎస్ క్రియేషన్స్, సునీల్ నారంగ్ ప్రొడక్షన్స్ సంస్థలపై సుప్రియ యార్లగడ్డ నిర్మించారు.

స్టోరీ ఏంటంటే?

తను ప్రాణంగా ప్రేమించిన సరస్వతి అలియాస్ జూలియట్ (మృణాల్ ఠాకూర్) వల్ల హరిదాస్ (అడివి శేష్) ఓ మర్డర్ కేసులో ఇరుక్కుంటాడు. ప్రియురాలు చేసిన మోసంతో 13 ఏళ్లు జైలు జీవితం గడపాల్సి వస్తుంది. తన ప్రేయసిపై పగ తీర్చుకోవాలని భావిస్తాడు. ఇషాద్ భాయ్ (అతుల్ కులకర్ణి) సాయంతో పోలీసుల నుంచి తప్పించుకుంటాడు హరిదాస్. ఆ తర్వాత తాను దుబాయ్ వెళ్లేందుకు రూ.60 లక్షలు అవసరం కాగా... ఆ డబ్బు కోసం యత్నిస్తుంటాడు.

 ఇదే టైంలో తన మాజీ ప్రేయసి జూలియట్ భర్త అనారోగ్యంతో ఆస్పత్రి పాలయ్యాడని తెలుసుకుంటాడు. తన భర్త ఆరోగ్యం కోసం ఆమెకు రూ.కోటి కావాలని తెలుసుకుని ఆ అవసరంతో ఆమెను దెబ్బ కొట్టాలని ప్లాన్ చేస్తాడు. ఆ తర్వాత ఏం జరిగింది? భార్యాభర్తలు కావాల్సిన వారు బద్ధ శత్రువులుగా ఎలా మారారు? హరిదాస్‌ను జూలియట్ చేసిన మోసం ఏంటి? ఆమె చేసిన మోసానికి భర్తకు ఉన్న లింకేంటి? అనేది తెలియాలంటే మూవీ చూడాల్సిందే.

 

మరిన్ని చదవండి

సుప్రియా... నువ్వు నాకెంతో ముఖ్యం - ఓపెన్‌గా చెప్పిన అడివి శేష్