Chiranjeevi: చిరుకు చికెన్ గున్యా... ఆ ఇద్దరి సాయంతో స్టేజి ఎక్కిన మెగాస్టార్... వైరల్ వీడియో చూశారా?

Chiranjeevi Down With Chikungunya: డెడికేషన్ అనే పదానికి మరో పేరు మెగాస్టార్ చిరంజీవి అని చెప్పాలి. చికెన్ గున్యాతో 25 రోజులుగా బాధ పడుతున్న ఆయన... తప్పనిసరి పరిస్థితుల్లో ప్రెస్‌మీట్‌కు వచ్చారు.

మెగాస్టార్ చిరంజీవి

Source : ABPLIVE AI

అభిమానులు ఎంతో మందికి మెగాస్టార్ చిరంజీవి (Chiranjeevi) డేమీ గాడ్. కొంత మందికి అన్నయ్య. ఇంకొంత మందికి తమ సొంత కుటుంబ సభ్యులలో ఒకరు. అటువంటి చిరు కష్టపడితే... తట్టుకోలేని అభిమానులు చాలా మంది ఉన్నారు. వారందరికీ ఆదివారం ఓ షాక్ తగిలింది. స్టేజ్ మీదకి చిరు అతి కష్టం మీద నడవడం చూసి అభిమానుల మనసు విలవిల్లాడింది. అయ్యో మెగాస్టార్ ఆరోగ్యానికి ఏమైంది? అని ఆరాలు తీయడం మొదలైంది. అసలు విషయం ఏమిటంటే...

చిరంజీవికి చికెన్ గున్యా... అది 25 రోజులుగా!
అభిమానుల గుండెల్లో అన్నయ్యగా కొలువు దీరిన మెగాస్టార్ చిరంజీవి సుమారు పాతిక రోజులగా చికెన్ గున్యాతో ఇబ్బంది పడుతున్నారు. అయితే ఆ విషయం బయటకు రాలేదు. గిన్నిస్ వరల్డ్ రికార్డుల్లో ఆయన పేరు చేరిన సందర్భంగా ఆదివారం హైదరాబాద్ ఐటిసి కోహినూర్ హోటల్లో విలేకరుల సమావేశం నిర్వహించారు. అక్కడ స్టేజ్ మీదకు వెళ్లడానికి చిరు ఇబ్బంది పడ్డారు. 

మేనల్లుడు సాయి దుర్గా‌ తేజ్, బాలీవుడ్ మిస్టర్ పర్ఫెక్షనిస్ట్ ఆమీర్ ఖాన్ సాయంతో మెట్లు ఎక్కారు. ఆ వీడియో సోషల్ మీడియాలో వైరల్ అయింది. ఆ తరువాత స్టేజ్ పై యాంకర్ చిరు చికెన్ గున్యాతో ఇబ్బంది పడుతున్న విషయాన్ని తెలియజేశారు. ఆరోగ్యపరంగా ఎంత కష్టం ఉన్నప్పటికీ... గిన్నిస్ బుక్ ఆఫ్ వరల్డ్ రికార్డుల్లో తన పేరు చేరిన విషయాన్ని వెల్లడించే సమావేశం కనుక ఆయన తప్పనిసరి పరిస్థితుల్లో వచ్చారు.

#Megastar Chiranjeevi down with Chikungunya for the last 25 days

He is slowly recovering only now. #SaiDharamTej helped him onto the stage to receive today's #GuinnessWorldRecords honour 👇#AamirKhan #MegastarChiranjeevi #Tollywood #RamCharan #GUİNNESS #DevaraTrailer

Wishing… pic.twitter.com/yZETxHP33t

— Pakka Telugu Media (@pakkatelugunewz) September 22, 2024

Guinness World Records has recognised #MegastarChiranjeevi as the Most Prolific Film Star in the Indian Film Industry.#Chiranjeevi has performed 24000 dance moves in 537 songs in his 156 films in a span of 45 years. pic.twitter.com/69sRNFlU6p

— TalkEnti (@thetalkenti) September 22, 2024

చిరంజీవి డాన్సులకు, నటనకు రికార్డుల్లో చోటు దక్కింది. ఇప్పటి వరకు 156 సినిమాలలో 537 పాటల్లో దాదాపు 24 వేల డాన్స్‌ మూమెంట్స్ చేశారు చిరంజీవి. ఈ స్థాయిలో డాన్స్ చేసిన హీరో ప్రపంచంలో మరొకరు లేరు. అందుకని అవార్డు వచ్చింది. చిరు లక్ష్యం ఒకటే... ప్రేక్షకులను ఎప్పటికీ అలరించడం! గతంలోనూ ఆయన ఆరోగ్యం బాలేనప్పటికీ చిత్రీకరణ చేసిన రోజులు ఎన్నో ఉన్నాయి. 'ఠాగూర్' సినిమాలో మన్మధ మన్మధ మామ పుత్రుడా సాంగ్ చిత్రీకరణకు కొన్ని రోజుల ముందు ఒక యాక్షన్ సీక్వెన్స్ తీసేటప్పుడు కాలికి గాయమైంది. అయినా సరే తన వల్ల షూటింగ్ క్యాన్సిల్ కాకూడదని మోకాలికి రక్తం వచ్చిన వయొలిన్ స్టెప్పు వేశారు. దటీజ్ చిరంజీవి. ఇప్పుడు మరోసారి ఆయన డెడికేషన్ గురించి ప్రేక్షకులు చర్చించుకుంటున్నారు.

వశిష్ట దర్శకత్వంలో 'విశ్వంభర'
Chiranjeevi Upcoming Movies: ప్రస్తుతం మెగాస్టార్ చిరంజీవి భారీ ఫాంటసీ యాక్షన్ ఫిలిం 'విశ్వంభర' చేస్తున్నారు. ఈ చిత్రానికి బ్లాక్ బస్టర్ 'బింబిసార' తీసిన వశిష్ట మల్లిడి దర్శకుడు. చికెన్ గున్యా రావడానికి ముందు కొన్ని రోజుల పాటు చిత్రీకరణ చేశారు. చిరు ఆరోగ్యం బాలేదని కారణంగా ప్రస్తుతానికి విరామం ఇచ్చారు. సంక్రాంతి కానుకగా జనవరి 10న ఆ సినిమా ప్రేక్షకుల ముందుకు రానుంది.