Chiranjeevi: చిరంజీవి లివింగ్ లెజెండ్... మెగాస్టార్ స్పీచ్ తర్వాత నాగార్జున ట్వీట్ వైరల్... ఏమన్నారో చూశారా?

Nagarjuna Tweet On Chiranjeevi: కింగ్ అక్కినేని నాగార్జున తాజాగా చేసిన ట్వీట్ సోషల్ మీడియాలో వైరల్ అవుతోంది. చిరును ఆయన లివింగ్ లెజెండ్ అన్నారు. ఆ ట్వీట్ వెనుక ఇన్ డైరెక్ట్ క్లారిటీ ఉందా?

నాగార్జున, చిరంజీవి, అమితాబ్ బచ్చన్

Source : https://x.com/iamnagarjuna/status/1851149741234799007

అక్కినేని శత జయంతి సంవత్సరంలో ఆయన పేరు మీద ఇచ్చే ఏఎన్ఆర్ నేషనల్ అవార్డు (ANR National Award 2024) తీసుకోవడం చాలా సంతోషంగా ఉందని మెగాస్టార్ చిరంజీవి (Chiranjeevi) తెలియజేయడమే కాదు... ఆ వేడుకలో ఆయన మాట్లాడిన మాటలు 17 ఏళ్ల క్రితం జరిగిన వివాదాన్ని మళ్లీ తెరపైకు తీసుకు వచ్చాయి. ఇప్పుడు నాగార్జున చేసిన ట్వీట్ సైతం చిరుకు మద్దతుగా ఉందని పలువురు అభిప్రాయపడుతున్నారు. ఇంతకీ నాగార్జున ఏం ట్వీట్ చేశారు?

చిరంజీవి లివింగ్ లెజెండ్... నాగార్జున ట్వీట్!
అక్కినేని శత జయంతి సంబరాలను (ANR Centenary Celebrations), ఏఎన్ఆర్ నేషనల్ అవార్డు వేడుకను ఎప్పటికీ గుర్తుంచుకునే విధంగా, ఓ మధురమైన అనుభూతిగా మార్చినందుకు బాలీవుడ్ స్టార్ అమితాబ్ బచ్చన్, మెగాస్టార్ చిరంజీవిలకు నాగార్జున కృతజ్ఞతలు తెలిపారు. ఈ సందర్భంగా చేసిన ట్వీట్లో వాళ్ళిద్దరినీ లివింగ్ లెజెండ్స్ అని కింగ్ పేర్కొన్నారు.

Gratitude to the living legends @SrBachchan ji and @KChiruTweets garu for making the #AnrAwards and the centenary celebrations of ANR so memorable and even more prestigious with your presence🙏 @mmkeeravaani garu your audiovisual presentation of my father’s life will be… pic.twitter.com/JLR4sJnad2

— Nagarjuna Akkineni (@iamnagarjuna) October 29, 2024

తెలుగు చలనచిత్ర సీమ నిర్వహించిన వజ్రోత్సవాల్లో చిరంజీవిని 'లెజెండ్ ఆఫ్ తెలుగు సినిమా' పురస్కారంతో సత్కరించాలని ఆ సమయంలో టాలీవుడ్ పెద్దలు కొందరు భావించారు. అయితే, తను లెజెండ్ కాదా అని మోహన్ బాబు ప్రశ్నించడం ఆ తర్వాత తనకు ఇచ్చిన అవార్డును క్యాప్సూల్ బాక్స్ లో చిరంజీవి పడేయడం తెలిసిన విషయాలు. దానిని ఏఎన్ఆర్ నేషనల్ అవార్డు వేడుకలో చిరు ప్రస్తావించారు. అప్పట్లో మోహన్ బాబు ఏం మాట్లాడారు? ఆ వివాదం మీద ఇప్పుడు చిరంజీవి ఏ విధంగా స్పందించారు? అని ప్రేక్షకులు ఆరా తీస్తున్నారు. అప్పటి విషయాలు గుర్తున కొందరు ప్రేక్షకులు వాటిని గుర్తు చేసుకుంటుండగా... తెలియని వారు సోషల్ మీడియాలో వైరల్ అవుతున్న వీడియోలను చూస్తున్నారు. 

That’s why He is MegaStar 💥👏🙏@KChiruTweets finally puts full stop to the controversy happened 17 years ago which is stirred by MohanBabu in Vajrotsavam event in 2007 !!#ANRNationalAward2024 #MegaStarChiranjeevi #Chiranjeevi pic.twitter.com/YxvZbp9G7S

— Telugu Cult 𝐘𝐓 (@Telugu_Cult) October 29, 2024

ఈ తరుణంలో చిరంజీవిని లివింగ్ లెజెండ్ అంటూ నాగార్జున పేర్కొనడం... మోహన్ బాబు మాట్లాడిన మాటలకు చిరంజీవి స్పందిస్తే, ఇప్పుడు చిరంజీవి లెజెండ్ అని నాగార్జున కన్ఫర్మ్ చేశారని పరిశ్రమలోని కొందరు ఆఫ్ ది రికార్డుగా చెబుతున్నారు. ప్రేక్షకుల మధ్యలో కూడా ఇది చర్చనీయాంశం అవుతుంది.

తన తండ్రి అక్కినేని నాగేశ్వరరావు జీవితం మీద ఆస్కార్ పురస్కార గ్రహీత ప్రముఖ సంగీత దర్శకుడు ఎంఎం కీరవాణి రూపొందించిన ఆడియో వీడియో ప్రజెంటేషన్ ఎప్పటికీ తమకు గుర్తుంటుందని నాగార్జున చెప్పారు. కీరవాణికి కృతజ్ఞతలు తెలిపారు.