Rashmika: మహారాణి ఏసుబాయిగా రష్మిక... పుష్ప 2 తర్వాత బాలీవుడ్లో మరో భారీ హిట్?
Chhaava New Poster: విక్కీ కౌశల్ 'ఛావా'లో నేషనల్ క్రష్ రష్మిక హీరోయిన్. ఈ రోజు ఆవిడ ఫస్ట్ లుక్ విడుదల చేశారు. 'పుష్ప 2' తర్వాత హిందీలో ఆమెకు మరో భారీ హిట్ ఖాయమా?
Rashmika Mandanna's First Look In Chhaava: 'పుష్ప 2: ది రూల్' భారీ సక్సెస్ సాధించడం, అందులో తన పాత్రకు, ముఖ్యంగా జాతరలో చెప్పిన డైలాగులకు విపరీతమైన అప్లాజ్ రావడంతో... ఆ సక్సెస్ ఎంజాయ్ చేస్తున్నారు నేషనల్ క్రష్ రష్మిక మందన్నా. ఇప్పుడు మరో సినిమాతో, కొత్త పాత్రలో థియేటర్లలో రావడానికి రెడీ అవుతున్నారు.
విక్కీ కౌశల్ జోడీగా రష్మిక... ఆ లుక్ చూశారా?
బాలీవుడ్ యంగ్ హీరో విక్కీ కౌశల్ (Vicky Kaushal) నటించిన హిస్టారికల్ సినిమా 'ఛావా'. ఇందులో ఆయన జోడీగా మహారాణి యేసు బాయి పాత్రలో రష్మిక మందన్నా నటించారు. ఇవాళ ఆమె ఫస్ట్ లుక్ విడుదల చేశారు. ''ప్రతి గొప్ప మహారాజు వెనుక బలమైన మహారాణి ఉంటుంది. స్వరాజ్యానికి గర్వకారణమైన యేసు బాయిని మీకు పరిచయం చేస్తున్నాం'' అని రష్మిక ట్వీట్ చేశారు.
Behind every great king, there stands a queen of unmatched strength.
— Rashmika Mandanna (@iamRashmika) January 21, 2025
Maharani Yesubai - the pride of Swarajya. #ChhaavaTrailer Out Tomorrow!
Releasing in cinemas on 14th February 2025.#Chhaava #ChhaavaOnFeb14@vickykaushal09 #AkshayeKhanna #DineshVijan @Laxman10072… pic.twitter.com/lclHEr2lAk
Chhaava Trailer: ఈ బుధవారం (జనవరి 22న) 'ఛావా' ట్రైలర్ విడుదల కానుంది. ఈ సందర్భంగా రష్మిక లుక్ విడుదల చేశారు. ఈ సినిమా ఫిబ్రవరి 14న థియేటర్లలోకి రానుంది. దీనితో రష్మిక మరో భారీ హిట్ అందుకోవడం ఖాయమని బాలీవుడ్ వర్గాలు అంటున్నాయి.
హిందీ సినిమాకు భారీ సక్సెస్ అందిస్తుందా?
హిస్టారికల్ ఫిల్మ్స్, యాక్షన్ ప్యాక్డ్ సినిమాలను బాలీవుడ్ ఆడియన్స్ ఆదరిస్తున్నారు. ముఖ్యంగా మన టాలీవుడ్, సౌత్ ఇండియా నుంచి వెళ్లిన 'బాహుబలి', 'కెజిఎఫ్', 'ఆర్ఆర్ఆర్', 'సలార్', 'పుష్ప' విజయాలు అందుకు ఉదాహరణ. ఆ స్థాయిలో 'ఛావా' కూడా సక్సెస్ అవుతుందని బాలీవుడ్ అంటోంది.
Also Read: రాజా వారు రాణి గారు... తల్లిదండ్రులు కాబోతున్నారు - గుడ్ న్యూస్ చెప్పిన యంగ్ హీరో కిరణ్ అబ్బవరం
అసలు 'ఛావా' సినిమా కథ ఏమిటి? ఏముంది?
మొఘల్ సామ్రాజ్యం మీద మరాఠా యోధుడు శంభాజీ చేసిన యుద్ధం నేపథ్యంలో 'ఛావా' సినిమా తెరకెక్కింది. మరాఠా సామ్రాజ్య స్థాపకుడు, దేశం గర్వించదగ్గ మహారాజు ఛత్రపతి శివాజీ మహారాజ్ తర్వాత ఆయన వారసుడిగా పెద్ద కుమారుడు శంభాజీ అలియాస్ ఛత్రపతి శంభురాజ్ మహారాజ్ సామ్రాజ్య పగ్గాలు చేపడతారు. ఆ తర్వాత మొఘలుల మీద ఆయన ఎటువంటి యుద్ధం చేశాడు? అనేది సినిమా.
తొలుత 'ఛావా' సినిమాను డిసెంబర్ మొదటి వారంలో, 6వ తేదీన విడుదల చేయాలని ప్లాన్ చేశారు. అప్పుడు 'పుష్ప 2'తో క్లాష్ అవుతుందని, ఒకే రోజు రష్మిక నటించిన రెండు సినిమాలు విడుదల అవుతాయని అందరూ భావించారు. అయితే 'ఛావా' వాయిదా పడింది. దాంతో క్లాష్ తప్పింది.
టాప్ హెడ్ లైన్స్
ట్రెండింగ్ వార్తలు
