Balakrishna : హేమ మాలిని కాళ్లు మొక్కిన బాలయ్య - మా హీరో బంగారం అంటూ నెటిజన్లు ఫిదా

Balakrishna IFFD 2026 : ఢిల్లీ వేదికగా జరిగిన కార్యక్రమంలో హీరో బాలకృష్ణ చేసిన పనికి నెటిజన్లు ఫిదా అవుతున్నారు. మా బాలయ్య బంగారం అంటూ సోషల్ మీడియాలో వీడియో షేర్ చేస్తున్నారు.

హేమ మాలిని కాళ్లు మొక్కిన బాలయ్య

Source : https://x.com/i/status/2037011658791587968

Balakrishna Touches Hema Malini Feet : గాడ్ ఆఫ్ మాసెస్ బాలకృష్ణ అంతర్జాతీయ ఢిల్లీ చలన చిత్రోత్సవంలో 2026 (IFFD 2026)లో లైఫ్ టైమ్ అచీవ్‌మెంట్ అవార్డు అందుకున్న సంగతి తెలిసిందే. ఈ సందర్భంగా ఓ వీడియో వైరల్ అవుతోంది. ఆయన బాలీవుడ్ నటి హేమ మాలిని పాదాలకు నమస్కరించారు.

అవార్డు స్వీకరించిన తర్వాత రెడ్ కార్పెట్‌పై బాలకృష్ణ ఉండగా... హేమ మాలిని అక్కడకు వచ్చారు. ఆమెను నవ్వుతూ పలకరించిన ఆయన పాదాలకు నమస్కరించి ఆశీర్వాదం తీసుకున్నారు. ఆమె వెంటనే ఆప్యాయంగా ఆయనతో కరచాలనం చేసి ఫోటోలు దిగారు. ఈ వీడియో నెట్టింట వైరల్ అవుతోంది. 

Mass lo Maharaju… maryada lo Mahaanubhavudu! 👑

Nandamuri Balakrishna garu seeking blessings from Hema Malini garu shows his true greatness & humbleness ❤️

That’s why he is not just a star… he is a LEGEND! 💥

Jai balayya! pic.twitter.com/0sn7Zr1RN9

— Sree✨ (@urstrulymanth) March 26, 2026

నెటిజన్లు ఫిదా

గౌతమీ పుత్ర శాతకర్ణి సినిమాలో బాలయ్య తల్లిగా హేమ మాలిని నటించారు. ఆమె పట్ల గౌరవం, భక్తితో బాలయ్య చేసిన పనికి నెటిజన్లు ఫిదా అవుతున్నారు. స్టార్ హీరో అయి కూడా ఎంతో గౌరవంతో హేమ మాలిని కాలికి నమస్కరించి ఆశీర్వాదం తీసుకున్నారని... ఇదీ బాలయ్య అంటే అంటూ రియాక్ట్ అవుతున్నారు. 'మా బాలయ్య మనసు బంగారం', పెద్దల పట్ల ఆయన ఎప్పుడూ గౌరవంతో ఉంటారని అభిమానులు కామెంట్స్ చేస్తున్నారు.

మరో అరుదైన గౌరవం

ఢిల్లీ వేదికగా జరిగిన 'ఇంటర్నేషనల్ ఫిల్మ్ ఫెస్టివల్ ఆఫ్ ఢిల్లీ (IFFD 2026)' వేడుకల్లో బాలయ్య సీఎం రేఖా గుప్తా చేతుల మీదుగా ప్రతిష్టాత్మక లైఫ్ టైం అచీవ్‌మెంట్ అవార్డు అందుకున్నారు. నాలుగు దశాబ్దాలుగా సినీ రంగానికి ఆయన చేసిన విశేష సేవలను గుర్తించి నిర్వాహకులు ఈ అవార్డుతో గౌరవించారు. ఆయనకు ఈ పురస్కారం దక్కడంపై టాలీవుడ్ సెలబ్రిటీలు హర్షం వ్యక్తం చేశారు. ఈ వేడుకలో హేమ మాలిని, కంగనా రనౌత్, విక్కీ కౌశల్, అర్జున్ కపూర్, అనుపమ్ ఖేర్ తదితరులు పాల్గొన్నారు. ఈ వేడుకలు ఈ నెల 31 వరకూ జరగనున్నాయి.

అమ్మానాన్నల ఆశీర్వాదంతోనే...

అమ్మానాన్నల ఆశీర్వాదంతోనే తాను 50 ఏళ్లుగా చిత్ర పరిశ్రమలో రాణిస్తున్నట్లు చెప్పారు బాలయ్య. 'మహిళా సాధికారత గురించి మా నాన్న ఎప్పుడూ ఆలోచిస్తూ ఉండేవారు. సినిమాలు, రాజకీయాల్లోనూ మహిళల సాధికారత గురించి పాటుపడిన మా నాన్న వారసత్వాన్ని, ఆయన ఆశయాల్ని మేము కొనసాగిస్తాం. అంతర్జాతీయ ఢిల్లీ చలన చిత్రోత్సవాల్లో పాల్గొనడం, అవార్డు స్వీకరించడం చాలా ఆనందంగా ఉంది.' అని అన్నారు.

ఈ చలన చిత్రోత్సవాల్లో బాలయ్య నటించిన భగవంత్ కేసరి సినిమా ప్రదర్శించారు. డైరెక్టర్ అనిల్ రావిపూడి, నిర్మాత సాహు గారపాటి ఇందులో పాల్గొన్నారు. సినిమాలో బాలయ్య చెప్పిన సందేశం అందరికీ చేరువైందని... గుడ్ టచ్, బ్యాడ్ టచ్‌పై అందరిలోనూ అవగాహన కల్పించింది ఈ మూవీ అని అన్నారు.

మరిన్ని చదవండి

6 నెలల్లో 100 ప్రాణాలా? - వరుస యాక్సిడెంట్స్‌పై హీరో నిఖిల్ షాకింగ్ రియాక్షన్