అల్లు అర్జున్ అసలైన ఆంధ్ర కింగ్... ఒక్క దెబ్బతో చిరంజీవి అభిమాని జీవితాన్ని మార్చేశాడు
Allu Arjun - Andhra King Taluka: 'ఆంధ్ర కింగ్ తాలూకా'లో హీరో కోసం అభిమాని 3 కోట్లు పంపిస్తాడు. నిజ జీవితంలో అభిమాని కోసం హీరోలు ఏం చేయరని విమర్శలు వస్తాయి. ఈ తరుణంలో బన్నీ గొప్పదనం చెప్పారు ఓ నెటిజన్.
థియేటర్లలో 'ఆంధ్ర కింగ్ తాలూకా' సందడి నెలకొంది. సినిమాలో అభిమాన హీరో కోసం ఓ ఫ్యాన్ మూడు కోట్ల రూపాయలు అకౌంటులో వేస్తారు. అయితే ఇదే మూవీలో మరో సీన్ ఉంటుంది. 'నువ్వు ఒకడు ఉన్నావని ఆ హీరోకి తెలియదు. ఏం బతుకులు రా మీవి' అని హీరోయిన్ తండ్రి అవమానిస్తాడు. నిజ జీవితంలో ఇటువంటి విమర్శ కొందరి నుంచి వినబడుతుంది. అభిమానుల కోసం హీరోలు ఏమీ చేయరని. కానీ, ఐకాన్ స్టార్ అల్లు అర్జున్ గురించి ఒక నెటిజన్ చేసిన ట్వీట్ చూస్తే అసలైన 'ఆంధ్ర కింగ్ తాలూకా' అని చెప్పాలి.
చిరంజీవి అభిమాని జీవితాన్ని మార్చిన ఐకాన్ స్టార్!
'పుష్ప 2' షూటింగ్ చేస్తున్న సమయంలో జరిగిన సంఘటన గురించి ఒక నెటిజన్ సోషల్ నెట్వర్కింగ్ సైట్ 'ఎక్స్'లో ఏం పోస్ట్ చేశారంటే...
''ఆంధ్ర కింగ్ తాలూకా' చూశాక నాకు గుర్తు వచ్చిన సంఘటన. జనవరి - ఫిబ్రవరి 2021లో ఉమ్మడి తూర్పు గోదావరి జిల్లా ప్రస్తుత (అరకు జిల్లా) రంపచోడవరం మారేడుమిల్లికి సుకుమార్ దర్శకత్వంలో చేసిన 'పుష్ప' సినిమా షూటింగ్ కోసం అల్లు అర్జున్ వచ్చారు.
చిరంజీవి గారి అభిమాని ఒకరు చిన్న హోటల్ నడుపుతున్న పరిస్థితి. హోటల్ మొత్తం చిరంజీవి ఫోటోస్ ఉన్నాయి. అతని ఆర్థిక పరిస్థితి అస్సలు బాగోలేదు. కారణం కోవిడ్ లో వ్యాపారం దెబ్బ తిన్నది. షూటింగ్ సమయంలో దారిలో వెళ్తున్నప్పుడు హీరో అల్లు అర్జున్ గారు ఒక రోజు చిన్న హోటల్ కు వెళ్లాడు. అక్కడ అతని పరిస్థితి తెలుసుకొని కొంత ఆర్థిక సహాయం చేశాడు. ఆ తర్వాత అల్లు అర్జున్ మరో ఆలోచన చేశారు. తన యూనిట్ సభ్యులకు వంట - క్యాంటీన్ సామగ్రి, స్టోరేజ్ కోసం అతని హోటల్ వాడుదామని, అందుకు అతనికి కొంత డబ్బులు ఇద్దామని నిర్ణయించుకున్నాడు. అలా ఆ హోటల్ 3 నెలల వ్యాపారం బాగా జరిగింది. ఆ తర్వాత నుంచి అక్కడికి షూటింగ్ వచ్చిన పలు సినిమాల షూటింగ్స్ అన్నీ అతని హోటల్ ద్వారా క్యాంటిన్ పనులు సాగాయి. వ్యాపారం బాగా జరుగుతుంది.
ఎంతైనా అల్లు అర్జున్ ఓ అగ్ర నిర్మాత కొడుకు కదా! వ్యాపార తెలివితేటలు ఎక్కడికి పోతాయి. అల్లు అర్జున్ చేసిన సహాయం ఒక కుటుంబాన్ని ఆ చుట్టుపక్కల వ్యాపార భాగ్య స్వామ్యం వైపు నడిపించింది. చిరంజీవి అభిమాని అని కాదు... ఏ హీరో అభిమాని అయినా అల్లు అర్జున్ ఇలా చేసేవాడు నా ప్రగాఢ నమ్మకం'' అని పేర్కొన్నారు. అదీ సంగతి!
ఆంధ్ర కింగ్ తాలూకా సినిమా చూసాక నాకు గుర్తొచ్చిన సంఘటన.
— Vennela Kishore Reddy (@Kishoreddyk) November 28, 2025
2021 జనవరి, ఫిబ్రవరి నెలలో ఉమ్మడి ఈస్ట్ గోదావరి జిల్లా ప్రస్తుత (అరకు జిల్లా) రంపచోడవరం మరుడిమిల్లిలో హీరో ఆలు అర్జున్ హీరో గా సుకుమార్ దర్శకత్వంలో వచ్చిన పుష్ప సినిమా షూటింగ్ సమయంలో.
ఒక చిరంజీవి గారి అభిమాని ఒక చిన్న…
'పుష్ప 2 ది రూల్' పాన్ ఇండియా సక్సెస్ తర్వాత ఇప్పుడు తమిళ దర్శకుడు అట్లీతో అల్లు అర్జున్ ఒక సినిమా చేస్తున్న సంగతి తెలిసిందే.
Before You Go
Gundenininda Gudigantalu Serial August 14 | రోహిణి మైండ్ గేమ్కు మనోజ్ పడిపోతాడా?
టాప్ హెడ్ లైన్స్
ట్రెండింగ్ వార్తలు
