Allu Arjun: అల్లు అర్జున్ అభిమానికి AAFA సాయం... సర్జరీ కోసం డబ్బులు, బన్నీ వాసు భరోసా

Allu Arjun Fans Association: ఐకాన్ స్టార్ అల్లు అర్జున్ అభిమాని కుమార్తెకు అరుదైన వ్యాధి ఉందని తెలిసింది. దాంతో ఫ్యాన్స్ అసోసియేషన్ ఆ కుటుంబానికి అండగా నిలిచింది.

అల్లు అర్జున్ ఫ్యాన్స్ అసోసియేషన్ (AAFA) ఉమ్మడి నల్గొండ జిల్లా వైస్ ప్రెసిడెంట్ కరంపూరి సతీష్‌కు AAFA ఆర్థిక సహాయం అందించింది.

Source : ABPLIVE AI

ఐకాన్ స్టార్ అల్లు అర్జున్ (Allu Arjun) అభిమాన సంఘం మంచి పని చేసింది. తమ అభిమానులలో ఒకరి కుమార్తెకు అరుదైన వ్యాధి ఉందని తెలియడంతో ఆ కుటుంబానికి అండగా నిలిచింది. చికిత్స, వైద్యానికి కొంత సాయం అందించింది. ఆ వివరాల్లోకి వెళితే...

అల్లు అర్జున్ అభిమాని కుమార్తెకు అనోరెక్టల్ మాల్ఫార్మేషన్!
అల్లు అర్జున్ ఫ్యాన్స్ అసోసియేషన్ (Allu Arjun Fans Association - AAFA) ఉమ్మడి నల్గొండ జిల్లా వైస్ ప్రెసిడెంట్ కరంపూరి సతీష్‌ (Karampuri Satish)కు AAFA ఆర్థిక సహాయం అందించింది.

'అనో రెక్టల్ మాల్ఫార్మేషన్' (Anorectal Malformation - ARM)... జన్యుపరంగా వచ్చే అరుదైన వ్యాధితో సతీష్ కుమార్తె నక్షిత జన్మించినప్పటి నుంచి బాధపడుతోంది. ఆ చిన్నారికి ఆల్రెడీ రెండు సర్జరీలు జరిగాయి. త్వరలో మరో శస్త్ర చికిత్సకు ఏర్పాట్లు చేస్తున్నారు.

నక్షిత ఆరోగ్య పరిస్థితి గురించి AAFAకు తెలిసింది. వెంటనే ఆ కుటుంబాన్ని పిలిపించి ప్రముఖ యువ నిర్మాత, అల్లు అర్జున్ సన్నిహితులు 'బన్నీ' వాసు చేతుల మీదుగా నక్షత్ర వైద్యం, శాస్త్ర చికిత్సలకు అవసరమయ్యే ఖర్చుల కోసం లక్షన్నర రూపాయల ఆర్థిక సహాయాన్ని అందించింది. అభిమానులు లేదా వాళ్ళ కుటుంబ సభ్యులకు కష్టకాలంలో తమ AAFA అండగా ఉంటుందని, వారికి అవసరమైన సహాయాన్ని ఎప్పటికప్పుడు అందిస్తామని బన్నీ వాసు తెలిపారు.

Allu Arjun Upcoming Movies: ప్రస్తుతం అల్లు అర్జున్ చేస్తున్న సినిమాలకు వస్తే... పాన్ ఇండియా సక్సెస్ 'పుష్ప 2' తర్వాత అట్లీ దర్శకత్వంలో 'రాక' చేస్తున్నారు. అది పూర్తి అయ్యాక మలయాళ హీరో కమ్ డైరెక్టర్ బసిల్ జోసెఫ్ దర్శకత్వంలో మరో సినిమా చేయనున్నారు.