Manushi Chhillar On Samrat Prithviraj failure: 'విక్రమ్', 'మేజర్' వల్లే అక్షయ్ కుమార్ 'పృథ్వీరాజ్' ప్లాప్ అయ్యిందా? హీరోయిన్ మాటలు విన్నారా?

అక్షయ్ కుమార్ 'సామ్రాట్ పృథ్వీరాజ్' ప్లాప్ అవ్వడానికి కారణం సౌత్ సినిమాలేనా? ఈ విశ్లేషణపై హీరోయిన్ మానుషీ చిల్లర్ ఏమన్నారంటే...

అక్షయ్ కుమార్, మానుషీ చిల్లర్

మాజీ మిస్ వరల్డ్ మానుషీ చిల్లర్ కథానాయికగా పరిచయమైన సినిమా 'సామ్రాట్ పృథ్వీరాజ్'. బాలీవుడ్ స్టార్ హీరో అక్షయ్ కుమార్ టైటిల్ రోల్ చేశారు. హిందీలో రూపొందిన ఈ సినిమాను దక్షిణాది భాషల్లోనూ అనువదించి విడుదల చేశారు. సుమారు మూడు వందల కోట్ల రూపాయలతో తెరకెక్కిన 'సామ్రాట్ పృథ్వీరాజ్' బాక్సాఫీస్ దగ్గర ఘోరంగా ప్లాప్ అయ్యింది.
 
'సామ్రాట్ పృథ్వీరాజ్'తో పాటు విడుదలైన కమల్ హాసన్ 'విక్రమ్', అడివి శేష్ 'మేజర్' సినిమాలు... అక్షయ్ సినిమా కంటే ఎక్కువ వసూళ్లు సాధించాయి. 'విక్రమ్' అయితే మూడు వందల కోట్లకు పైగా వసూలు చేసింది. సౌత్ సినిమాలు రెండూ భారీ విజయాలు సాధించడంతో అక్షయ్ సినిమా ప్లాప్ అయ్యిందని... ఆ హిట్స్ ఎఫెక్ట్ హిందీ సినిమాపై ఉందని కొంత మంది విశ్లేషించారు. ఈ నేపథ్యంలో కథానాయిక మానుషీ చిల్లర్ ఒక ఇంటర్వ్యూలో 'పృథ్వీరాజ్' ప్లాప్ మీద స్పందించారు.

''నిజం చెప్పాలంటే... నేను 'విక్రమ్', 'మేజర్' చూడలేదు. అయితే, మనం ఒక సినిమా పరాజయానికి మరొక సినిమాను నిందించలేం'' అని మానుషీ చిల్లర్ పేర్కొన్నారు. సినిమా ఫలితం దర్శక - నిర్మాతలు, యూనిట్ సభ్యుల చేతిలో ఉండదని ఆమె అన్నారు. ''సినిమా ప్రేక్షకులకు నచ్చిందా? లేదా? అనేది నిర్ణయించేది ప్రేక్షకులే. సినిమా అనేది సమష్టి కృషి. ఇదంతా నాకు కొత్త (ప్లాప్‌ని ఉద్దేశిస్తూ...). దీన్నుంచి చాలా నేర్చుకుంటా'' అని మానుషీ చిల్లర్ చెప్పుకొచ్చారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Manushi Chhillar (@manushi_chhillar)