Dhurandhar 3: 'ధురంధర్ 3' ఉంటుందా? రణవీర్ సింగ్‌తో ఆదిత్య ధర్ మరో సీక్వెల్ ప్లాన్ చేస్తున్నారా?

Dhurandhar The Revenge Sequel: 'ధురంధర్ 3' ఉంటుందా? 'ధురంధర్: ది రివెంజ్' తర్వాత మరొక సీక్వెల్ చేయడానికి దర్శకుడు ఆదిత్య ధర్ సిద్ధమవుతున్నారా? బాలీవుడ్ మీడియా ఏమంటోంది? అంటే...

'ధురంధర్ 3'ని ఆదిత్య ధర్ ప్లాన్ చేస్తున్నారా?

Source : Instagram

'ధురంధర్: ది రివెంజ్' సినిమాపై అభిమానులలో చాలా ఆసక్తి ఉంది. ప్రతి ఒక్కరూ ఈ సినిమాను థియేటర్లలో చూసేందుకు... సినిమా విడుదల కోసం ఆసక్తిగా ఎదురు చూస్తున్నారు. మార్చి 18న ప్రీమియర్స్ కోసం రికార్డు స్థాయిలో అడ్వాన్స్ బుకింగ్స్ జరిగాయి. గురువారం ప్రపంచ వ్యాప్తంగా థియేటర్లలో విడుదల కానుందీ సినిమా. బాక్స్ ఆఫీస్ దగ్గర సంచలనం సృష్టించడం ఖాయమని స్పష్టంగా తెలుస్తోంది. ఇప్పుడు బాలీవుడ్ బాక్స్‌ ఆఫీస్ చరిత్రలో 'ధురంధర్ 2' అతి పెద్ద ఓపెనింగ్ డే, వీకెండ్ కలెక్షన్లు సాధించిన సినిమాగా మారవచ్చని ట్రేడ్ విశ్లేషకులు కూడా అంచనా వేస్తున్నారు. వీటన్నిటి మధ్య, 'ధురంధర్: ది రివెంజ్' తర్వాత మూడవ భాగం కూడా వస్తుందని, వచ్చే ఛాన్స్ ఉందని బాలీవుడ్ టాక్. 

'ధురంధర్ ది రివెంజ్' తర్వాత 'ధురంధర్ 3'? 
జియో స్టూడియోస్ ఆదిత్య ధర్‌ (Adhitya Dhar)ను 'ధురంధర్ 3' స్క్రిప్ట్ వర్క్ ప్రారంభించమని కోరిందట. నిర్మాణ సంస్థ ఈ ఫ్రాంచైజీని పెద్ద సినిమాటిక్ యూనివర్స్‌గా మార్చడానికి అవకాశాలను చూస్తోంది. అయితే ఆదిత్య ధర్ ఈ కథతో ముందుకు సాగడానికి సిద్ధంగా ఉన్నారా? లేదా? అనేది ఇంకా తెలియదు. "ఈ కథను అనేక భాగాలుగా చేయగలిగే అవకాశం ఉంది. ధురంధర్ సృష్టించిన వసూళ్ల సునామీ, కథతో పాటు నటీనటుల ప్రతిభకు, సినిమాకు వచ్చిన స్పందన చూస్తే... మూడో భాగాన్ని వచ్చే అవకాశాలను తోసిపుచ్చలేం" అని హిందీ సినిమా వర్గాలు చెబుతున్నాయి.

ఆదిత్య ధర్ మనసులో కూడా మూడో పార్ట్ గురించి ఓ ఆలోచన ఉందట. అయితే... ఆయన కచ్చితంగా ఏమీ చెప్పడం లేదు. ప్రస్తుతం జియో స్టూడియోస్ మాత్రం ఈ అవకాశాన్ని కోల్పోకూడదని అనుకుంటోంది. ఆదిత్య ధర్‌ను కనీసం 'ధురంధర్: ది రివెంజ్'లో పోస్ట్-క్రెడిట్స్‌లో మూడో పార్ట్ వస్తున్నట్టు టీజర్‌ను యాడ్ చేయమని కోరిందట.

'ధురంధర్ 3'... ఆదిత్య ధర్ ఆసక్తి చూపుతున్నారా?
జియో స్టూడియోస్ ఆసక్తి కారణంగా 'ధురంధర్ 3'ని ప్రకటించినప్పటికీ.... సినిమా షూటింగ్ వాస్తవానికి ప్రారంభమవుతుందని చెప్పలేని పరిస్థితి. ఆదిత్య ధర్ ప్రతి ప్రాజెక్ట్‌లో కొత్త ఆలోచనలతో ప్రయోగాలు చేయడానికి ఇష్టపడతారు. ఆయనేం చేస్తారనేది చూడాలి.

'ధురంధర్‌'పై రెండున్నరేళ్ల పాటు పనిచేసిన తర్వాత... ఆ కథను వెంటనే కంటిన్యూ చేయడానికి బదులు, పూర్తిగా భిన్నమైన సినిమా చేయడానికి ఆసక్తి చూపుతున్నారని సమాచారం. 'ధురంధర్' విజయానికి రీజన్ ఏమిటంటే... YRF స్పై యూనివర్స్, సౌత్ ఇండియన్ యాక్షన్ సినిమాల ఫార్ములాను బ్రేక్ చేసింది. 'ధురంధర్ 3' చేసినా, చేయకపోయినా... ఆదిత్య ధర్ ఇప్పటికే జియో స్టూడియోస్ కోసం తన తదుపరి ఫీచర్ ఫిల్మ్‌ను డైరెక్ట్ చేయడానికి యాక్సెప్ట్‌ చేశారు.