Deepika Padukone: దీపికా పదుకోన్‌కు బిడ్డ పుట్టబోయేది ఆ రోజే - డెలివరీ డేట్ ఇచ్చేసిన డాక్టర్లు

Deepika Padukone Delivery: హీరోయిన్ దీపికా పదుకోన్ ప్రెగ్నెంట్ అనేది తెలిసిన విషయమే. ఆవిడ డెలివరీ ఈ నెలలో అని, డాక్టర్లు డెలివరీ డేట్ కూడా ఇచ్చారని ముంబై ఇండస్ట్రీ అంటోంది.

దీపికా పదుకోన్

Source : https://www.instagram.com/deepikapadukone/

రణ్వీర్ సింగ్, దీపికా పదుకోన్ దంపతులకు జన్మించినబోయే బిడ్డ కోసం బాలీవుడ్ ఎదురు చూస్తోంది. ఫిబ్రవరిలో ఈ స్టార్ కపుల్ ప్రెగ్నెన్సీ విషయాన్ని వెల్లడించింది. అప్పట్నుంచి సెప్టెంబర్ నెలలో పండంటి బిడ్డకు దీపిక జన్మ ఇస్తుందని అటు ఫిల్మ్ ఇండస్ట్రీ జనాలు, ఇటు ఆడియన్స్ ఓ అంచనాకు వచ్చారు. ఇప్పుడు ఆ బిడ్డ పుట్టబోయే తేదీ కూడా ఇండస్ట్రీ సర్కిళ్లలో, సోషల్ మీడియాలో చక్కర్లు కొడుతోంది. 

సెప్టెంబర్ 28న దీపికా పదుకోన్ డెలివరీ?
దీపికా పదుకోన్, రణ్వీర్ సింగ్ దంపతులు తమ జీవితంలో కొత్త అధ్యాయంలో అడుగు పెట్టడానికి రెడీ అవుతున్నారని బాలీవుడ్ చెబుతోంది. అన్నీ అనుకున్న విధంగా జరిగితే ఈ నెల 28న దీపికా పదుకోన్ డెలివరీ అని ముంబై టాక్. ఆల్రెడీ సౌత్ బొంబాయిలోని ఓ ఆస్పత్రిలో డెలివరీకి ఏర్పాట్లు జరిగాయని తెలిసింది. 

మార్చి వరకు బిడ్డతో దీపిక... నో షూటింగ్స్!
డెలివరీ అయ్యాక ఆరు నెలల పాటు ఎక్కడికీ వెళ్లకూడదని దీపికా పదుకోన్ డిసైడ్ అయ్యారట. బిడ్డతో టైమ్ స్పెండ్ చేయాలని ప్లాన్ చేసుకున్నారట. వచ్చే ఏడాది మార్చి వరకు ఆవిడ ఎటువంటి షూటింగ్స్ చేయరని ఆల్రెడీ మేనేజర్లు సినిమా దర్శక నిర్మాతలకు చెప్పినట్టు సమాచారం. ప్రెగ్నెంట్ అయిన సమయంలో కొత్త సినిమాల గురించి దీపికా పదుకోన్ ఓ నిర్ణయానికి వచ్చారు. 'కల్కి 2898 ఏడీ' ఆమె ప్రీ ప్రెగ్నెంట్ ఫిల్మ్ అని చెప్పాలి.

డెలివరీ కోసం దీపికా పదుకోన్ లండన్ వెళతారని ఆ మధ్య వార్తలు వినిపించాయి. ఆ ప్రచారంలో నిజం లేదని, ముంబైలో డెలివరీకి ఏర్పాట్లు జరిగాయని బాలీవుడ్ వర్గాలు చెబుతున్నాయి.

పుట్టబోయేది అమ్మాయా? అబ్బాయా?
దీపికా పదుకోన్ డెలివరీ కోసం, డెలివరీ అయ్యాక శుభాకాంక్షలు చెప్పడం కోసం బాలీవుడ్ సెలబ్రిటీలు ఎదురు చూస్తుంటే... కొంత మంది నెటిజనులు ఆమెకు అబ్బాయి పుడతాడా? లేదంటే అమ్మాయి పుడుతుందా? అని కొత్త చర్చకు దారి తీశారు. ఒక్కటి మాత్రం నిజం... ఎవరు జన్మించినా పేరెంట్స్ హ్యాపీగా ఉంటారు. వాళ్లకు లేని ఆలోచనలు నెటిజనులకు ఎందుకో మరి!

షారుఖ్ 'మన్నత్' దగ్గరకు దీప్ వీర్ దంపతులు!
రణ్వీర్ సింగ్, దీపికా పదుకోన్ దంపతులు బిడ్డ పుట్టిన తర్వాత ఇల్లు మారే ప్లాన్ చేశారట. బాలీవుడ్ బాద్షా షారుఖ్ ఖాన్ 'మన్నత్' దగ్గరలో సుమారు 120 కోట్ల రూపాయలతో కొనుగోలు చేసిన కొత్త ఇంటికి మారతారట. సముద్ర తీరం కనిపించేలా ఓ ఇల్లు కొనుగోలు చేశారని సమాచారం. మహారాష్ట్రలోని అలీబాగ్ ఏరియాలో రూ. 22 కోట్లు పెట్టి 2021లో దీప్ వీర్ దంపతులు ఓ ఇల్లు కొన్నారు. ఇప్పుడు కొన్నది రెండో ఇల్లు. 

దీపికా పదుకోన్ కొత్త సినిమాలు ఇప్పట్లో సెట్స్ మీదకు వెళ్లే అవకాశాలు లేవు. ఈ స్టార్ హీరోయిన్ మార్చి తర్వాత మళ్లీ మేకప్ వేసుకుంటారు. అయితే... ప్రస్తుతం రణ్వీర్ సింగ్ 'సింగం ఎగైన్', 'డాన్ 3' సినిమాలు చేస్తున్నారు.