Naresh Pavitra Lokesh Marriage: పెళ్లి చేసుకున్న నరేష్, పవిత్ర లోకేష్ - వీడియో వదిలిన కొత్త జంట

నటుడు నరేష్, పవిత్రా లోకేష్ ఎట్టకేలకు పెళ్లి బంధంతో ఒక్కటయ్యారు. అగ్ని సాక్షిగా ఏడడుగులు వేసి.. దంపతులుగా కొత్త జీవితాన్ని ప్రారంభిస్తున్నట్లు ప్రకటించారు.

Image Credit: H.E Dr Naresh VK actor/Twitter

ప్రముఖ టాలీవుడ్ నటుడు నరేష్ వీకే, పవిత్ర లోకేష్ ఎట్టకేలకు పెళ్లి చేసుకున్నారు. శుక్రవారం సోషల్ మీడియాలో తమ పెళ్లి వీడియోను విడుదల చేశారు. 

‘‘ఒక పవిత్ర బంధం 
రెండు మనసులు 
మూడు ముళ్ళు 
ఏడు అడుగులు 🙏

మీ ఆశీస్సులు కోరుకుంటూ ఇట్లు 
- మీ  #PavitraNaresh’’

అంటూ ఆయన ట్విట్టర్ ద్వారా తమ పెళ్లి గురించి ప్రకటించారు. అయితే, వీరి పెళ్లి ఎక్కడ జరిగిందనేది స్పష్టత లేదు. తమ కుటుంబ సభ్యుల సమక్షంలో మైసూర్‌లో పెళ్లి చేసుకున్నట్లు వార్తలు వస్తున్నాయి. అయితే, ఇది నిజమైన పెళ్లా? లేదా తెలివిగా వదిలిన వీడియోనా అనే సందేహాలు కూడా వ్యక్తమవుతున్నాయి.

టాలీవుడ్ ఇండస్ట్రీలో నటుడు నరేష్-పవిత్ర లోకేష్‌ల రిలేషన్ వ్యవహారం గత కొన్నాళ్లుగా హాట్‌ టాపిక్‌గా చక్కర్లు కొడుతున్న సంగతి తెలిసిందే. వీరిద్దరు వివాహం చేసుకోబోతున్నట్లు డిసెంబర్ 31వ తేదీన అధికారికంగా ప్రకటించారు. అంతేకాదు ఇద్దరూ లిప్ లాక్ చేసుకుంటూ కొత్త సంవత్సరంలోకి అడుగు పెడుతున్నామంటూ రిలీజ్ చేసిన వీడియో వైరల్ అయింది. దీనిపై ఇంటర్నెట్ లో అనేక చర్చలు నడిచాయి. ఆ తర్వాత నరేష్, పవిత్ర పెళ్లి మీద ఎలాంటి సమాచారం బయటకు రాలేదు. అయితే, శుక్రవారం విడుదల చేసిన వీడియో చూసిన తర్వాత అంతా ఆశ్చర్యంలో మునిగిపోయారు. ఆయన భార్య రమ్యతో విడాకుల వ్యవహారం ఇంకా కోర్టులో ఉండగా.. నరేష్ పెళ్లి ఎలా చేసుకుంటారనే ప్రశ్నలు వస్తున్నాయి. అయితే, వారి కేసు ఎంత వరకు వచ్చిందనేది మాత్రం ఇంకా తెలియరాలేదు. కోర్టు అంగీకారంతోనే వీరిద్దరూ ఒక్కటయ్యారా? లేదా అవేవీ పట్టించుకోకుండానే పెళ్లి చేసుకున్నారా అనేది తెలియాల్సి ఉంది.

Seeking your blessings for a life time of peace & joy in this new journey of us🤗

ఒక పవిత్ర బంధం
రెండు మనసులు
మూడు ముళ్ళు
ఏడు అడుగులు 🙏

మీ ఆశీస్సులు కోరుకుంటూ ఇట్లు
- మీ #PavitraNaresh ❤️ pic.twitter.com/f26dgXXl6g

— H.E Dr Naresh VK actor (@ItsActorNaresh) March 10, 2023

అన్నం పెట్టిన చేతికే సున్నం పెట్టింది: రమ్య

నరేష్, పవిత్ర తమ పెళ్లి గురించి ప్రకటించిన రోజునే రమ్యా మీడియాతో మాట్లాడింది. వారి పెళ్లి జరగనివ్వనని తెలిపింది. నరేష్, పవిత్రల లిప్ లాక్‌పై కూడా స్పందించింది. తనకూ, నరేష్ కూ విడాకులు అయిపోయాయని, అందుకే నరేష్, పవిత్రను పెళ్లి చేసుకోవడానికి సిద్దమైపోయాడు అంటూ వార్తలు వస్తున్నాయని, అందులో ఏ మాత్రం నిజం లేదని ఆమె వెల్లడించింది. తమ విడాకుల వ్యవహారం కోర్టులో నడుస్తోందని చెప్పంది. పవిత్ర తన ఇంటికి మొదటిసారి వచ్చినప్పుడు తన చేత్తో అన్నం పెట్టానని, ఇప్పుడు అన్న పెట్టిన చేతికే సున్నం రాస్తోందని మండిపడింది. అయితే, ఇదంతా రమ్య రెండు నెలల కిందట చెప్పిన మాటలు. ప్రస్తుతం ఈ కేసు ఎంతవరకు వచ్చిందనేది.. రమ్య స్పందిస్తేనే తెలుస్తుంది. 

అశ్లీల వీడియోలు చూస్తాడు

నరేష్ అశ్లీల వీడియోలు కూడా చూస్తాడని, దానికి తమ కొడుకే సాక్ష్యం అని తెలిపింది. నరేష్ వల్ల తమ కుమారుడు మానసికంగా చాలా ఇబ్బందులు ఎదుర్కొంటున్నాడని వాపోయింది. తండ్రి అనే బాధ్యత కూడా లేకుండా నరేష్ దారుణంగా ప్రవర్తిస్తున్నాడని ఆగ్రహం వ్యక్తం చేసింది. అయితే నరేష్, పవిత్రల పెళ్లి వార్తల గురించి తానేమీ కంగారు పడటంలేదని, కానీ ఇలాంటివన్నీ చూసి ఏ భార్య అయినా ఎలా తట్టుకోగలదని అప్పట్లో ప్రశ్నించింది. నరేష్ తనను వదిలించుకోవడానికి ఎన్నో దారుణాలకు ఒడిగట్టాడని, అందుకే ఏదిఏమైనా నరేష్ కు మాత్రం తాను విడాకులు ఇచ్చేది లేదని తేల్చి చెప్పేసింది. 

గతంలో కూడా  నరేష్ పవిత్ర మైసూర్ హోటల్ లో ఉండగా రెడ్ హ్యాండెడ్ గా పట్టుకుంది రమ్య. అప్పుడు కూడా వారిద్దరి పై పోలీసులకు ఫిర్యాదు చేసి రచ్చ చేసింది. తర్వాత కూడా ఇదే వ్యవహారంపై ఒకటిరెండు సార్లు వార్తల్లో నిలిచింది. రమ్య రఘుపతి ఏపీ కాంగ్రెస్ నాయకుడు రఘువీరారెడ్డి సోదరుడి కుమార్తె. 2010లో నరేష్ ఆమెను మూడో వివాహం చేసుకున్నాడు. వీరిద్దరికీ ఓ బాబు కూడా ఉన్నాడు. మరి, నరేష్, పవిత్రల పెళ్లి వీడియో చూసిన తర్వాత రమ్య ఎలా స్పందిస్తుందో చూడాలి.