Manoj Mounika Marriage : వచ్చే వారమే మంచు మనోజ్, మౌనిక పెళ్ళి - ఏడడుగులు వేసేది ఎప్పుడంటే? 

యంగ్ & ఎనర్జిటిక్ హీరో, రాకింగ్ స్టార్ మంచు మనోజ్ రెండో పెళ్ళికి రెడీ అయినట్లు ఫిల్మ్ నగర్ వర్గాల సమాచారం. వచ్చే వారమే ఆయన ఏడడుగులు వేయనున్నట్లు తెలుస్తోంది. వెడ్డింగ్ డేట్ గురించి అప్డేట్ ఏంటంటే... 

గణనాథుని మండపంలో మంచు మనోజ్, మౌనిక తదితరులు

తెలుగు ప్రేక్షకులకు, చిత్రసీమ ప్రముఖులకు మంచు మనోజ్ (Manchu Manoj)  గురించి ప్రత్యేక పరిచయం అవసరం లేదు. కలెక్షన్ కింగ్, డా. మంచు మోహన్ బాబు రెండో కుమారుడిగా ఆయన అందరికీ తెలుసు. హీరోగానూ ప్రేక్షకులలో మంచి గుర్తింపు తెచ్చుకున్నారు. ఆయన కెరీర్ చూస్తే రోలర్ కోస్టర్ రైడ్ కింద ఉంటుంది. అయితే, జయాపజయాలకు అతీతంగా ఆయన పేరు, గుర్తింపు సొంతం చేసుకున్నారు.

మంచు మనోజ్ వ్యక్తిగత జీవితం కూడా రోలర్ కోస్టర్ రైడ్ అని చెప్పాలి. ఎందుకు అంటే... మొదటి పెళ్లి ఆయనకు కలిసి రాలేదు. గతంలో ప్రణతి రెడ్డిని మనోజ్ ప్రేమించారు. వాళ్ళిద్దరూ 2015లో పెళ్లి చేసుకున్నాడు. అయితే, ఆ వివాహ బంధం ఎక్కువ రోజులు నిలవలేదు. తమ దారులు వేర్వేరు అంటూ 2019లో విడిపోయారు. విడాకుల తర్వాత చాలా రోజులు మనోజ్ ఒంటరిగా ఉన్నారు. కొన్ని రోజుల క్రితం రాయలసీమకు చెందిన బలమైన రాజకీయ కుటుంబం నుంచి వచ్చిన భౌమ నాగ మౌనికతో ఆయన ప్రేమలో పడ్డారని తెలిసింది.
 
భూమా మౌనిక రెడ్డితో జంటగా తిరిగిన మనోజ్!
మంచు మనోజ్, భూమా నాగ మౌనిక రెడ్డి గత ఏడాది సెప్టెంబర్ తొలి వారంలో భాగ్య నగరంలోని సీతాఫల్ మండిలోని వినాయక మండపంలో జంటగా కనిపించారు. ఆ సమయంలో గణనాథుడికి పూజలు చేశారు. అప్పుడే ప్రేమ విషయం బయటకు వచ్చింది. అప్పుడు పెళ్లి గురించి ప్రశ్నించగా... అది తన వ్యక్తిగత విషయం అని చెప్పారు. ఆ తర్వాత డిసెంబర్ నెలలో కడప దర్గాను మనోజ్ సందర్శించారు. అక్కడ కొత్త జీవితం ప్రారంభించనున్నట్టు, త్వరలో కొత్త కుటుంబంతో కడప దర్గాకు మళ్ళీ రావాలని ఉన్నట్టు ఆయన తెలిపారు. అప్పుడు మనోజ్, భూమిక పెళ్లి చేసుకుంటారనే స్పష్టత వచ్చింది.

మార్చి 3న మనోజ్ - మౌనిక పెళ్లి!?
మార్చి తొలి వారంలో భూమా నాగ మౌనిక రెడ్డి మెడలో మంచు మనోజ్ మూడు ముడులు వేయనున్నట్లు ఫిల్మ్ నగర్ వర్గాలు చెబుతున్నాయి. వీళ్ళిద్దరూ ఏడు అడుగులు వేయడానికి ఇరువురి కుటుంబ సభ్యులు గ్రీన్ సిగ్నల్ ఇచ్చారట!

ఎవరీ భూమా మౌనిక?
రాయలసీమలో బలమైన రాజకీయ నేపథ్యం కల భూమా నాగి రెడ్డి, శోభా రెడ్డి దంపతుల రెండో కుమార్తె నాగ మౌనిక. తల్లిదండ్రుల మరణం తర్వాత పిల్లలు కొన్ని ఇబ్బందులు ఎదుర్కొన్నారు. నాగి రెడ్డి, శోభా రెడ్డిల మొదటి కుమార్తె అఖిల ప్రియ రాజకీయాల్లోకి రాగా... కష్టకాలంలో అక్కకు అండగా నిలిబడుతూ, తమ నియోజకవర్గంలో కార్యకర్తలతో నిత్యం మౌనిక టచ్ లో ఉంటున్నారు. ఆమెకు కూడా ఇది రెండో పెళ్లి.