US Shooting: వైట్ హౌస్ దగ్గర ఆప్ఘన్‌ యువకుడి కాల్పులు! ఇద్దరు నేషనల్ గార్డ్ సైనికులకు గాయాలు!

US Shooting: వాషింగ్టన్, DCలోని వైట్ హౌస్ నుంచి రెండు బ్లాక్‌ల దూరంలో ఇద్దరు నేషనల్ గార్డ్ సైనికులపై కాల్పులు జరిగాయి. గాయపడిన వారి పరిస్థితి విషమంగా ఉంది. FBI దర్యాప్తు ప్రారంభించింది.

వైట్ హౌస్ దగ్గర ఆప్ఘన్‌ యువకుడి కాల్పులు! ఇద్దరు నేషనల్ గార్డ్ సైనికులకు గాయాలు!

Source : X.com

US Shooting: అమెరికా రాజధాని వాషింగ్టన్‌లో ఉన్న వెస్ట్ వర్జీనియా నేషనల్ గార్డ్‌కు చెందిన ఇద్దరు సభ్యులపై బుధవారం (నవంబర్ 26, 2025) వైట్ హౌస్‌కు కొద్ది దూరంలో కాల్పులు జరిగాయి. తీవ్రంగా గాయపడిన గార్డ్ సభ్యులు ఆసుపత్రి పాలయ్యారని FBI డైరెక్టర్ కాష్ పటేల్, వాషింగ్టన్ మేయర్ మురియెల్ బౌసర్ పేర్కొన్నారు. టార్గెటెడ్‌గానే దాడి జరిగిందని మేయర్ మురియెల్ బౌసర్ అభివర్ణించడం భద్రతా సంస్థలలో ఆందోళనలను రేకెత్తించింది.

ఘటన జరిగిన వెంటనే FBI, స్థానిక పోలీసులు దర్యాప్తు ప్రారంభించారు. గాయపడిన సైనికులకు వెంటనే చికిత్స అందించామని FBI డైరెక్టర్ కాష్ పటేల్ తెలిపారు. కాల్పులు జరిపిన తర్వాత ఒక అనుమానితుడిని కూడా అరెస్టు చేశారు. వాషింగ్టన్, DCలో ఇద్దరు నేషనల్ గార్డ్ సభ్యులపై కాల్పులు జరిపిన నిందితుడిని 29 ఏళ్ల ఆఫ్ఘన్ పౌరుడు రహ్మానుల్లాగా గుర్తించినట్లు NBC నివేదికలు చెబుతున్నాయి. ఈ దాడి సైనికులను కావాలనే లక్ష్యంగా చేసుకుని జరిగిందా అని కూపీ లాగేందుకు ఏజెన్సీలు ప్రయత్నిస్తున్నాయి. అంతేకాకుండా, ఈ కేసును ఉగ్రవాద కోణం నుంచి దర్యాప్తు చేస్తున్నారు.

DC Mayor calls shooting of 2 National Guardsmen "targeted shooting"

Read @ANI Story | https://t.co/H13jfo2YaD#DonaldTrump #USShooting #MurielBowser pic.twitter.com/Llz65nBzk2

— ANI Digital (@ani_digital) November 27, 2025

ఘటన స్థలంలో గందరగోళం నెలకొంది

సోషల్ మీడియాలో ప్రసారం అవుతున్న వీడియోలు EMT బృందాలు గాయపడిన సైనికులకు CPR నిర్వహిస్తున్నట్లు చూపిస్తున్నాయి. రక్తపు మరకలు, పగిలిన గ్లాస్‌లు, రోడ్డుపై స్పష్టంగా కనిపించాయి. ఘటన జరిగిన నిమిషాల్లోనే, పెద్ద సంఖ్యలో పోలీసులు, అగ్నిమాపక విభాగాలు, హెలికాప్టర్లు ఘటనా స్థలానికి చేరుకున్నాయి. కాల్పులు జరిగిన ప్రాంతం మొత్తాన్ని భయాందోళనలకు గురిచేశాయని ప్రత్యక్ష సాక్షి ఒకరు తెలిపారు.

డిసిలో నేషనల్ గార్డ్ మోహరింపు వివాదానికి దారితీసింది

వాషింగ్టన్, డిసిలో నేషనల్ గార్డ్ మోహరింపు గత కొన్ని నెలలుగా ఒక ప్రధాన రాజకీయ సమస్యగా ఉంది. ఆగస్టులో నగరానికి 300 మందికి పైగా సైనికులను మోహరించారు, వారిలో చాలామంది తిరిగి వచ్చారు. ఇటీవల, 160 మంది సైనికులు తమ మోహరింపును విస్తరించాలని నిర్ణయించుకున్నారు.  

అమెరికా అధ్యక్షుడు డొనాల్డ్ ట్రంప్ ఈ ఘటనను తీవ్రంగా ఖండించారు, దీనిని ఒక దారుణమైన ఉగ్రవాద చర్యగా అభివర్ణించారు. అమెరికా రాజధానికి 500 మంది అదనపు సైనికులను మోహరించాలని ట్రంప్ పెంటగాన్‌ను ఆదేశించారు.

బుధవారం మధ్యాహ్నం వైట్ హౌస్ నుండి కొన్ని బ్లాక్‌ల దూరంలో వెస్ట్ వర్జీనియా నేషనల్ గార్డ్ సైనికులపై మెరుపుదాడి జరిగింది. దాడి తర్వాత కాంప్లెక్స్ వెంటనే మూసివేశారు. ఈ ఘటన జరిగిన సమయంలో ట్రంప్ ఫ్లోరిడాలోని తన మార్-ఎ-లాగో క్లబ్‌లో ఉన్నారు.

"ఇది మన మొత్తం దేశానికి వ్యతిరేకంగా జరిగిన దాడి"

అమెరికా అధ్యక్షుడు డొనాల్డ్ ట్రంప్ వీడియో ప్రసంగంలో ఇలా అన్నారు. థాంక్స్ గివింగ్ సందర్భంగా, వాషింగ్టన్, DCలో పనిచేస్తున్న ఇద్దరు నేషనల్ గార్డ్ సభ్యులను కాల్చి చంపారు. "ఇది మన మొత్తం దేశానికి వ్యతిరేకంగా జరిగిన నేరం, ఇది మానవత్వానికి వ్యతిరేకంగా జరిగిన దాడి" అని ఆయన అన్నారు.

ఆఫ్ఘన్ పౌరులకు సమస్యలు తప్పవు

మాజీ అధ్యక్షుడు జో బైడెన్ హయాంలో ఆఫ్ఘనిస్తాన్ నుంచి అమెరికాలోకి ప్రవేశించిన ప్రతి వ్యక్తిని కూడా తనిఖీ చేస్తామని అమెరికా అధ్యక్షుడు డొనాల్డ్ ట్రంప్ హెచ్చరించారు. కాల్పుల ఘటనలో పాల్గొన్న వ్యక్తి 2021లో నిందితుడు ఆఫ్ఘనిస్తాన్ నుంచి అమెరికాలోకి ప్రవేశించాడని DHS విశ్వసిస్తుందని ట్రంప్ పేర్కొన్నారు. ట్రంప్ ప్రకటన అమెరికాలో నివసిస్తున్న ఆఫ్ఘన్ పౌరులు ఎదుర్కొంటున్న ఇబ్బందులను మరింత తీవ్రతరం చేస్తుంది. 

అదుపులో ఉన్న అనుమానితుడు

29 ఏళ్ల రహ్మానుల్లా లకన్వాల్ అనే అనుమానితుడిని కాల్పుల్లో గాయపడిన తర్వాత అదుపులోకి తీసుకున్నారు. ఆఫ్ఘన్ జాతీయుడైన లకన్వాల్ 2021లో అమెరికాకు వచ్చినట్లు సమాచారం. కాల్పులను ఉగ్రవాద చర్యగా దర్యాప్తు చేస్తున్నట్లు న్యాయ శాఖ అధికారి ఒకరు తెలిపారు.