Megastar Chiranjeevi: సల్మాన్ తో చిరు స్టెప్పులు, మాములుగా ఉండదు మరి

'గాడ్ ఫాదర్' సినిమాలో సల్మాన్ ఖాన్ తో కలిసి స్టెప్పులేయబోతున్నారు మెగాస్టార్.

Written By : ABP Desam | Updated at : 04 Apr 2022 06:29 PM (IST)

సల్మాన్ తో చిరు స్టెప్పులు

మెగాస్టార్ చిరంజీవి వరుస సినిమాలను లైన్ లో పెడుతున్న సంగతి తెలిసిందే. ప్రస్తుతం ఆయన 'గాడ్ ఫాదర్' అనే సినిమాలో నటిస్తోన్న. మలయాళ సినిమా 'లూసిఫర్'కి రీమేక్ గా దీన్ని తెరకెక్కిస్తున్నారు. ఈ సినిమాను మోహన్ రాజా డైరెక్ట్ చేస్తున్నారు. ఈ సినిమాలో ఓ ముఖ్య పాత్రలో బాలీవుడ్ హీరో సల్మాన్ ఖాన్నటిస్తున్నారు . సల్మాన్ ఖాన్ పై కొన్ని కీలకమైన సన్నివేశాలను, ఫైట్ ను చిత్రీకరించారు. మలయాళంలో నటుడు పృథ్వీరాజ్ సుకుమారన్ పోషించిన పాత్రలో సల్మాన్ కనిపించనున్నారు.

నిజానికి పృథ్వీరాజ్ రోల్ చాలా చిన్నది. కానీ తెలుగులో సల్మాన్ ఖాన్ ఆ రోల్ పోషిస్తుండడంతో దాని పరిధిని పెంచారు. ఇందులో భాగంగా ఓ పాటను కూడా యాడ్ చేశారు. ఆ పాత్రలో చిరంజీవి, సల్మాన్ కలిసి స్టెప్పులు వేయబోతున్నారు. ఈ వారంలోనే ఈ పాటను ముంబైలో చిత్రీకరించడానికి రంగం సిద్ధం చేస్తున్నారు. ఇప్పటికే ఈ పాట కోసం ఓ ట్యూన్ ను కూడా రెడీ చేశారు. జానీ మాస్టర్ నేతృత్వంలో ఈ పాటను చిత్రీకరించనున్నారు.

తెరపై చిరంజీవి, సల్మాన్ ఖాన్ కలిసి స్టెప్పులేస్తే ఏ రేంజ్ లో ఉంటుందో ఊహించుకోవచ్చు. ఈ సినిమాకి ఈ సాంగ్ హైలైట్ గా నిలవనుంది. ఈ సినిమా కోసం సల్మాన్ ఖాన్ రెమ్యునరేషన్ తీసుకోలేదని తెలుస్తోంది. చిరంజీవి మీద అభిమానంతో సినిమా చేశారు సల్మాన్ ఖాన్. ఇక ఈ సినిమాలో నయనతార, సత్యదేవ్ లాంటి తారలు కీలకపాత్రలు పోషిస్తున్నారు. తమన్ సంగీతం అందిస్తోన్న ఈ సినిమాను కొణిదెల ప్రొడక్షన్స్ బ్యానర్ పై నిర్మిస్తున్నారు.

Also Read: నామినేషన్స్ హీట్ - అజయ్, అషులతో హమీద గొడవ