Sreemukhi: శ్రీముఖి ఇగో హర్ట్ అయితే అంతే... 'బిగ్ బాస్'లో పొగరుబోతు ప్రవర్తన - నెట్టింట విమర్శలు

Sreemukhi Bigg Boss Agnipariksha Trolls: 'బిగ్ బాస్ అగ్నిపరీక్ష'లో శ్రీముఖి యాంకరింగ్ విమర్శల పాలు అవుతోంది. తన ఇగోను హర్ట్ చేసిన వాళ్ళకు స్టేజిపై ఇబ్బందులకు గురి చేస్తోందని వీక్షకులు అభిప్రాయపడుతున్నారు.

'బిగ్ బాస్ అగ్నిపరీక్ష 2'లో శ్రీముఖి పొగరు... రుచితతో రూడ్ బిహేవియర్ పై విమర్శలు

Source : https://www.youtube.com/watch?v=gmrYhiDz_j4

Show Quick Read

Key points generated by AI, verified by newsroom

• బిగ్ బాస్ అగ్నిపరీక్షలో శ్రీముఖి ప్రవర్తనపై తీవ్ర విమర్శలు ఎదుర్కొంటుంది.
• రుచితతో శ్రీముఖి దురుసు ప్రవర్తన, అహంకారం స్పష్టంగా కనిపించాయి.
• న్యాయమూర్తులను ప్రశ్నించిన వారిని షో నుండి తొలగిస్తున్నారని ఆరోపణలు.

Sreemukhi Arrogant Behavior In Bigg Boss Agnipariksha 2 Becomes Talk Of The Town: 'బిగ్ బాస్ అగ్నిపరీక్ష' సీజన్ 2 స్టేజిపై ఉప్పల్ బాలును జడ్జీలు నవదీప్, బిందు మాధవి అవమానించారని సామాన్య వీక్షకులు సైతం అభిప్రాయ పడుతున్నారు. ఈ ఏడాది అగ్నిపరీక్షలో కామన్ పబ్లిక్ పట్ల సెలబ్రిటీ జడ్జీలు వ్యవహరిస్తున్న తీరు విమర్శల పాలు అవుతోంది. ఇప్పుడు హోస్ట్ శ్రీముఖి సైతం విమర్శల బారిన పడ్డారు. అగ్నిపరీక్షకు వచ్చిన సామాన్యుల పట్ల బుల్లితెర రాములమ్మ పొగరుబోతు ప్రవర్తనతో విరుచుకుపడుతోందని ఆడియన్స్ కొంత మంది నుంచి విమర్శలు వస్తున్నాయి. 

రుచితతో శ్రీముఖి రూడ్ బిహేవియర్!
Sreemukhi Rude Behaviour On Ruchitha: 'బిగ్ బాస్ అగ్నిపరీక్ష' సీజన్ 2లో పార్టిసిపేట్ చేస్తున్న కంటెస్టెంట్లలో రుచిత ఒకరు. ఆమె పట్ల శ్రీముఖి చాలా రూడ్‌గా బిహేవ్ చేస్తోంది. శ్రీముఖికి రుచిత నచ్చలేదు. 'బిగ్ బాస్' స్టేజిపై సామాన్యులకు మధ్య మధ్యలో కొన్ని ఆఫర్లు ఇస్తున్నారు. ఆఫర్ అంటే... జడ్జీలను గానీ, యాంకరింగ్ చేస్తున్న శ్రీముఖిని గానీ రోస్ట్ చేయమని. అంటే... వాళ్ళపై జోక్స్ గట్రా వేయవచ్చు. అది నవ్వించడంలో భాగంగా చేయాలి. నవ్వించడం కోసం ఎక్కువ రోస్ట్ చేస్తే అక్కడ సెలబ్రిటీల ఇగో హర్ట్ అవుతోంది. శ్రీముఖి ఇగో హర్ట్ అయ్యింది. దాంతో రుచిత మీద విరుచుకుపడింది.

'బిగ్ బాస్ అగ్నిపరీక్ష'లో భాగంగా రుచితకు ఓ టాస్క్ ఇచ్చారు. ఆమె రెండు కాళ్ళను తాడుతో కట్టేస్తారు. ఆమె నడుచుకుంటూ వెళ్ళాలి. మరీ టైట్‌గా కట్టేస్తే నడవడం ఎలా? అని రుచిత ప్రశ్నించింది. అప్పుడు 'నడవడానికి రావొద్దనే కదా అలా కడుతున్నాం' అని శ్రీముఖి చెప్పింది. 'నా కంఫర్ట్ చెబుతున్నాను' అని రుచిత అంటే... 'ఆమెకు కంఫర్ట్ కావాలి. నువ్వు వెళ్ళిపో. ఎవరికి ఆడాలని ఉంది? ఝాన్సీ నువ్వు రా' అంటూ మరొకరిని పిలిచింది శ్రీముఖి. అలా చెప్పడంలో తప్పు లేదు. కానీ చెప్పేటప్పుడు శ్రీముఖి చెప్పిన విధానంలో రుచితపై ఆమె కోపం కనిపించింది.

నవదీప్, బిందు మాధవి, శ్రీముఖిలను ఎవరు అయితే ప్రశ్నిస్తారో... ఎవరు అయితే హర్ట్ చేస్తారో... వాళ్ళను 'బిగ్ బాస్ అగ్నిపరీక్ష' షో నుంచి ఎలిమినేట్ చేస్తున్నారని విశ్లేషకులు, సామాన్య ప్రేక్షకులు అభిప్రాయపడుతున్నారు. జస్ట్ ఒక్క క్వశ్చన్ వేసినందుకు టాస్క్ లోనుంచి బయటకు పంపించడం దారుణమని చెబుతున్నారు. జడ్జీలు ముగ్గురిలో అభిజీత్ ఒక్కరూ కాస్త బెటర్ అనేది విశ్లేషకుల మాట. ఇంతకు ముందు యాంకరింగ్ విషయంలో శ్రీముఖి ఎప్పుడూ విమర్శల పాలు కాలేదు. కానీ ఈసారి ఆమె ప్రవర్తన పట్ల వీక్షకులు విస్మయం వ్యక్తం చేస్తున్నారు.