BiggBoss 6 Telugu: స్నేహితులు జట్టుగా ఆడితే తప్పు కాదు, అదే భార్యాభర్తలు కలిసి ఆడితే తప్పేంటి - రోహిత్‌ జర్నీ వీడియోలో బిగ్‌బాస్

BiggBoss 6 Telugu: రోహిత్ జర్నీ వీడియో చాలా హూందాగా ఉంది.

(Image credit: Star maa)

BiggBoss 6 Telugu: సీరియల్ హీరో రోహిత్ సాహ్ని. సీరియల్స్‌లో చేసినప్పుడు వచ్చిన గుర్తింపు కంటే బిగ్‌బాస్ లో అడుగుపెట్టాకే ఎక్కువ గుర్తింపు తెచ్చుకున్నాడు. అతని ప్రవర్తన ప్రేక్షకులను చాలా ఆకట్టుకుంది. కామ్ అండ్ కంపోజ్డ్‌గా ఉండే రోహిత్ విన్నర్ కావాలని చాలా మంది కోరుకుంటున్నారు. అమ్మాయిల్లో కీర్తి, మెరీనా, అబ్బాయిల్లో రోహిత్ ఈ సీజన్లో చాలా కామ్ అండ్ కంపోజ్డ్. కాగా ఫైనల్లోకి వెళ్లేందుకు ఒక అడుగు దూరంలో ఉన్నాడు రోహిత్. మిడ్ వీక్ ఎలిమినేషన్లో కూడా సేవ్ అయితే అతడు ఫైనలిస్టు అయిపోతాడు. కాగా అతని జర్నీ వీడియోని వేశారు బిగ్ బాస్. 

గార్డెన్ ఏరియాలోకి వచ్చిన రోహిత్ అదే కామ్‌నెస్ తో ఉన్నాడు. అక్కడ పెట్టిన ఫోటోలు చూశాడు. తరువాత మెరీనా మాటలు విన్నాడు. ఇక బిగ్ బాస్ రోహిత్ గురించి చెప్పడం మొదలుపెట్టాడు. ‘మొసలి నీటిలో ఉన్నప్పుడు తన బలాన్ని స్వేచ్ఛగా ప్రదర్శిస్తుంది. అదే నేలపై మాత్రం ఒక్క అడుగు వేయాలన్న ఆలోచిస్తుంది. కంఫర్ట్ జోన్ నుంచి వచ్చి ఏదైనా సాధించడానికి ధైర్యం కావాలి. అదే ధైర్యాన్ని చూపిస్తూ కంటెస్టెంట్లుగా మారిన భార్యా భర్తలుగా మీరు బిగ్‌బాస్ ఇంటిలోకి అడుగుపెట్టారు. ఎదురయ్యే సవాళ్లను, కష్టసుఖాలను పంచుకోవడం కేవలం జీవితభాగస్వామితోనే సాధ్యం. ఆ తోడు మీకు ఈ ఇంట్లో లభించింది. మిగతా ఇంటి సభ్యులు ఇదే విషయంపై మిమ్మల్ని తరచూ నామినేట్ చేస్తూ వచ్చారు. స్నేహితులు జట్టుగా  ఆడితే తప్పులేనిది, మీరిద్దరూ ఆడితే ఎందుకు చర్చనీయాంశం అయ్యింది? భార్యాభర్తలకు మించిన స్నేహితులు ఉంటారా? అనే భావన కలిగింది. అయినా మీరు అవేవీ లెక్క చేయలేదు. సహనాన్ని కోల్పోలేదు. విడివిడి ఆడుతున్నప్పటి నుంచి మీ వేగం పెరిగింది. మరానీ ఇంటికి వెళ్లిపోయినప్పుడు మీ పడవపై మీరొక్కరే మిగిలారు. కష్టం వచ్చినప్పుడు మీ మౌనాన్నే ఆయుద్ధంగా వాడారు. ఇది అనవసరమైన వాటి నుంచి మిమ్మల్ని దూరం చేసింది. ఆట మీద దృష్టి పెట్టే మానసిక ధైర్యాన్ని ఇచ్చింది. మీ మంచితాన్ని ఇతరులు అవకాశంగా తీసుకున్నా, మీరు వారికి మంచి చెయ్యడానికే నిర్ణయించుకున్నారు. మీ అమ్మగారు మిమ్మల్ని కెప్టెన్ గా చూడాలనే కోరిక అసంపూర్ణంగా మిగిలిపోయినా, ఈ స్థానంలో మిమ్మల్ని చూసి చాలా గర్వపడతారు’ అంటూ బిగ్ బాస్ రోహిత్ గురించి చాలా అందంగా చెప్పారు. విన్నర్ మెటీరియల్ అంటే ఇలా ఉండాలి అనేట్టుగా ఉంది బిగ్ బాస్ జర్నీని. చొక్కాలు చించుకుని ఆడితేనే విజేత కాదు, ఎలాంటి పరిస్థితులు వచ్చిన తట్టుకుని నిలబడాలి, సహనాన్ని కోల్పోకూడదు, మాటలు విసరకూడదు... ఇవన్నీ రోహిత్ లోనే పుష్కలంగా ఉన్న గుణాలు. రేవంత్ ఆట బాగా ఆడిన అతని ప్రవర్తన చాలా చికాకు కలిగించేలా ఉంటుంది. ప్రతి దానికి వాదన, విపరీతమైన కోపం చూడటానికి అంత ప్రశాంతంగా ఉండవు. 

ఆదిరెడ్డి ప్రసంగం
ఆదరెడ్డి గురించి బిగ్ బాస్ మాట్లాడుతూ ‘ఒక సామాన్యుడిగా ఆసక్తితో బిగ్ బాస్ రివ్యూవర్‌గా మారారు. ఇప్పుడు కంటెస్టెంట్‌గా మీ ప్రయాణం చివరి వారానికి చేరింది. ఇంట్లోకి రాకముందే ఆట గురించి ఎన్నో లెక్కలు వేసి, ఇంట్లోకి అడుగుపెట్టగానే మీలోని స్ట్రాటజీ మాస్టర్ చురుకయ్యారు.కొన్నిసార్లు మీ అంచనా తప్పి మీకే నష్టం జరిగింది. అలాగే మీలోని ఒక సామాన్యుడిని కూడా కొన్నిసార్లు బయటపెట్టారు. మీరు చేసిన డ్యాన్సు కూడా అందులో ఒకటి. మీలో మీకు తెలియని కోణాన్ని ఈ ఇల్లు ప్రేక్షకులకు పరిచయం చేసింది. సామాన్యుడిగా మొదలై విజేతగా నిలిచేందుకు ఒక అడుగు దూరంలో ఉన్న మీ ప్రయాణం ఆగకూడదని ఆశిస్తూ ఆల్ ది బెస్ట్’ అని చెప్పారు. తరువాత ఆదిరెడ్డి ఎప్పట్లాకే పెద్ద ప్రసంగం మొదలుపెట్టాడు. ‘బిగ్ బాస్ ఇది నా మోస్ట్ ఎమెషనల్ మూమెంట్ ఆఫ్ మై లైఫ్. నేనొక కామన్ మ్యాన్ ఉన్నందుకు గర్వ పడే క్షణం ఇది. బిగ్ బాస్ లేకుంటే నేను లేను. బిగ్ బాస్ నా జీవితాన్ని మార్చింది. ఇప్పుడున్న ఆనందం మరో రెండు మూడేళ్లు మెయింటేన్ చేస్తే నేను వందేళ్లు బతుకుతా....’ అంటూ చాలా సేపు ఏవేవో మాట్లాడాడు ఆదిరెడ్డి.