Bigg Boss Telugu Season 8 Episode 40 Review: క్యారక్టర్స్ ఛేంజ్... హౌస్‌మేట్స్‌కు బిగ్ బాస్ పనిష్మెంట్ - బెడిసికొట్టిన 'కిరాక్' సీత గేమ్ స్ట్రాటజీ
Bigg Boss 8: బిగ్ బాస్ సీజన్ 8 తెలుగు ఎపిసోడ్ 40లో బీబీ హోటల్ టాస్క్ కంటిన్యూ అయ్యింది. ఈ టాస్క్ లో గెలిచింది ఎవరు? నేటి ఎపిసోడ్ హైలెట్స్ ఏంటో చూసేద్దాం పదండి.
బిగ్ బాస్ సీజన్ 8 తెలుగు ఎపిసోడ్ 40 ఈరోజు స్ట్రీమింగ్ అయింది. అయితే నిన్న బిగ్ బాస్ రాయల్స్ క్లాన్, ఓజి క్లాన్ సభ్యులకు బీబీ హోటల్ అనే టాస్క్ ఇచ్చిన విషయం తెలిసిందే. ఇందులో ఓజీ క్లాన్ సభ్యులు హోటల్ స్టాఫ్ గా ఉండగా, రాయల్స్ క్లాన్ సభ్యులు అతిథులుగా నటించారు. అయితే నిన్నటి ఎపిసోడ్ లో పెట్టిన టాస్క్ ఇప్పుడు పూర్తయింది. తాజా ఎపిసోడ్లో ఇదే టాస్క్ కంటిన్యూ కాగా, ఈ రోజు హైలెట్స్ ఏంటో తెలుసుకుందాం పదండి.
క్యారెక్టర్లు మార్చిన బిగ్ బాస్...
బిగ్ బాస్ మాట్లాడుతూ టేస్టీ తేజను అవినాష్, రోహిణిల అసిస్టెంట్ గా నియమించారు. హరితేజ తన కొడుకు గురించి గర్వంగా ఫీల్ అవుతూ తన కొడుకుని హీరోని చేద్దామని అనుకునే తల్లి అని చెప్పారు. ఇక మహబూబ్ హరితేజ కొడుకు అని, గౌతమ్ ఆకతాయి, నయనికి న్యారో మైండెడ్ బాయ్ ఫ్రెండ్ అని రాయల్ క్లాన్స్ సభ్యుల పాత్రలను మార్చేశారు. ఇక ఓజీ టీంలో పృథ్వి హోటల్ ఓనర్ నబిల్ కొడుకు, ప్రేరణ సూపర్ స్టార్ అవినాష్ కి అట్రాక్ట్ అయిన హోటల్ మేనేజర్ అని చెప్పారు. ఇక మిగతా క్యారెక్టర్స్ అన్ని యథాతధంగా నడుస్తాయని గేమ్ ను కంటిన్యూ చేయమన్నారు.
ట్రాక్ మార్చిన పృథ్వీ ...
నిన్న బేబీ హౌస్ టాస్క్ మొదలైనప్పుడే క్యాష్ తో పాటు స్టార్స్ ని ఎవరు సంపాదిస్తారో వాళ్లకి స్పెషల్ పవర్ ఉంటుందని బిగ్ బాస్ చెప్పిన విషయం గుర్తుండే ఉంటుంది. రాయల్ క్లాన్ లో అందరూ కలిసి యశ్మీ గౌడ పర్ఫామెన్స్ బాగుందంటూ ఆమెకు స్టార్ ఇచ్చారు. మరోవైపు పృథ్వీ ఏకంగా నయని పావని కొబ్బరి బోండాం తాగిన అదే స్ట్రాతో తాను కూడా సిప్ చేయడం గమనార్హం. ఇంకో స్టార్ ను సీతకి ఇచ్చింది హరితేజ. ఓజి క్లన్ సభ్యులకి ఇష్టం వచ్చిన టాస్క్ పెట్టి, అందులో గెలిచిన వారికి స్టార్ నిచ్చే అధికారం ఇచ్చారు బిగ్ బాస్. అందులో భాగంగానే ఫ్రాగ్ జంప్ టాస్క్ ను ముందుగా ఇచ్చారు. ఇందులో యష్మి, ప్రేరణ అవుట్ అయ్యారు. ఆ తర్వాత స్పూన్ అండ్ లెమన్ టాస్క్ లో నబిల్, పృథ్వి ఔట్ అయ్యారు. ఆ తర్వాత రెండు చేతుల్లో వాటర్ గ్లాసులు పట్టుకుని, ఒకే కాలిపై బ్యాలెన్స్ గా నిలబడే టాస్క్ పెట్టారు. ఈ టాస్క్ లో చివరి వరకు నిఖిల్, మణికంఠ నిలిచారు. ఆ తర్వాత స్విమ్మింగ్ పూల్ లో ఉన్న వస్తువులను తీయాలనే టాస్క్ లో నిఖిల్ విన్ అయ్యాడు. నిఖిల్ కి గంగవ్వ స్టార్ ను ఇచ్చింది. ఆ తరువాత అతిథులు గులాబ్ జామూన్ ఆర్డర్ చేయగా, అవి కన్పించకవడంతో ఎవరు తిన్నారు అనే కన్ఫ్యూజన్ ఎదురైంది. అది తిన్నది అవినాష్. ఈ క్రమంలోనే సీత, ప్రేరణకు మధ్య గొడవ జరిగింది.
నీళ్లను వేస్ట్ చేసినందుకు పనిష్మెంట్...
వాష్ రూమ్ లో ట్యాప్ తిప్పి నీళ్ళను అలాగే వదిలేసిన బిగ్ బాస్ సభ్యులకు నీటి సరఫరా ఆపేసి ఒక టాస్క్ ఇచ్చారు. అందులో గెలిస్తే 25,000 ప్రైస్ మనీ గా ఇస్తామని చెప్పారు బిగ్ బాస్. ఈ టాస్క్ లో టేస్టీ తేజా జారి కింద పడ్డాడు. టాస్క్ లో ఓజీ క్లాన్ గెలిచింది. టాస్క్ ముగిసేసరికి రాయల్స్ క్లాన్ దగ్గర రూ. 116500, ఓజీ క్లాన్ దగ్గర రూ. 108500 ఉండగా, హోటల్ టాస్క్ లో రాయల్స్ క్లాన్ గెలిచింది. అంతకుముందు సీత దొంగిలించిన డబ్బు గురించి గొడవ నడిచింది.
టాప్ హెడ్ లైన్స్
ట్రెండింగ్ వార్తలు
