Manikanta: సింపతీ స్టార్ మణికంఠ మీద 'ఓజీ' కుళ్లు... ఒక్కడిని టార్గెట్ చేస్తూ అసలు ఆట వదిలేశారేంట్రా?

Bigg Boss Manikanta: బిగ్ బాస్ 8లో నాగ మణికంఠకు సింపతీ స్టార్ అని ఆడియన్స్ కొందరు ట్యాగ్ ఇచ్చారు. అయితే, ఇప్పుడు ఆ స్టార్ మీద మిగతా ఓల్డ్ కంటెస్టెంట్లలో జలసీ అతనికి ప్లస్ అవుతోందా?

నాగ మణికంఠ

Source : https://www.instagram.com/naga_manikanta_official/

బిగ్ బాస్ తెలుగు సీజన్ 8 (Bigg Boss 8) ఇంటిలో ఓల్డ్ కంటెస్టెంట్లు వర్సెస్ వైల్డ్ కార్డు కంటెస్టెంట్లు కంటే... నాగ మణికంఠ వర్సెస్ ఓల్డ్ కంటెస్టెంట్లు అన్నట్లు డిస్కషన్ జరుగుతోంది. సింపతీ స్టార్ మీద ఓజీ క్లాన్ సభ్యులు పెట్టిన డిస్కషన్ అతనికి ప్లస్ అవుతోందని చెప్పాలి. ఆ వివరాల్లోకి వెళితే...

బిగ్ బాస్ ఇంటిలో మణికంఠ ప్రతి అడుగు సంచలనమే!
బిగ్ బాస్ 8 ఇంటిలో నాగ మణికంఠ అడుగు పెట్టిన క్షణం నుంచి ఆ అబ్బాయి మాట్లాడిన ప్రతి మాట, చేసిన ప్రతి పని, ఆడిన ప్రతి ఆట సోషల్ మీడియాలో వైరల్ అవుతుంది. తల్లి చనిపోయిన మరుక్షణం సవతి తండ్రి ఇంటి నుంచి బయటకు వచ్చేశానని, తనను తన భార్య వదిలేసిందని మణికంఠ చెప్పిన మాటలతో చాలా మంది కనెక్ట్ అయ్యారు. అయితే... తర్వాత అతడు సింపతి గేమ్ ఆడుతున్నాడని కొందరు గ్రహించారు. స్నేహం పేరుతో అమ్మాయిలకు హగ్గులు ఇస్తున్న విషయం కూడా వైరల్ అయ్యింది.

నాగ మణికంఠకు 'సింపతీ స్టార్' అని ఒక సెక్షన్ ఆఫ్ ఆడియన్స్ బిరుదు ఇచ్చారు. బిగ్ బాస్ ఇంటిలో సభ్యులకు కూడా అతని గేమ్ గ్రహించారు. అయితే తమ గేమ్ మీద కాన్సంట్రేషన్ పక్కన పెట్టి... అతడి గురించి డిస్కషన్ పెడుతున్నారు. అది వాళ్లకు మైనస్, మణికంఠకు ప్లస్ అవుతోంది. 

ఇంటిలో కొత్తగా అడుగుపెట్టిన గంగవ్వ సైతం 'ఎప్పుడూ ఏడుస్తూ ఉంటావు' అని మణికంఠ మీద సెటైర్ వేసింది. అంతే కాదు 'పెళ్ళాం పిల్లలు అంతగా గుర్తు వస్తే ఇంటి నుంచి బయటకు వెళ్ళిపో' అని కూడా చెప్పింది. కావాలని మణికంఠ తన మీద సింపతి వచ్చేలా చేస్తున్నాడు. అది వర్కౌట్ కావడంతో ప్రతిసారి నామినేషన్లలో ఉన్నప్పటికీ సింపతి ఓట్లతో సేవ్ అవుతున్నాడు. అతడి మీద ఆ సింపతీ రాకుండా చేయాలని మిగతా వాళ్ళు ఆలోచిస్తున్నారు.

ఒక్క నబిల్ తప్ప మిగతా అందరూ అంతే!
బిగ్ బాస్ ఇంటిలో ఓల్డ్ కంటెస్టెంట్లకు 'ఓజీ' క్లాన్ ఇచ్చిన సంగతి తెలిసిందే. ఆ క్లాన్ సభ్యుల్లో వరంగల్ యువకుడు నబీల్ తప్ప మిగతా అందరూ మణికంఠని చూసి కుళ్ళిపోతున్నారు. ఆరో వారం నామినేషన్ తర్వాత కూడా ఓల్డ్ కంటెస్టెంట్లు అంతా కలిసి మణికంఠ గురించి డిస్కషన్ పెట్టారు. తమ ఆట ఆడటం మానేసి అతడి మీద చర్చ పెట్టడాన్ని కొంత మంది ఆడియన్స్ తప్పుపడుతున్నారు. 

'వచ్చే వారం మనం మణికంఠని నామినేట్ చేయొద్దు. వాడికి ఇంకా సింపతి వచ్చేస్తుంది' - అని నిఖిల్ చెప్పడం చూస్తుంటే వాళ్ళందరూ మణికంఠ గురించి ఎంత ఎక్కువగా ఆలోచిస్తున్నారో అర్థమవుతుంది. బహుశా... ముందుగా అందరూ అనుకునే ఈ వారం సింపతీ స్టార్‌ను నామినేట్ చేయలేదేమో!? మణికంఠకు సింపతి రాకుండా చేయడం ఎలా అని ఆలోచనలో పడి అసలు ఆటను పక్కన పెట్టేస్తున్నారు ఏమో అనే సందేహం కలుగుతుంది. తమ బృందంలో సభ్యుడు గురించి మిగతా వాళ్ళు అలా ఆలోచిస్తుంటే వాళ్ళ మీద ప్రజలలో తప్పుడు సంకేతాలు వెళ్ళవూ! పాపం ఇంటిలో ఉన్న జనాలు ఆ సంగతి మరిచారు. కొత్తగా ఇంటిలోకి వెళ్లిన సభ్యులు ఆ విషయం అర్థం అయ్యేలా చెబుదామని ట్రై చేసినా వీళ్ళు వినే పరిస్థితిలో లేరు.