Yashmi Gowda: యష్మీ గౌడ మీద నెగెటివిటీ షురూ... సోనియా బయటకొచ్చాక ఆమె రంగు బయట పడుతోందా?

Bigg Boss 8: బిగ్ బాస్ 8లో సోనియా ఆకుల ఎవిక్ట్ రావడానికి వీక్షకులలో ఆమెపై ఏర్పడిన నెగిటివిటీ మెయిన్ రీజన్. ఇప్పుడు ఆ నెగిటివిటీ అంతా యష్మీ గౌడ మూట కట్టుకుంటోందా?

యష్మీ గౌడ

Source : https://www.instagram.com/yashmigowda/

'తన కోపమే తన శత్రువు తన శాంతమే తన మిత్రుడు' అని మన పెద్దలు ఎప్పుడో చెప్పారు. కానీ, ఆ విషయం బిగ్ బాస్ తెలుగు సీజన్ 8 (Bigg Boss - Season 8) కంటెస్టెంట్ యష్మీ గౌడ అర్థం చేసుకున్నట్లు లేరు. తన కోపంతో షో చూసే వీక్షకులలో నెగెటివిటీ మూట కట్టుకుంటున్నారని ఆడియన్స్ రియాక్షన్స్ చూస్తుంటే అర్థమవుతోంది. లేటెస్ట్ వీక్ నామినేషన్స్ ప్రక్రియలో యష్మీ గౌడ వ్యవహరించిన తీరు చాలా మందికి నచ్చలేదు అనేది వాస్తవమని చెప్పాలి.

నామినేట్ చేస్తే రివెంజ్ తీర్చుకుంటుందా?
బిగ్ బాస్ 8 ఆరో వారం నామినేషన్స్ చూస్తే... ఎక్కువ మంది యష్మీ గౌడ (Yashmi Gowda)ను నామినేట్ చేశారు. అంత మంది తనను ఎందుకు నామినేట్ చేశారు?అని ఆవిడ ఆలోచించడం లేదు. పైగా, తనను నామినేట్ చేసిన వారి పట్ల రివెంజ్ తీర్చుకుంటానని అన్నట్లు వ్యవహరిస్తోంది.

'ఓకే ఇది గుర్తుంచుకుంటా' - ఇదీ యష్మీ గౌడ తనను నామినేట్ చేసిన తర్వాత చెప్పిన మాట. అంటే దాని అర్థం ఏమిటి? రాబోయే రోజుల్లో నా చేతుల్లో నీకు ఉంటుంది అన్నట్టే కదా! ఎవరైనా తనను నామినేట్ చేస్తే ఆ విషయం అసలు జీర్ణించుకోలేకపోతోంది. ఎందుకు నా గురించి వీళ్లు ఇలా మాట్లాడుతున్నారు? నా ఆట ఏమైనా తప్పుగా ఉందా? లేదంటే నేను మాట్లాడే తీరులో గానీ, నేను నా భావాలు వ్యక్తం చేసే విధానంలో గానీ ఏమైనా తప్పుగా ఉందా? అని ఆలోచించడం మానేసి 'గుర్తుంచుకుంటా' అనడం ఆడియన్స్ అందరూ అబ్జర్వ్ చేశారు. కోపంలో ఏదేదో మాట్లాడుతుందని అనుకుంటున్నారు. ఇదే విధంగా కొనసాగితే యష్మీ గౌడ వీక్షకులలో ఇంకా నెగెటివిటీ కట్టుకోవడం ఖాయం. కోపం ఎవరికీ మంచిది కాదనే చిన్న లాజిక్ ఆవిడ ఎలా మిస్ అవుతుందో అర్థం కావడం లేదు.

సోనియా బయటకు వెళ్లాక యష్మి రంగు బయట పడిందా?
తెలంగాణ బిడ్డ సోనియా ఆకుల బిగ్ బాస్ ఇంటి నుంచి బయటకు రావడానికి ప్రధాన కారణం వీక్షకులలో ఆమె మీద ఉన్న నెగిటివిటీ. నిఖిల్, పృథ్వీలను తన చెప్పు చేతుల్లో ఉంచుకుని తనకు కావలసినట్టు ఆట ఆడించిందని ఆడియన్స్ అంతా ఫీల్ అయ్యారు. చిన్నోడు, పెద్దోడుతో సోనియా ఆడిన ఆట నచ్చలేదు. అందుకే, ఆమెపై నెగెటివిటీ ఎక్కువ అయ్యి, నామినేషన్స్ తర్వాత అది ఓట్లు  రూపంలో బయట పడి ఆవిడ బయటకు వచ్చేలా చేసింది.

సోనియా ఆకుల బయటకు వచ్చిన తర్వాత యష్మీ గౌడ అసలు రంగు బయట పడుతుందని ఆడియన్స్ డిస్కస్ చేసుకుంటున్నారు. సోనియా బయటకు వచ్చే వరకు ఆవిడ మీద ఉన్న నెగెటివిటీ కారణంగా యష్మీ గౌడ ఎక్కువ హైలైట్ కాలేదు. ఇప్పుడు యష్మీ గౌడ ఓవరాక్షన్ చేస్తుందని, తన గురించి ఎవరేం చెప్పినా యాక్సెప్ట్ చేసే పొజిషన్ లో లేదని జనాలు గుర్తిస్తున్నారు. యష్మీ గౌడతో ఫ్రెండ్షిప్ చేసే కంటెస్టెంట్లు సైతం నెగెటివిటీ ఎదుర్కోక తప్పదు ఏమో!? పృథ్వీ, నిఖిల్​ని రీజన్​గా చూపించి సోనియాను నామినేట్ చేసిన యష్మీ.. ఇప్పుడు వారిద్దరితోనే క్లోజ్​గా ఉంటూ.. హగ్స్​లో సోనియాను మించిపోతుందనే టాక్ ప్రేక్షకుల్లో ఉంది