Bigg Boss Telugu Season 8: నేను నచ్చితే ఓట్లు వేసి గెలిపించిండి... వేడుకున్న విష్ణుప్రియ, - సంచాలక్‌గా రోహిణి గందరగోళం

Bigg Boss Telugu Season 8 : బిగ్ బాస్ పద్నాలుగో వారంలో ఓట్ అప్పీల్ టాస్కులలో ప్రేరణ, నబిల్ ఓట్లు వేయమని ఆడియెన్స్‌ను వేడుకున్నారు. ఇక గురువారం నాడు విష్ణు ఓట్ అప్పీల్ చేసింది.

బిగ్ బాస్ హౌస్ లో విష్ణు ప్రియ ఓట్ అప్పీల్

Source : DisneyPlus Hotstar Telugu

Vishnupriya Vote Appeal in Bigg Boss 8: బిగ్ బాస్ పద్నాలుగో వారంలో ఓట్ అప్పీల్ టాస్కులు జరుగుతున్నాయి. ప్రేరణ, నబిల్ ఇంత వరకు ఓట్లు వేయమని ఆడియెన్స్‌ను వేడుకున్నారు. ఇక మూడో ఛాలెంజ్‌లో భాగంగా గురువారం నాడు కొన్ని టాస్కులు జరిగాయి. ఇందులో భాగంగా పవర్ ఫ్లాగ్, నిలబెట్టు.. పడగొట్టు అనే టాస్కులు పెట్టారు. ఇక ఇందులో ఒక సారి అవినాష్ త్యాగం చేస్తాడు. ఆ త్యాగానికి రోహిణి ఏడ్చేస్తుంది. ఇంకో టాస్కులో రోహిణ సంచాలక్‌గా గందరగోళానికి గురవుతుంది. అసలు గురువారం నాటి ఎపిసోడ్ ఎలా సాగిందంటే..

ఓటు అప్పీల్ కోసం మూడో ఛాలెంజ్‌లో భాగంగా ఫస్ట్ టాస్క్‌ని ఇచ్చాడు. పవర్ ఫ్లాగ్ అనే టాస్కులో అందరూ పోటీ పడాల్సి ఉంటుందని, చివరి వరకు ఆ జెండా ఎవరి చేతుల్లో ఉంటుందే వారు కంటెండర్ అవుతారని చెబుతాడు. ముందు అవుట్ అయిన వ్యక్తి.. ఆ టాస్కుకి సంచాలక్ అని చెబుతాడు. అలా నబిల్ సంచాలక్ అవుతాడు. చివరి రౌండ్ వరకు అవినాష్, రోహిణి ఉంటారు. కానీ రోహిణి (Jabardasth Rohini) కోసం అవినాష్ త్యాగం చేస్తాడు. దీంతో రోహిణి ఎమోషనల్ అవుతుంది.

ఆ తరువాత నిలబెట్టు.. పడగొట్టు టాస్కులో రోహిణి సంచాలక్‌గా కన్ఫ్యూజ్ అయిపోయింది. రూల్స్ ప్రకారం జరిగిందా? అంటూ టాస్కు గురించి రోహిణిని బిగ్ బాస్ అడిగాడు. దీంతో ప్రేరణ కంభం, విష్ణు ప్రియా భీమనేని మాత్రమే కాస్త రూల్స్ ప్రకారం ఆడారని చెబుతుంది. ఆ టాస్కులో విష్ణు విన్నర్ అని చాలా సేపు వాగ్వాదాల తరువాత రోహిణి చెబుతుంది. అలా కంటెండర్లు అయిన రోహిణి, విష్ణుల్ని మెజార్జీ ప్రకారం ఎంచుకుని బ్యాడ్జ్‌లను పెట్టాలని బిగ్ బాస్ చెబుతాడు.

ఇక విష్ణు ప్రియా భీమనేనికి ఓట్లు ఎక్కువగా పడి.. ఓటు అప్పీల్ వరకు వచ్చింది. ఇది వరకు నన్ను చాలా షోల్లో చూశారు.. నన్ను మెచ్చి ఈ స్థాయి వరకు తీసుకొచ్చారు.. కానీ నేను పూర్తిగా మీకు తెలీదు.. నా పూర్తి స్వభావం తెలుస్తుందని ఇక్కడకు వచ్చా.. నా ప్రవర్తన మీలో ఎవరికైనా నచ్చకపోతే క్షమించండి.. ఇక్కడి వరకు తీసుకొచ్చిన వారికి థాంక్స్.. మీ ప్రేమ, ఆదరణ, టైం ఇచ్చి సపోర్ట్..నేను ఇక్కడ నా నిజాయితీతో ఉన్నాను.. మహిళ విజేతగా అవ్వాలని అనుకుంటున్నాను.. నేను మీకు నచ్చితే.. గెలిపించిండి.. అని విష్ణు కోరింది. ఆ తరువాత విమ్ టాస్క్ పెట్టారు. ఆపై జామర్ బ్యాండ్ వచ్చి కాసేపు పాటలో కంటెస్టెంట్లలో ఉత్సాహాన్ని నింపింది. మరి, ఈ రోజు ఏం జరుగుతుందో చూడాలి