Bezawada Bebakka: అమ్మో బేబక్క వాచ్ ధర అన్నీ కోట్లా!? ఏ ప్లానెట్ నుంచి తెచ్చిన మెటలో తెలిస్తే ఫ్యూజులు ఔట్

బెజవాడ బేబక్క తన దగ్గర కోట్ల విలువైన వాచ్, హ్యాండ్ బ్యాగ్ ఉన్నాయి అంటూ చెప్పి షాక్ ఇచ్చింది. వాటి ధర విని అందరూ నోళ్లు వెళ్లబెట్టేలా చేసింది. మరి ఆమె వాచ్, హ్యాండ్ బ్యాగ్ స్పెషాలిటీ ఏంటో చూద్దామా...

బెజవాడ బేబక్క

Source : https://www.instagram.com/bezawada_bebakka/

బిగ్ బాస్ సీజన్ 8లో ఎలిమినేట్ అయిన ఫస్ట్ కంటెస్టెంట్ బెజవాడ బేబక్క వరస ఇంటర్వ్యూలతో ప్రస్తుతం బిజీగా ఉంది. అందులో భాగంగా తాజాగా ఇచ్చిన ఇంటర్వ్యూలో తన వాచ్ ధర చెప్పి అందరిని నోరు వెళ్ళబెట్టేలా చేసింది. అంతే కాదు... ఆ వాచ్ వేరే ప్లానెట్ నుంచి తీసుకొచ్చిన మెటల్ తో తయారు చేశారని చెప్పి షాక్ ఇచ్చింది. మరి బేబక్క దగ్గర ఉన్న వెరైటీ వాచ్ విశేషాలు ఏంటో తెలుసుకుందాం పదండి. 

బేబక్క వాచ్ ధర అన్ని కోట్లా? 
సాధారణంగా బిగ్ బాస్ లో అడుగు పెట్టే కంటెస్టెంట్స్ ఎవరైనా విన్నర్ గా నిలిస్తే దాదాపు 50 లక్షల వరకు ప్రైజ్ మనీ ఇస్తారన్న విషయం తెలిసిందే. కానీ మొదటి వారమే హౌస్ నుంచి ఎలిమినేట్ అయిన బేబక్క మాత్రం అంత కంటే చాలా రెట్లు ఎక్కువ ఖరీదైన వాచ్ ధరించి కనిపించింది. తాజాగా ఆమె పాల్గొన్న ఆ ఇంటర్వ్యూలో తన వాచ్ అండ్ హ్యాండ్ బ్యాగ్ ధర ఎంతో వెల్లడించి షాక్ ఇచ్చింది. వేలు, లక్షలు కాదు ఏకంగా ఆమె పెట్టుకున్న వాచ్ ధర కోట్లలోనే ఉండడం షాకింగ్ గా అనిపిస్తుంది. సదరు ఇంటర్వ్యూలో బేబక్క మాట్లాడుతూ "ఈ వాచ్ ధర ఎంతో మీరు ఊహించలేరు. ఇది స్పెషల్ ఎడిషన్ వాచ్. దీని ధర 78 కోట్ల ఖరీదు. వర్సాచి బ్రాండ్ కు సంబంధించిన ఈ వాచ్ కోసం స్పెషల్ మెటల్ ను వాడారు. డైమండ్స్, గోల్డ్ అనేది సర్వసాధారణం. అందుకే వాళ్ళు ఈ భూమి మీద దొరకని మెటల్ తో ఈ వాచ్ ను డిజైన్ చేశారు. ఈ మెటల్ కేవలం మార్స్ లోనే దొరుకుతుంది. స్పెషల్ గా రాకెట్ పంపించి మాస్ నుంచి ఈ మెటల్ని తీసుకొచ్చి, వాచ్ ను డిజైన్ చేశారు. అందుకే దీన్ని ధర 78 కోట్లు" అంటూ యాంకర్ కి షాక్ ఇచ్చింది. అయితే వెంటనే ఆ యాంకర్ ''70 కోట్ల వాచ్ పెట్టుకుని బిగ్ బాస్ కి వెళ్ళారా? ఆ కాస్ట్ తో బిగ్ బాస్ లాంటి షోనే హోస్ట్ చేయొచ్చు'' అని అన్నారు. దీంతో వెంటనే బేబక్క "ఇది మార్స్ లో మాత్రమే దొరుకుతుంది. అసలు ఇదేంటో కూడా చాలా మందికి తెలియదు. అసలు ఇది భూమ్మీద దొరకదు. అందుకే చాలా చాలా స్పెషల్ ఎడిషన్. ఆ రాకెట్ చార్జెస్ కూడా ఇందులోనే వేయడం వల్ల ఈ వాచ్ ధర ఇంత ఉంది" అని చెప్పుకొచ్చింది. 

హ్యాండ్ బ్యాగ్ కూడా కోట్లలోనే!
హ్యాండ్ బ్యాగ్ గురించి బేబక్క మాట్లాడుతూ "ఈ హ్యాండ్ బ్యాగ్ ఆల్డో వాళ్ళది. అయితే నేను స్పెషల్ గా కస్టమైజ్ చేయించాను. 24 క్యారెట్ ఫైనెస్ట్ గోల్డ్ తో ఈ హ్యాండ్ బ్యాగ్ కి చైన్ చేయించాను. ఇందులో ఉన్న బిళ్ళ వల్లే దీని కాస్ట్ ఊహించని రేంజ్ లో ఉంటుంది. మీరు ఈ బ్యాంకు ధర ఎంత ఊహించగలరా? ఆ వాచ్ మెటల్ కోసం మార్స్ వెళ్ళినప్పుడు తెప్పించాను. దీని ధర 180 కోట్లు" అని చెప్పింది. అనగానే యాంకర్ ఈ రేటుతో నువ్వు మా టీవీనే కొనుక్కోవచ్చు. కానీ బిగ్ బాస్ షో కి వెళ్ళావా? అని అడగ్గా, అవును నాకు ఇలా ఉండడమే ఇష్టం" అంటూ సమాధానం ఇచ్చింది. ఆమె చెప్పిన విషయంలో ఎంత వరకు నిజం ఉందో తెలియదు కానీ నెటిజన్లు ఆమెపై ఓ రేంజ్ లో సెటైర్లు వేస్తున్నారు.