Choo Mantra Kali First Look: భాగమతి దర్శకుడి కొత్త సినిమా - 'ఛూమంత‌ర్ కాళీ'తో పాన్ ఇండియా టార్గెట్ చేసిన హవీష్

అశోక్, హవీష్ కాంబోలో వస్తున్న తాజా చిత్రం `ఛూమంత‌ర్ కాళీ`. హవీష్ బర్త్ డే సందర్భంగా ఈ సినిమా ఫస్ట్ లుక్ రిలీజ్ చేశారు. కౌబాయ్‌ గెటప్ లో హవీష్ ఆకట్టుకుంటున్నాడు.

`ఛూమంత‌ర్ కాళీ` ఫస్ట్ లుక్ రిలీజ్

నేచురల్ స్టార్ నానితో ‘పిల్ల జ‌మిందార్‌’, అందాల తార అనుష్క శెట్టితో ‘భాగమతి’ సినిమాలు చేసి మంచి గుర్తింపు తెచ్చుకున్న దర్శకుడు అశోక్. ఆయన ప్రస్తుతం హ‌వీష్ తో కలిసి ‘ఎస్‌..బాస్‌’ అనే సినిమా చేస్తున్నారు. ఇప్పటికే ఈ సినిమా షూటింగ్ కంప్లీట్ అయ్యింది. ప్రస్తుతం పోస్ట్ ప్రొడక్షన్ పనులు జరుగుతున్నాయి.  ఈ  సినిమాను ఏ స్టూడియోస్ బ్యానర్ పై కోనేరు సత్యనారాయణ నిర్మిస్తున్నారు. రవితేజ ‘ఖిలాడి’ సినిమా తరువాత కోనేరు నిర్మిస్తున్న సినిమా ఇదే. ఈ సినిమాలో బ్రహ్మానందం కీలక పాత్రలో కనిపించనున్నారు. రచయిత ఆకుల శివ ఈ సినిమాకు స్టోరీ, డైలాగులు అందిస్తున్నారు. అనూప్ రూబెన్స్ ఈ సినిమాకు సంగీతం అందిస్తున్నారు.  

`ఛూమంత‌ర్ కాళీ` ఫస్ట్ లుక్ రిలీజ్

ఓవైపు ‘ఎస్‌..బాస్‌’ సినిమా పనులు కొనసాగుతుండగానే, మరోవైపు హ‌వీష్‌తో కలిసి ఓ పాన్ ఇండియన్ సినిమా చేస్తున్నారు అశోక్. కె స్టూడియోస్ బ్యానర్ మీద రూపొందుతున్న ఈ చిత్రానికి `ఛూమంత‌ర్ కాళీ` అనే  టైటిల్ ఫిక్స్ చేశారు. తెలుగు, తమిళం, హిందీ, కన్నడ, మలయాళం భాషల్లో రూపొందిస్తున్నారు.  ఇవాళ హ‌వీష్ బర్త్ డే కావడంతో ఈ చిత్రం ఫ‌స్ట్ లుక్ రిలీజ్ చేశారు. వినాశ‌కాలే విప‌రీత బుద్ది అనే ట్యాగ్ లైన్ ను జోడించారు. ఈ ఫస్ట్ లుక్ పోస్టర్ సినీ అభిమానులను ఆకట్టుకుంటోంది. కౌబాయ్, డిటెక్టివ్ గెటప్ లో హవీష్ కనిపిస్తున్నాడు. ఈ పోస్టర్ ను బట్టి ఈ సినిమా  డిటెక్టివ్ థ్రిల్లర్ గా రూపొందబోతున్నట్లు తెలుస్తోంది.  

#ChuMantarKaali - The Scariest Book,
Hero @idhavish's Next unveiled with an Intriguing First Look & Title Unveil poster celebrating his birthday 💥📣

From #GAshok - Director of Bhaagamathie 🎬

Produced by #KStudios

Stay tuned for more details.#HBDHavish pic.twitter.com/cX42Y53Z3R

— Vamsi Kaka (@vamsikaka) June 25, 2023

థ్రిల్లర్ సినిమాలను హ్యాండిల్ చేయడంలో అశోక్ దిట్ట!  

వాస్తవానికి ఆశోక్ థ్రిల్లర్ సినిమాలను బాగా తెరకెక్కిస్తారు. ‘భాగమతి’ సినిమాతో ఆయన ఈ విషయాన్ని రుజువు చేశారు. ఆ చిత్రం అద్భుతమైన ట్విస్టులతో ముందుకు సాగుతోంది. ‘ఛూమంతర్ కాళీ..’ పోస్టర్ కూడా ఆ సినిమా మాదిరిగానే కనిపిస్తోంది. ఈ సినిమాతో మళ్లీ ‘భాగమతి’ లాంటి హిట్ ను పునరావృతం చేయడం ఖాయమనే టాక్ వినిస్తోంది.

‘ఉషోదయం’ చిత్రంతో దర్శకుడిగా పరిచయం

జి. అశోక్  ‘ఉషోదయం’ చిత్రంతో దర్శకుడిగా పరిచయం అయ్యారు. ఆ తర్వాత ‘ఆకాశ రామన్న’ అనే సినిమా చేశారు. ఈ సినిమా అనుకున్నస్థాయిలో సక్సెస్ కాలేదు. అనంతరం వచ్చిన ‘పిల్ల‌జ‌మిందార్‌’ సినిమాతో అశోక్ కు మంచి బ్రేక్ వచ్చింది. ఈ సినిమా తర్వాత ఆయన తీసిన ‘సుకుమారుడు’ ‘చిత్రాంగద’  సినిమాలు కూడా ప్లాప్ అయ్యాయి.  ‘భాగ‌మ‌తి’ చిత్రంతో బ్లాక్ బస్టర్ కొట్టి మళ్లీ హిట్ ట్రాక్ లోకి వచ్చాడు. ‘బాహుబలి2’ చిత్రం తర్వాత అందాల తార అనుష్క శెట్టి ఈ సినిమా చేశారు. అత్యున్నత సాంకేతిక విలువలతో విభిన్నమై కథతో ఈ సినిమా తెరకెక్కింది. యూవీ క్రియేషన్ బ్యానర్‌పై రూపొందిన ఈ సినిమా సంచలన విజయాన్ని అందుకుంది.   

Join Us on Telegram: https://t.me/abpdesamofficial