Allu Arjun-Sri Chaitanya: ఫస్ట్ టైం కార్పొరేట్ విద్యా సంస్థకు బ్రాండ్ అంబాసిడర్ గా స్టార్ హీరో
ఇప్పటి వరకూ చాలా వాణిజ్య ప్రకటనల్లో కనిపించిన అల్లు అర్జున్ ఈ సారి రూటు మార్చాడు. గతంలో తను మాత్రమే కాదు ఏ హీరో అడుగుపెట్టని రంగాన్ని ప్రమోట్ చేసేందుకు సిద్ధమయ్యాడు.
సబ్బులు, షాంపూలు, సెంట్లు, పౌడర్లు, రియల్ ఎస్టేట్ ఇలా అన్ని ప్రకటనల్లోనూ స్టార్ హీరోలు మెరుస్తున్నారు. కానీ అల్లు అర్జున్ రూటు మార్చాడు. ఇప్పటి వరకూ కోలా కంపెనీలు .. మ్యాంగో బేవరేజెస్, రెడ్ బస్ సహా పలు ప్రకటనల్లో కనిపించిన బన్నీ ఈసారి అందుకు భిన్నంగా ఓ కార్పొరేట్ విద్యా సంస్థను, దానికి అనుబంధంగా ఉన్న కోచింగ్ సెంటర్లను ప్రమోట్ చేస్తున్నాడు.
Sri Chaitanya is delighted to announce @alluarjun as its brand ambassador. He embodies the principles of smart work, discipline and planning that we are known for. We hope his success is an inspiration for our students. Allu Arjun and Sri Chaitanya wish you a very Happy Dussehra pic.twitter.com/OTTTgYR1nC
— Sri Chaitanya Educational Institutions (@Sri_Chaitanya_) October 15, 2021
తెలుగు రాష్ట్రాల్లో విద్యారంగంలో తిరుగులేని పాపులారిటీ సంపాదించుకున్న సంస్థల్లో ఒకటైన శ్రీచైతన్యకు అల్లు అర్జున్ బ్రాండ్ అంబాసిడర్ గా వ్యవహరిస్తున్నాడు. దశాబ్దాలుగా శ్రీచైతన్య విద్యా సంస్థ పాఠశాలలు జూనియర్ కళాశాలల్లో టాప్ ర్యాంకర్లను అందించింది. దశాబ్ధాలుగా మనుగడ సాగిస్తోన్న ఈ సంస్థకు సంబంధించి తాజా ప్రకటనలో ``ఐఐటి సక్సెస్ కోసం శ్రీ చైతన్య బెస్ట్`` అంటూ బన్ని ప్రచారం చేస్తున్నాడు. ఈ ప్రకటనలో స్టైలిష్ స్టార్ కళాశాల విద్యార్థలతో పాటూ కనిపిస్తున్నాడు. `మీ సక్సెస్ కోసం శ్రీ చైతన్య ని ఎంచుకోవడం లో మాత్రం తగ్గేదే లే`` అంటూ ప్రమోట్ చేయడం ఆసక్తికరం. విద్యారంగంలో అల్లు అర్జున్ మాత్రమే కాదు ఓ స్టార్ హీరో ప్రచారం చేయడం ఇదే తొలిసారి కాగా శ్రీ చైతన్య ఇలా ఒక సినీహీరోతో ప్రచారం చేయించడం ఇదే మొదటిసారి.
ఇక స్టార్ హీరోగా బన్ని బిజీ షెడ్యూల్ గురించి ప్రత్యేకంగా చెప్పుకోవాల్సిన అవసరం లేదు. ఇప్పటికే ' పుష్ప' తో బిజీగా ఉన్నాడు. ఈ మూవీ పార్ట్ 1 ఈ డిసెంబర్లో విడుదలవుతుంది. సుకుమార్ తెరకెక్కిస్తోన్న ఈ సినిమాలో రష్మిక మందన్నా హీరోయిన్. పాన్ ఇండియా కేటగిరీలో తెలుగు, తమిళం,మలయాళం, కన్నడం, హిందీ భాషల్లో ఒకేసారి విడుదల కానుంది. పార్ట్ -1 ఈ ఏడాది క్రిస్మస్ కానుకగా రిలీజ్ చేయాలని సన్నాహాలు చేస్తున్నారు. ఇందులో బన్నీ ఎర్రచందనం స్మగ్లర్ పాత్రలో కనిపించనుండగా ఇక గిరిజన యువతి, పాలు సప్లై చేసే అమ్మాయిగా రష్మిక కనిపించనుందని ఇప్పటికే విడుదలైన సెకెండ్ సింగిల్ సాంగ్ లో తెలుస్తోంది. నెగెటివ్ షేడ్స్ ఉన్న పోలీస్ ఆఫీసర్ గా ఫహద్ ఫాజిల్ నటిస్తుండగా సునిల్ మరో విలన్ గా కనిపిస్తాడని టాక్. ఇక బన్ని-రష్మిక మధ్య వచ్చే సన్నివేశాలు , చిత్తూరు మాండలికం ప్రేక్షకులను మెప్పిస్తాయంటున్నారు. సంక్రాంతి 2022కి స్లాట్స్ కిటకిటలాడుతుండడంతో బన్నీ కొన్ని రోజులు ముందుగానే అంటే క్రిస్మస్ కానుకగా వచ్చేందుకు వచ్చేందుకు సిద్ధమయ్యాడు.
Also Read: సరదాగా సాగిన లగ్జరీ బడ్జెట్ టాస్క్…ఈ వారం వరస్ట్ పెర్ఫామర్ గా జైలుకెళ్లిందెవరంటే…
Also Read: పాన్ ఇండియా మూవీలో ఛాన్స్ కొట్టేసిన బాహుబలి విలన్
Also Read: 'స్వామిరారా' టీమ్ మూడోసారి…
Also Read: వరుడు కావలెను' సినిమా విడుదల ఎప్పుడంటే...
Also Read: క్రేజీ డైరెక్టర్‌తో రామ్‌చరణ్ తర్వాతి సినిమా.. పండగ రోజు రెండు కొత్త సినిమాలతో చెర్రీ రచ్చ!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
