Actress Meena: డబ్బు కోసం మరీ ఇంత దిగజారుతారా? రెండో పెళ్లిపై మీనా సంచలన వ్యాఖ్యలు

రెండో పెళ్లి చేసుకోబోతున్నట్లు మీడియాలో వస్తున్న వార్తలపై సీనియర్ నటి మీనా తీవ్ర ఆగ్రహం వ్యక్తం చేశారు. సోషల్‌ మీడియాతో పాటు మీడియా రోజు రోజుకు మరింత దిగజారిపోతుందని మండిపడ్డారు.

సీనియర్ నటి మీనా(Photo Credit: X)

Actress Meena On Second Marriage: మీనా... ఒప్పుడు తెలుగు తెరపై స్టార్ హీరోయిన్ గా కొనసాగారు. 90వ దశకంలో హీరోయిన్ గా ఎంట్రీ ఇచ్చిన ఆమె... రజనీకాంత్, చిరంజీవి, వెంకటేష్ సహా పలువురు అగ్ర హీరోలతో నటించారు. అందం, అభినయంతో స్టార్ హీరోయిన్ గా ఎదిగింది. కెరీర్ సక్సెస్ ఫుల్ గా కొనసాగుతున్న రోజుల్లోనే 2009లో పెళ్లి చేసుకున్నారు. ఆ తర్వాత సినిమాలకు దూరం అయ్యారు. ప్రస్తుతం క్యారెక్టర్ ఆర్టిస్టుగా, రియాలిటీ షోలకు జడ్జిగా వ్యవహరిస్తున్నారు.  

అనారోగ్యంతో మీనా భర్త  విద్యాసాగర్‌ మృతి

జూన్ 2022లో మీనా భర్త విద్యాసాగర్‌ అనారోగ్యం కారణంగా మరణించారు. దీంతో మానసికంగా కుంగిపోయింది. కొంత కాలం తర్వాత కాస్త కొలుకుని పలు సినిమాల్లో నటించడానికి కూడా ఓకే చెప్పింది.  మీనా భర్త చనిపోయినప్పటి నుంచి  సోషల్ మీడియాలో బోలెడు చక్కర్లు కొడుతున్నాయి. ఆమె రెండో పెళ్లికి సిద్దమవుతోంది అంటూ ఊహాగానాలు వస్తున్నాయి. మీనాకు రెండో పెళ్లి చేసుకోవడం ఇష్టం లేకపోయినా ఆమె, కుమార్తె భవిష్యత్తును దృష్టిలో పెట్టుకొని పెళ్లి చేసుకోవాలి అని మీనాను ఆమె తల్లిదండ్రులు ఒత్తిడి చేస్తున్నారంటూ కథనాలు వచ్చాయి. 

మీనా రెండో పెళ్లిపై మీడియాలో ఊహాగానాలు

మీనా భర్త చనిపోయిన తర్వాత సోషల్‌ మీడియాలో ఆమెపై బోలెడు పుకార్ల వ్యాప్తి జరుగుతోంది. ఆమె రెండో పెళ్లి చేసుకోబోతున్నట్లు వార్తలు వస్తూనే ఉన్నాయి. ఇప్పటికే ఆమె పలుమార్లు రెండో పెళ్లి గురించి క్లారిటీ ఇచ్చింది. అయినా కూడా ఆమెపై సోషల్‌ మీడియా దాడి తగ్గడం లేదు. కొద్ది రోజుల క్రితం భార్యతో విడాకులు తీసుకున్న ధనుష్ మీనాను పెళ్లి చేసుకోబోతున్నట్లు ఊహాగానాలు వచ్చాయి. ఈ వార్తలు తమిళ నాట బాగా వైరల్ అవుతున్నాయి. ఇలాంటి వార్తలు చూసి తన ఫ్యామిలీ చాలా బాధపడుతుందని మీనా చాలా సార్లు చెప్పింది. అయినా, మీనా రెండో పెళ్లి చేసుకోబోతున్నట్లు వార్తలు వస్తూనే ఉన్నాయి. తాజాగా ఓ ఇంటర్వ్యూలో పాల్గొన్న ఆమె సోషల్ మీడియాతో పాటు మీడియాపై తీవ్ర అసహనం వ్యక్తం చేశారు.  

డబ్బు కోసం మరీ ఇంత దిగజారుతారా?

కొంత మంది పనీపాటా లేని వాళ్లు సోషల్ మీడియాలో పుకార్లను ప్రచారం చేస్తున్నారని మీనా మండిపడ్డారు. “డబ్బు కోసం కొంత మంది ఎంతకైనా దిగజారడానికి వెనుకాడటం లేదు. సోషల్ మీడియాతో పాటు మీడియా కూడా రోజు రోజు దిగజారిపోతోంది. వాస్తవాలు తెలుసుకోకుండా, ఏది నచ్చితే అది రాసేస్తున్నారు. నిజాలు తెలుసుకుని వార్తలు రాస్తే మంచిది. దేశంలో నా మాదిరిగా ఒంటరిగా జీవించే మహిళలలు ఎంతో మంది ఉన్నారు. మీరు నా గురించి ఎలా అనుకుంటున్నారో? వారి గురించి గురించి కూడా ఇలాగే ఆలోచిస్తారు. మా కుటుంబ సభ్యులు, పిల్లలు ఈ వార్తలు చూసి బాధ పడుతారేమోనని ఎప్పుడైనా ఆలోచించారా? ఆలోచించి రాస్తే మంచిది. ప్రస్తుతం నేను రెండో పెళ్లి చేసుకోవాలనే ఆలోచన చేయడం లేదు. భవిష్యత్తులో ఆ ఆలోచన ఉంటే తప్పకుండా అందరికీ చెప్తాను. అప్పటి వరకు ఎలాంటి పుకార్లు రాయకండి” అని విజ్ఞప్తి చేసింది. ప్రస్తుతం మీనా సినిమాలతో పాటు బుల్లితెరపై జడ్జిగా చేస్తోంది.