Madhavi Latha: క్యాన్సర్ పేషంట్స్ కోసం మాధవీలత ఏం చేసిందో చూశారా..?

మాధవీలతా చేసిన పనికి నెటిజన్లంతా మెచ్చుకుంటున్నారు. ఇటీవల తన పుట్టినరోజు వేడుకలు జరుపుకున్న ఈ బ్యూటీ.. అదేరోజున ఓ క్యాన్సర్ పేషెంట్ కోసం తన జుట్టుని డొనేట్ చేసింది.

క్యాన్సర్ పేషంట్స్ కోసం మాధవీలత ఏం చేసిందో చూశారా

ఒకప్పుడు హీరోయిన్ గా సినిమాలు చేసిన నటి మాధవీలత ఆ తరువాత కాలంలో జోరు తగ్గించింది. ఇండస్ట్రీలో కాంపిటిషన్ పెరగడంతో ఆమెకి నటిగా అవకాశాలు తగ్గాయి. దీంతో కొన్నాళ్లు సైలెంట్ అయిపోయిన ఈ బ్యూటీ ఆ తరువాత రాజకీయాల్లో తన అదృష్టం పరీక్షించుకుంది కానీ వర్కవుట్ అవ్వలేదు. ప్రస్తుతం ఒకట్రెండు ప్రాజెక్ట్స్ ఏవో చేస్తుంది. సోషల్ మీడియాలో ఈమె చాలా యాక్టివ్ గా ఉంటుంది. ఎప్పటికప్పుడు సినీ, రాజకీయ అంశాలపై స్పందిస్తుంది. 

రీసెంట్ గా సమంత-నాగచైతన్యల డివోర్స్ విషయంపై స్పందించింది. సమంత చాలా మంచిదని.. డబ్బుకోసం ఆమెని అందరూ వాడుకుంటున్నారని సంచలన ఆరోపణలు చేసింది. గత ఓ హీరో ఆమెని ట్రాప్ చేసి డబ్బు కోసం వాడుకున్నాడని.. దీంతో అతడికి దూరమైందని చెప్పుకొచ్చింది. పెళ్లైన తరువాత ఆమెని డబ్బు సంపాదించే మెషీన్ లానే చూశారని ఘాటు వ్యాఖ్యలు చేసింది. కోట్లు సంపాదించే సమంతకు కేవలం పాకెట్ మనీ మాత్రమే ఇచ్చేవారని.. ఈ విషయం చాలా మందికి తెలియదని చెప్పుకొచ్చింది. 

ఈ విషయాలను పక్కన పెడితే మాధవీలతా చేసిన పనికి నెటిజన్లంతా మెచ్చుకుంటున్నారు. ఇటీవల తన పుట్టినరోజు వేడుకలు జరుపుకున్న ఈ బ్యూటీ.. అదేరోజున ఓ క్యాన్సర్ పేషెంట్ కోసం తన జుట్టుని డొనేట్ చేసింది. కీమో థెరపీ కారణంగా చాలా మంది క్యాన్సర్ పేషంట్స్ తమ జుట్టుని కోల్పోతున్నారని.. హెయిర్ స్టైలిస్ట్ శివ డోనర్స్ నుంచి జుట్టుని కలెక్ట్ చేసి క్యాన్సర్ పేషంట్స్ కోసం విగ్స్ రెడీ చేస్తుంటారని చెప్పింది. తను చేయగలిగే చిన్నసాయమని చెప్పింది. ఈ విషయాన్ని జనాలతో షేర్ చేసుకోవడం ద్వారా మరింత మంది స్ఫూర్తి పొందుతారని ఆశిస్తున్నట్లు చెప్పుకొచ్చింది. క్యాన్సర్ పేషంట్స్ కి సాయం అందించడానికి మరింత మంది ముందుకు రావాలని కోరింది. 

Also Read: ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి