Girls Hostel Scheme: బడ్జెట్‌లో హామీ ఇచ్చిన ప్రతి జిల్లాకు బాలికల హాస్టల్‌ స్కీమ్‌ ఎలా పని చేస్తుంది? ఎవరెవరు ఉండొచ్చు?

Girls Hostel Scheme: సాధారణ బడ్జెట్‌2026-27లో దేశంలోని ప్రతి జిల్లాలో బాలికల హాస్టల్ నిర్మించబోతున్నట్టు కేంద్ర ప్రభుత్వం ప్రకటించింది. బాలికలు, మహిళలకు సురక్షితమైన గృహాలను అందించడం దీని లక్ష్యం.

బడ్జెట్‌లో హామీ ఇచ్చిన ప్రతి జిల్లాకు బాలికల హాస్టల్‌ స్కీమ్‌ ఎలా పని చేస్తుంది? ఎవరెవరు ఉండొచ్చు?

Source : freepik

Show Quick Read

Key points generated by AI, verified by newsroom

• ప్రతి జిల్లాలో బాలికల హాస్టళ్ల నిర్మాణాన్ని కేంద్రం ప్రకటించింది.
• మారుమూల ప్రాంత విద్యార్థినులకు సురక్షిత వసతి కల్పించడమే లక్ష్యం.
• ఉన్నత విద్యలో మహిళా ప్రవేశాలు 50 శాతానికి పెంచే యోచన.
• పనిచేసే మహిళలకు కూడా ఈ హాస్టళ్లు అందుబాటులో ఉంటాయి.

Girls Hostel Scheme: సాధారణ బడ్జెట్‌ 2026-27లో విద్య, మహిళా సాధికారతకు సంబంధించి కేంద్ర ఆర్థిక మంత్రి నిర్మలా సీతారామన్ కీలకమైన ప్రకటన చేశారు. దేశంలోని ప్రతి జిల్లాలో బాలికల హాస్టల్ నిర్మించబోతున్నట్టు కేంద్ర ప్రభుత్వం వెల్లడించింది.  మారుమూల మరియు గ్రామీణ ప్రాంతాల నుంచి వచ్చే విద్యార్థినులు, మహిళా ఉద్యోగులకు సురక్షితమైన, సౌకర్యవంతమైన వసతి కల్పించడమే ఈ స్కీమ్ లక్ష్యం. కాబట్టి, దేశంలోని ప్రతి జిల్లాలో బాలికల హాస్టళ్లు ఎలా తెరుస్తారు? ఇందులో ఎవరు ఉంటారు? ఎలా అమలు చేస్తారో వంటి వివరాలను తెలుసుకుందాం.  

బాలికలకు సురక్షితమైన, సౌకర్యవంతమైన వసతి 

ఉన్నత విద్యను చదువుకోవాలనే ఆశతో పట్టణాలకు, నగరాలకు వెళ్లే విద్యార్థినులకు కేంద్ర బడ్జెట్‌లో ఊరట కల్పించే వార్తను నిర్మలా సీతారామన్ ప్రకటించారు. ప్రస్తుతం అనేక జిల్లాల్లో బాలికల హాస్టల్ సౌకర్యాలు లేకపోవడం వల్ల, బాలికలు ప్రతిరోజూ 40 నుంచి 50 కిలోమీటర్లు ప్రయాణించాల్సి వస్తుంది. లేదా అద్దె గదుల్లో అసురక్షిత పరిస్థితుల్లో నివశించాల్సి వస్తుంది. అలాంటి వారి సౌకర్యం కోసం హాస్టళ్లు నిర్మించి ఇవ్వాలని కేంద్రం నిర్ణయించింది. కొత్త హాస్టళ్ల నిర్మాణం వారికి సురక్షితమైన, సెక్యూర్డ్‌ వాతావరణాన్ని అందిస్తుంది. ఇంకా, బాలికల హాస్టళ్ల ప్రకటన వారికి సురక్షితమైన వాతావరణాన్ని అందిస్తుంది. సైన్స్, టెక్నాలజీ, ఇంజనీరింగ్ మ్యాథ్స్‌ వంటి కోర్సులను అభ్యసించే విద్యార్థులకు కూడా ప్రయోజనం చేకూరుస్తుంది. విద్యా నిపుణుల అభిప్రాయం ప్రకారం, వసతి సమస్యను తగ్గించడం వల్ల సైన్స్, టెక్నాలజీ, ఇంజనీరింగ్, మ్యాథ్స్‌ కోర్సులలో బాలికల ప్రవేశాలు పెరుగుతాయి. విద్యా మంత్రిత్వ శాఖ ఇప్పటికే ఈ ప్రణాళికపై పని చేస్తోంది, ఇది ఇప్పుడు బడ్జెట్ ద్వారా ఆమోదం పొందింది. 

2035 నాటికి అడ్మిషన్స్‌ను 50 శాతానికి పెంచడం లక్ష్యం 

కొత్త విద్యా విధానం ప్రకారం, ఉన్నత విద్యలో మహిళల ప్రవేశాలను 50 శాతానికి పెంచాలని ప్రభుత్వం లక్ష్యంగా పెట్టుకుంది. ప్రస్తుతం ఈ సంఖ్య దాదాపు 29 శాతంగా ఉంది. బాలికల హాస్టళ్లను నిర్మించడం వల్ల ఉన్నత విద్యలో బాలికల భాగస్వామ్యం పెరుగుతుందని, ఈ లక్ష్యాన్ని సాధించడంలో సహాయపడుతుందని ప్రభుత్వం విశ్వసిస్తోంది. 

పని చేసే మహిళలు కూడా ప్రయోజనం పొందుతారు 

ఈ పథకం ప్రయోజనాలు మహిళా విద్యార్థులకు మాత్రమే పరిమితం కాలేదు. ఉద్యోగాల కోసం ఇతర జిల్లాల నుంచి వచ్చే మహిళలు కూడా ఈ హాస్టళ్లలో ఉండే వీలు కల్పిస్తారు. ఇది మహిళలకు సురక్షితమైన వసతి సౌకర్యాన్ని అందిస్తుంది. వారు మెరుగైన ఉపాధి అవకాశాలను ఎంచుకోవడం సులభతరం చేస్తుంది. ఈ సంవత్సరం బడ్జెట్ అభివృద్ధి, సమ్మిళితం, సామాజిక సాధికారతకు ప్రాధాన్యతనిస్తుందని ఆర్థిక మంత్రి నిర్మలా సీతారామన్ తన బడ్జెట్ ప్రసంగంలో పేర్కొన్నారు. ప్రతి జిల్లాలో బాలికల హాస్టళ్ల నిర్మాణం ఈ దిశలో ఒక ముఖ్యమైన అడుగుగా పరిగణించారు. ఇది విద్య, ఉపాధి రెండింటిలోనూ మహిళల భాగస్వామ్యాన్ని బలోపేతం చేస్తుంది.                                           

మరిన్ని చదవండి

ఖర్చు తక్కువ.. అనుభవం ఎక్కువ! ఇండియాలో బడ్జెట్ ట్రావెల్ ప్లేస్‌లు

రోడ్డు ప్రమాద బాధితులకు పెద్ద ఊరట - మోటార్‌ యాక్సిడెంట్‌ క్లెయిమ్‌లపై ట్యాక్స్‌ పూర్తిగా రద్దు