AP SSC Results 2022 : రేపే ఏపీ టెన్త్ రిజెల్ట్స్, ఫలితాలు ఎలా చెక్ చేసుకోవాలంటే?

AP SSC Results 2022 : ఏపీ టెన్త్ రిజెల్ట్స్ రేపు(సోమవారం) విడుదల కానున్నాయి. ఈ మేరకు విద్యాశాఖ ప్రకటన చేసింది. సోమవారం మధ్యాహ్నం 12 గంటలకు మంత్రి బొత్స సత్యనారాయణ ఫలితాలు విడుదల చేయనున్నారు.

పదో తరగతి ఫలితాలు(Source : PTI)

AP SSC Results 2022 : ఏపీలో పదో తరగతి ఫలితాలపై విద్యాశాఖ కీలక ప్రకటన చేసింది. పదో తరగతి పరీక్షల ఫలితాలను రేపు(జూన్ 6) విడుదల చేయనున్నట్లు పేర్కొంది. సోమవారం మధ్యాహ్నం 12 గంటలకు రాష్ట్ర విద్యాశాఖ మంత్రి బొత్స సత్యనారాయణ పదో తరగతి ఫలితాలు విడుదల చేయనున్నారు. విజయవాడ ఎమ్‌జీ రోడ్డు వద్ద నున్న గేట్‌వే హోటల్‌ లో ఫలితాలు విడుదల కార్యక్రమం జరగనుంది. పదో తరగతి పరీక్షలు రాసిన విద్యార్థులు అధికారిక వెబ్‌సైట్‌ www.results.bse.ap.gov.in లో సోమవారం తమ ఫలితాలను చెక్‌ చేసుకోవచ్చని విద్యాశాఖ స్పష్టం చేసింది.

రెండేళ్ల తర్వాత పరీక్షలు

అయితే పదో తరగతి పరీక్షల ఫలితాలను ముందుగా జూన్‌ 4వ తేదీ ఉదయం 11 గంటలకు విడుదల చేస్తామని విద్యాశాఖ ప్రకటించింది. చివరి నిమిషంలో సాంకేతిక కారణాల వల్ల ఫలితాల విడుదల వాయిదా వేసింది. ఈ ఏడాది పదో తరగతి పరీక్షలకు 6,21,799 మంది విద్యార్థులు హాజరయ్యారు. కరోనా కారణంగా గత రెండేళ్లుగా పదో తరగతి పరీక్షలు నిర్వహించకుండానే విద్యార్థులందరినీ పాస్ చేసింది ప్రభుత్వం.  ఈ ఏడాది కరోనా తగ్గడంతో పదో తరగతి పరీక్షలు నిర్వహించారు. 

ఈసారి గ్రేడ్లు కాదు..  

ఈ ఏడాది ఏపీ టెన్త్ క్లాస్ పరీక్షలు ఏప్రిల్ 27నుంచి మే 9వరకు జరిగాయి. రెండేళ్ల తరువాత రాష్ట్రంలో టెన్త్ పరీక్షలు నిర్వహించగా.. దాదాపు 6,21,799 మంది విద్యార్థులు ఎగ్జామ్స్‌కు హాజరయ్యారు. ఏపీ టెన్త్ విద్యార్థుల బోర్డ్ ఎగ్జామ్స్ ఫలితాలను రాష్ట్ర విద్యాశాఖ ప్రత్యేక ప్రధాన కార్యదర్శి బి.రాజశేఖర్‌ విజయవాడలో విడుదల చేయాల్సి ఉంది. కానీ సరైన ఏర్పాట్లు చేయని కారణంగా ఫలితాల విడుదల జూన్ 6కు వాయిదా పడింది. కొవిడ్‌ వ్యాప్తి కారణంగా రెండేళ్లు (2019 తర్వాత ) పరీక్షలు జరగలేదు. పదో తరగతి పబ్లిక్‌ పరీక్షల్లో విద్యార్థులకు ర్యాంకులు వచ్చినట్లు ఏ విధంగానూ ప్రచారం చేయకూడదని, ఈ సారి ఫలితాలను గ్రేడ్లకు బదులు మార్కుల రూపంలో ప్రకటిస్తామని స్పష్టం చేశారు. తమ సూచనలు పాటించకుండా ఏవైనా విద్యా సంస్థలు, స్కూళ్లు కనుక ర్యాంకులు ప్రకటిస్తే వారు చట్టరీత్యా శిక్షార్హులని హెచ్చరించారు. టెన్త్ విద్యార్థులు తమ ఫలితాలను శనివారం నాడు అధికారిక వెబ్‌సైట్ లో చెక్ చేసుకోవాలని రాష్ట్ర విద్యాశాఖ సూచించింది.