AP Inter model paper 2023: ఆంధ్రప్రదేశ్‌ ఇంటర్మీడియెట్‌ బోటనీ క్వశ్చన్ పేపర్‌ ఎలా ఉంటుంది? ఏ చాప్టర్‌ నుంచే ఎలాంటి ప్రశ్నలు వస్తాయి?

AP Inter model paper 2023: ఆంధ్రప్రదేశ్‌ ఇంటర్మీడియెట్‌ బోటనీ క్వశ్చన్ పేపర్‌ ఎలా ఉంటుంది? ఏ చాప్టర్‌ నుంచి ఎన్ని మార్కుల ప్రశ్నలు వస్తాయి.

ప్రతీకాత్మక చిత్రం

ఆంధ్రప్రదేశ్‌ ఇంటర్మీడియట్ – వృక్షశాస్త్రం

ఇంటర్ పరీక్షలు మరికొన్ని రోజుల్లో ప్రారంభం కానున్నాయి. ఇప్పటి వరకు చదివింది ఓ లెక్క  ఇకపై చదివేది ఓ లెక్క. ఇకపై చదవాల్సింది రివిజన్ మోడ్‌లోనే ఉండాలి. మొత్తంగా చదువుతామంటే వెనుకబడిపోతారు. అందుకే మీ సౌలభ్యం కోసం ఇకపై ప్రతి సబ్జెక్ట్ మోడల్ పేపర్లను మేము మీకు అందిస్తాం. విద్యార్థులు ఆ మోడల్ పేపర్‌లను ప్రాక్టీస్ చేసినట్టైతే మంచి మార్కులు సాధిస్తారు. ముందుగా అసలు ఇంటర్‌ క్వశ్చన్ పేపర్ ఎలా ఉంటుందో చూద్దాం.

• ఇంటర్ ఫస్ట్‌, సెంకడ్ ఇయర్‌ వృక్షశాస్త్ర(Botany) క్వశ్చన్ పేపర్‌ 60కి ఉంటుంది. ఇందులో 21 మార్కులు వస్తే పాస్ అవుతారు.
• ఈ క్వశ్చన్ పేపర్‌ మూడు పార్ట్స్ ఉంటాయి. అవి ‘A’ , ‘B’ ‘C’.
• పార్ట్ - ‘A’ లోని అన్ని ప్రశ్నలకు ఆన్సర్స్‌ రాయాలి,
• పార్ట్ -‘B’ లో ఎనిమిది ప్రశ్నలు ఇస్తారు. ఇందులో ఆరింటికి మాత్రమే ఆన్సర్స్ రాయాల్సి ఉంటుంది.
• పార్ట్-‘C’ లో మూడు ప్రశ్నలు ఇస్తారు. ఏవైనా రెండింటికి సమాధానాలు రాయాలి.
• పార్ట్ - ‘A’ లో 1 నుంచి 10 వరకు ఉన్న ప్రశ్నలు “అతి స్వల్ప” సమాధాన తరహా ప్రశ్నలు. ఒక్కొక్క ప్రశ్నకు రెండు మార్కులు ఇస్తారు.
• పార్ట్ -‘B’ లో 11 నుంచి 18 వరకు ఉండే ప్రశ్నలు “స్వల్ప” (షార్ట్) సమాధాన తరహావి. ఒక్కొక్క ప్రశ్నకు నాలుగు మార్కులు ఇస్తారు.
• పార్ట్ -‘C’ లో 19 నుంచి 21 వరకు ఉండే ప్రశ్నలు “దీర్ఘ”(లాంగ్‌) సమాధాన తరహావి. ఒక్కొక్క ప్రశ్నకు ఎనిమిది మార్కులు ఇస్తారు.

 

• వృక్షశాస్త్ర ప్రథమ(ఫస్ట్‌) సంవత్సర  ప్రశ్నాపత్రంలో ఏ చాప్టర్స్‌ నుంచి ప్రశ్నలు వచ్చే ఛాన్స్‌ ఉందంటే…

1. అతి స్వల్ప సమాధాన ప్రశ్నలు (2 మార్కులు) - 1,2,3,5 (2 ప్రశ్నలు), 8,9,10,11, 13 అధ్యాయాలు నుంచి ఈ విభాగంలో క్వశ్చన్స్ రావచ్చు.
2. స్వల్ప సమాధాన ప్రశ్నలు (4 మార్కులు)- 2,4,6,8,9,11,12, 13 అధ్యాయాలు నుంచి ఇస్తారు,
3. దీర్ఘ సమాధాన ప్రశ్నలు (8 మార్కులు) - 5,7, 12 అధ్యాయాలు నుంచి వస్తాయి.

 

• వృక్షశాస్త్ర ద్వితీయ(సెకండ్)  సంవత్సర  ప్రశ్నాపత్రంలో ఏ చాప్టర్స్‌ నుంచి ప్రశ్నలు వచ్చే ఛాన్స్‌ ఉందంటే… 

1. అతి స్వల్ప సమాధాన ప్రశ్నలు (2 మార్కులు) - 1,4,7,9,10 (2 ప్రశ్నలు), 11,12, 13, 14 అధ్యాయాలు నుంచి క్వశ్చన్స్ వస్తాయి,
2. స్వల్ప సమాధాన ప్రశ్నలు (4 మార్కులు)- 1, 2,3,6,8,9,10, 12 అధ్యాయాలు నుంచి రావచ్చు,
3. దీర్ఘ సమాధాన ప్రశ్నలు (8 మార్కులు) - 5,11, 13 అధ్యాయాలు నుంచి వస్తాయి.

మరిన్ని మోడల్ పేపర్‌ల కోసం ఏబీపీ దేశంను ఫాలో అవుతూ ఉండండి

జయ సుధాకర్‌, ప్రభుత్వ బోటనీ లెక్చరర్‌, శ్రీకాకుళం, 7989051224