Crime News: విజయనగరంలో అర్థరాత్రి అత్యాచారం- పోలీసులు విచారణలో ఆ వ్యక్తి ఎవరో తెలిసి బాధితురాలు షాక్!

ఆంధ్రప్రదేశ్‌లో మరో అత్యాచారం కలకలం రేపుతోంది. విజయనగరంలోని ఉడా కాలనీలో ఈ దారుణం జరిగింది. ఇద్దరు పిల్లలతో ఒంటరిగా ఉంటున్న ఆమెపై కన్నేసిన దుండగుడు అర్థరాత్రి ఇంట్లోకి చొరబడి అత్యాచారం చేశాడు. 

పార్వతీపురం మన్యం జిల్లాకు చెందిన మహిళ విజయనగరానికి వలస వచ్చింది. ఓ టీ దుకాణంలో పని చేస్తూ కుటుంబాన్ని పోషించుకుంటోంది. సోమవారం అర్ధరాత్రి ఇంటికి వచ్చిన వ్యక్తి తలుపు కొట్టాడు. తలుపు తీసి చూస్తే దుండగుడు ఆమెపై చేయి వేయబోయాడు. ఏం జరుగుతుందో అర్థం కాక ఇంట్లోకి పరుగెత్తబోయింది. తలుపు నెట్టుకొని ఆమె వెనకాలే వెళ్లిన ఆ దుండగుడు ఆమెపై బలత్కారం చేసినట్టు తెలుస్తోంది.  

జరిగిన అన్యాయంపై లోకల్ పోలీసు స్టేషన్‌లో ఫిర్యాదు చేసింది బాధితురాలు. గుర్తు తెలియని వ్యక్తి అర్థరాత్రి తలుపు కొట్టారని తెరిచి చూస్తే అత్యాచారం చేశాడని ఫిర్యాదులో పేర్కొంది బాధితురాలు. ఇంట్లో ఎవరూ లేని సందర్భం చూసుకొని వ్యక్తి వచ్చినట్టు ఆమె ఆరోపించారు. ఒకే ఒక వ్యక్తి అత్యాచారానికి పాల్పడిట్టు తెలిపారు. 

బాధితురాలు చెప్పిన వివరాలతో ఎంక్వయిరీ చేసిన పోలీసుల అక్రమ సంబంధాల కోణంలో దర్యాప్తు చేశారు. బాధితురాలికి తెలిసిన వ్యక్తే అసలు నిందితుడిగా గుర్తించినట్టు విజయనగరం జిల్లా ఎస్పీ దీపికా పాటిల్ తెలిపారు. రాత్రి టీ షాపు నుంచి ఆమెను తీసుకొచ్చి డ్రాప్ చేసిన వ్యక్తే ఈ దారుణానికి పాల్పడినట్టు వెల్లడించారు. అర్థరాత్రి టైంలో ఇంటికి వచ్చి అత్యాచారానికి పాల్పడినట్టు తేల్చారు. 

అత్యాచారానికి పాల్పడిన నిందితుడిని అదుపులోకి తీసుకున్న పోలీసులు మిగతా వారిని పట్టుకునే పనిలో ఉన్నారు. ఇప్పటికే వాళ్లపై కూడా కేసులు రిజిస్టర్ చేశారు. ఇప్పుడు వారిని అదుపులోకి తీసుకోనున్నారు. అసలు నిందితుడు దొరికిన నేపథ్యంలో అతను ఇచ్చిన సమాచారం ఆధారంగా వారి జాడ గుర్తించే పనిలో ఉన్నారు.