RRR Movie News: ‘ఆర్ఆర్ఆర్’ చూస్తూ అభిమాని మృతి - ప్రమాదంలో మరో ముగ్గురు యువకులు కూడా

RRR Movie Fan Death: అభిమాన హీరో సినిమాలో కనిపించిన దృశ్యాలను చిత్రీకరిస్తూ ఓబులేసు కుప్పకూలిపోయినట్లు అతడి స్నేహితులు తెలిపారు.

FOLLOW US: 

Anantapur: దేశమంతా RRR సినిమా సంబరాలు జరుగుతుండగా, తెలుగు రాష్ట్రాల్లో నందమూరి, కొణిదెల అభిమానులు పండగ చేసుకుంటున్నారు. కానీ, అనంతపురం జిల్లాలో మాత్రం విషాదం చోటు చేసుకుంది. RRR సినిమా చూస్తూ గుండె పోటుతో ఓబులేసు (30) అనే అభిమాని మృతి చెందాడు. ఎస్‌వీ మాక్స్ థియేటర్‌లో RRR సినిమా చూస్తుండగా ఓబులేసు ఒక్కసారిగా కుప్పకూలిపోయాడు. చికిత్స నిమిత్తం ఓబులేసును స్నేహితులు హుటాహుటిన ఓ ప్రైవేట్ ఆస్పత్రికి తరలించారు. కాగా అప్పటికే అతడు మృతి చెందినట్లు వైద్యులు ధ్రువీకరించారు. 

తమ అభిమాన హీరో సినిమాలో కనిపించిన దృశ్యాలను చిత్రీకరిస్తూ ఓబులేసు కుప్పకూలిపోయినట్లు అతడి స్నేహితులు తెలిపారు. అయితే, ఓబులేసుకు గతంలోనే గుండె సమస్య వచ్చిందని, ఆ సమయంలో అతనికి స్టంట్ కూడా వేశారని స్నేహితులు తెలిపారు. అయితే, ఆ సమస్య ఉండగా.. RRR సినిమా చూస్తూ ఎమోషన్‌కు గురై గుండె పోటు వచ్చి ఉంటుందని స్నేహితులు, కుటుంబ సభ్యులు అనుమానిస్తున్నారు.

ఓబులేసు అనంతపురం మున్సిఫాలిటిలో కాంట్రాక్ట్ డ్రైవర్ గా పనిచేస్తున్నాడు. మృతుడు ఓబులేసు చాలా మంచివాడని ఎన్నో సేవా కార్యాక్రమాలు చేశాడని స్నేహితులు రాఘవ తెలిపారు. మృతుడు ఓబులేసు ఎంతో మంది ప్రాణాపాయస్థితిలో ఉన్నవారికి రక్తం దానం చేసి ప్రాణాలు కాపాడాడని అన్నారు. ‘‘ఓబులేసుకు రెండు సంవత్సరాల క్రితమే గుండేపోటు రావడంతో స్టంట్ వేశారు. సినిమా థియేటర్‌లో సౌండ్ ఎక్కువగా ఉన్నందువల్లే ఈ రోజు మంచి స్నేహితుడు ఓబులేష్ ని కోల్పోయాం’’ అని ఓబులేసు స్నేహితుడు రాఘవ మీడియాతో చెప్పారు.

Chittoor: చిత్తూరు జిల్లాలో ముగ్గురు దుర్మరణం
మరోవైపు, చిత్తూరు జిల్లాలోనూ విషాదం చోటు చేసుకుంది. జిల్లాలోని వి.కోటకు సమీపంలో జరిగిన రోడ్డు ప్రమాదంలో ముగ్గురు యువకులు చనిపోయారు. వీరు నేడు RRR విడుదల సందర్భంగా థియేటర్‌ను అలంకరించి ఇంటికి వెళ్తున్నారు. వి కోటలోని థియేటర్ ముందు ఆర్‌ఆర్‌ఆర్ సినిమా విడుదల సందర్భంగా భారీ కటౌట్లు కట్టి తిరిగి ఇంటికి బైక్‌పై వెళుతున్నారు. ఆ సమయంలో అర్ధరాత్రి ఈ ప్రమాదం జరిగింది. ఎదురెదురుగా వస్తున్న రెండు బైకులు ఢీ కొన్నాయి. సమాచారం అందిన వెంటనే పోలీసులు అక్కడికు చేరుకుని మృతదేహాలను స్వాధీనం చేసుకున్నారు. కేసు నమోదు చేసి దర్యాప్తు చేపట్టారు.

ఇదిలా ఉండగా.. సినిమా రిలీజ్ సందర్భంగా ఎన్టీఆర్, రామ్ చరణ్ ఫ్యాన్స్ తో కలిసి థియేటర్లో సినిమా చూశారు. హైదరాబాద్ లోని ఏఎంబీ మాల్ లో ఎన్టీఆర్ తన ఫ్యామిలీతో కలిసి సినిమా చూడగా.. రామ్ చరణ్, రాజమౌళి భ్రమరాంబ థియేటర్‌లో సినిమా చూశారు. ఎన్టీఆర్ తన భార్య ప్రణతి, ఇద్దరు పిల్లలతో కలిసి సినిమా చూశారు. సినిమా చూసిన తరువాత ఎన్టీఆర్ బయటకు వస్తూ.. సినిమా అద్భుతంగా ఉందంటూ ఫ్యాన్స్ కి సంకేతాలు ఇచ్చారు. దీనికి సంబంధించిన వీడియో ప్రస్తుతం వైరల్ అవుతున్నాయి. 

Published at : 25 Mar 2022 12:36 PM (IST) Tags: RRR movie updates Heart Attack chittoor accident RRR Movie news RRR actors RRR fan heart attack Anantapur RRR fan death

సంబంధిత కథనాలు

Amalapuram Violence: కొనసాగుతున్న అరెస్టుల పర్వం - మరో 7 రోజులపాటు 144 సెక్షన్ పొడిగింపు, మరో కీలక నిర్ణయం

Amalapuram Violence: కొనసాగుతున్న అరెస్టుల పర్వం - మరో 7 రోజులపాటు 144 సెక్షన్ పొడిగింపు, మరో కీలక నిర్ణయం

Khammam: కానిస్టేబుల్ దంపతుల పాడుపని! ఏకంగా కోటిన్నర దోచేసిన భార్యాభర్తలు

Khammam: కానిస్టేబుల్ దంపతుల పాడుపని! ఏకంగా కోటిన్నర దోచేసిన భార్యాభర్తలు

Nalgonda Accident : నల్గొండ జిల్లాలో ఘోర ప్రమాదం, రథానికి విద్యుత్ వైర్లు తగిలి ముగ్గురు మృతి

Nalgonda Accident : నల్గొండ జిల్లాలో ఘోర ప్రమాదం, రథానికి విద్యుత్ వైర్లు తగిలి ముగ్గురు మృతి

Tamilnadu News : అప్పుల భారంతో భార్య, బిడ్డలను హత్య చేసిన వ్యాపారి, ఆ పై ఆత్మహత్య!

Tamilnadu News : అప్పుల భారంతో భార్య, బిడ్డలను హత్య చేసిన వ్యాపారి, ఆ పై ఆత్మహత్య!

Rgv Complaint : నా సంతకం ఫోర్జరీ చేశారు, నట్టి ఎంటర్టైన్మెంట్ పై ఆర్జీవీ పోలీస్ కేసు

Rgv Complaint : నా సంతకం ఫోర్జరీ చేశారు, నట్టి ఎంటర్టైన్మెంట్ పై ఆర్జీవీ పోలీస్ కేసు

టాప్ స్టోరీస్

IPL 2022, GT vs RR Final: బట్లర్‌ మరో సెంచరీకి అడ్డుగా టైటాన్స్‌ 'మాంత్రికుడు'! మిల్లర్‌కూ ఓ కిల్లర్‌ ఉన్నాడోచ్‌!

IPL 2022, GT vs RR Final: బట్లర్‌ మరో సెంచరీకి అడ్డుగా టైటాన్స్‌ 'మాంత్రికుడు'! మిల్లర్‌కూ ఓ కిల్లర్‌ ఉన్నాడోచ్‌!

TDPకి సరికొత్త నిర్వచనం చెప్పిన ఎంపీ విజయసాయిరెడ్డి, నారా లోకేష్, మహానాడుపై సెటైర్లు

TDPకి సరికొత్త నిర్వచనం చెప్పిన ఎంపీ విజయసాయిరెడ్డి, నారా లోకేష్, మహానాడుపై సెటైర్లు

Singeetham Srinivasarao: సింగీతం శ్రీనివాసరావు ఇంట విషాదం!

Singeetham Srinivasarao: సింగీతం శ్రీనివాసరావు ఇంట విషాదం!

Heavy Rush at Tirumala: తిరుమలకు వెళ్తున్న భక్తులకు టీటీడీ కీలక సూచనలు, కిలోమీటర్లు మేర క్యూలైన్లలో గోవిందా గోవిందా !

Heavy Rush at Tirumala: తిరుమలకు వెళ్తున్న భక్తులకు టీటీడీ కీలక సూచనలు, కిలోమీటర్లు మేర క్యూలైన్లలో గోవిందా గోవిందా !