Pune Realtor Ketan Agarwal Murder: పాపం కేతన్ - ప్రాణాలే కాదు ముందుగా కోటి కూడా పోగొట్టుకున్నాడు - సియా ప్లాన్ నెక్ట్స్ లెవల్ !

Siya Goyal Fiance Murder Plot: పుణేకు చెందిన రియల్టర్ కేతన్ అగర్వాల్ హత్య కేసులో షాకింగ్ నిజాలు వెలుగులోకి వచ్చాయి. పెళ్లి షాపింగ్ పేరిట రూ.1 కోటి వసూలు చేసి, ప్రియుడికి ఇచ్చింది సియా.

పాపం కేతన్ - ప్రాణాలే కాదు ముందుగా కోటి కూడా పోగొట్టుకున్నాడు - సియా ప్లాన్ నెక్ట్స్ లెవల్ !

Source : X

Ketan Agarwal Murder Mystery:   మహారాష్ట్రలోని పుణే నగరంలో జూన్ 18న జరిగిన 26 ఏళ్ల యంగ్ రియల్టర్ కేతన్ అగర్వాల్ హత్య కేసులో రోజుకో షాకింగ్ నిజం వెలుగులోకి వస్తోంది. ప్రమాదవశాత్తూ లోహగఢ్ కోట లోయలో పడి చనిపోయాడని భావించిన ఈ కేసు.. పోలీసుల లోతైన దర్యాప్తులో ఒక పక్కా ప్లాన్ ప్రకారం జరిగిన అత్యంత కిరాతకమైన 'లవ్ అండ్ మర్డర్' మిస్టరీగా తేలింది. కేతన్ కాబోయే భార్య, 20 ఏళ్ల సియా గోయల్ తన సీక్రెట్ ప్రియుడు చేతన్ చౌదరి  తో కలిసి ఈ ఘాతుకానికి ఒడిగట్టినట్లు పుణే పోలీసులు నిర్ధారించారు.  

కేతన్ డబ్బుతో చేతన్‌ను సెటిల్ చేయాలనుకున్న సియా 

పోలీసుల విచారణలో బయటపడిన అత్యంత ఆశ్చర్యకరమైన విషయం ఏమిటంటే.. నిందితురాలు సియా గోయల్ పెళ్లి షాపింగ్ నెపంతో కాబోయే భర్త కేతన్ నుంచి దాదాపు రూ.1 కోటి రూపాయలు డ్రా చేసింది. ఆ సొమ్ముతో షాపింగ్ చేయకుండా.. ఆర్థికంగా వెనుకబడిన తన ప్రియుడు చేతన్ చౌదరికి అందజేసింది. చేతన్ తన బిజినెస్ సెటిల్ చేసుకోవడానికి, ఆర్థికంగా స్థిరపడటానికి కనీసం 3 ఏళ్ల సమయం పడుతుందని చెప్పడంతో.. వీరిద్దరూ ఒక పక్కా టైమ్‌లైన్ రాసుకున్నారు. కేతన్ హత్య తర్వాత ఎవరికీ అనుమానం రాకుండా ఉండటం కోసం సియా మరో మూడేళ్ల పాటు పెళ్లి చేసుకోకుండా ఒంటరిగా ఉండాలని, ఆ తర్వాత కేసు చల్లబడ్డాక, చేతన్ సెటిల్ అయ్యాక ఇద్దరూ పెళ్లి చేసుకుని సియా కుటుంబ సభ్యులను ఒప్పించాలని ప్లాన్ చేసుకున్నారు.
 
 హత్యకు వాడిన సీక్రెట్ కోడ్ 

లోహగఢ్ కోటపై కేతన్‌ను నెట్టేసే సమయంలో సియా ఒక వింత సిగ్నల్ ఇచ్చింది. నీళ్లు తాగే నెపంతోనో లేదా షూ లేస్ కట్టుకునే నెపంతోనో ఆమె కిందకు కూర్చోవాలి. ఆమె అలా కిందకు కూర్చున్న వెంటనే వెనుక నుంచి చేతన్ వచ్చి కేతన్‌ను లోయలోకి నెట్టేయాలి. కేతన్ పడిపోయేటప్పుడు ప్రాణభయంతో సియాను పట్టుకుంటే ఆమె కూడా లోయలో పడిపోతుందనే భయంతో.. ఆమె సేఫ్టీ కోసం ఈ సిట్టింగ్ సిగ్నల్  కోడ్‌ను ముందే డిజైన్ చేసుకున్నారు.

సీసీ కెమెరాలకు చిక్కకుండా చేతన్ ప్లాన్ 
  
ఈ ఘోరానికి పాల్పడే ముందు నిందితుడు చేతన్ చౌదరి పోలీసులకు దొరకకుండా ఉండేందుకు తీవ్రంగా శ్రమించాడు. టోల్ ప్లాజాల వద్ద సీసీటీవీ కెమెరాలకు చిక్కకుండా ఉండేందుకు పుణే నుంచి లోహగఢ్ కోట వరకు ఉన్న 90 కిలోమీటర్ల దూరాన్ని కార్‌లో కాకుండా ఒక స్కూటర్‌పై ప్రయాణించి కేతన్, సియాలను ఫాలో అయ్యాడు. హత్య జరగడానికి సరిగ్గా 34 నిమిషాల ముందు సియా, చేతన్‌ల మధ్య జరిగిన ఒక రహస్య ఫోన్ కాల్.. ఈ మర్డర్ ప్లాన్‌కు ఫైనల్  గో అహెడ్'  అని కాల్ డేటా రికార్డుల  ద్వారా పోలీసులు గుర్తించారు. ప్రస్తుతం ఆ స్కూటర్‌తో పాటు వారి మొబైల్ ఫోన్లను పోలీసులు స్వాధీనం చేసుకున్నారు.

నిజానికి కేతన్‌ను చంపడానికి మే నెల ఆఖరి వారంలోనే ప్లాన్ ఖరారైంది. జూన్ 14న లోహగఢ్ కోటపైనే మొదటిసారి కేతన్‌ను నెట్టేయడానికి సియా ప్రయత్నించింది. కానీ, అదృష్టవశాత్తూ కేతన్ ఒక పొదను పట్టుకుని ప్రాణాలతో బయటపడ్డాడు. ఆ సమయంలో సియా తెలివిగా.. అక్కడ పాము వచ్చిందని, దానికి భయపడి నిన్ను నెట్టేశానంటూ ఒక కట్టుకథ చెప్పి కేతన్‌ను నమ్మించింది. మొదటి ప్రయత్నం విఫలం కావడంతో, రెండోసారి జూన్ 18న కేతన్ ఎలాగైనా చనిపోవాలనే ఉద్దేశంతో ప్రియుడు చేతన్ స్వయంగా రంగంలోకి దిగి లోయలోకి తోసేసి హతమార్చాడు. ఈ క్రూరమైన కేసులో నిందితులు ఇద్దరినీ అరెస్ట్ చేసిన పోలీసులు కఠిన శిక్ష పడేలా ఆధారాలను కోర్టు ముందు ఉంచే పనిలో ఉన్నారు. 

మరిన్ని చదవండి

ధరావత్ నిఖిల్ పరువుహత్య.. కేసు దర్యాప్తును సీబీఐకి అప్పగించిన హైకోర్టు

పెట్రోల్ బాంబుతో ప్రియురాలిని బెదిరిస్తూ కారులోనే యువకుడు సజీవదహనం