Crime News: ఆమెతో కలిసి ఆ రోజు లాడ్జికి వెళ్లాడు.. చంపేశాడా? చచ్చిపోవాలనుకున్నారా?

ఓ వ్యక్తి ప్రేమించిన అమ్మాయితో కలిసి లాడ్జికి వెళ్లాడు. అమ్మాయి హత్యకు గురైంది.. యువకుడికి కత్తి గాట్లు ఉన్నాయి. ఆమెను చంపాలి అనుకున్నాడా? లేక ఇద్దరు కలిసి చచ్చిపోవాలనుకున్నారా?

By: ABP Desam | Updated at : 26 Oct 2021 09:10 AM (IST)

Edited By: Sai Anand Madasu

Ongole Woman murdered in hyderabad lodge Crime News: ఆమెతో కలిసి ఆ రోజు లాడ్జికి వెళ్లాడు.. చంపేశాడా? చచ్చిపోవాలనుకున్నారా?

ప్రతీకాత్మక చిత్రం

ప్రకాశం జిల్లా ఒంగోలు.. గ్రామానికి చెందిన నాగచైతన్య ప్రైవేట్ ఆసుపత్రిలో నర్సుగా పని చేస్తుంది. గుంటూరు జిల్లాకు చెందిన కోటి రెడ్డి ఇంజినీరింగ్ పూర్తి చేశాడు. కొన్ని రోజులు ఉద్యోగం లేకుండా తిరిగిన అతడు.. ఆ తర్వాత మెడికల్ రిప్రజెంటేటివ్ గా చేరాడు. పనిలో భాగంగా ఎప్పుడూ.. నాగ చైత్యన్య పని చేసే ఆసుపత్రికి వెళ్లేవాడు. ఈ క్రమంలో వారిద్దరికి పరిచయం పెరిగింది. కొన్ని రోజుల తర్వాత అది ప్రేమగా మారింది. ఈ క్రమంలో ఇద్దరూ పెళ్లి చేసుకోవాలని నిర్ణయించుకున్నారు. ఇంట్లో చెబితే ఒప్పుకోరు అని అనుకున్నారు.

నాగ చైతన్య తల్లి చిన్నప్పుడే చనిపోయింది.. ఆమె తండ్రి మరో వివాహం చేసుకున్నాడు. కొన్ని రోజుల కిందట తండ్రి కూడా మృతి చెందాడు. నాగచైతన్యకు సవతి తల్లి మాత్రమే ఉంది. కోటిరెడ్డి, నాగ చైతన్య ప్రేమ విషయం వారి ఇళ్లలో తెలిసింది. సామాజిక వర్గాలు వేరు కావడంతో పెళ్లికి నిరాకరించారు కుటుంబ సభ్యులు. ఈ పరిస్థితుల్లో ఒంగోలులో ఉద్యోగం వదిలి హైదరాబాద్ వచ్చింది నాగ చైతన్య. సిటీలోనే ఓ వైద్యశాలలో పని చేస్తోంది.

ప్రియురాలిని కలవాలని ఈ నెల 22న హైదరాబాద్ వచ్చాడు కోటిరెడ్డి. ఇద్దరూ లాడ్జిలో ఓ గది అద్దెకు తీసుకున్నారు. 23వ తేదీ రాత్రిపూట నాగచైతన్య హత్యకు గురైంది. ఈ విషయం గమనించిన లాడ్జి నిర్వాహకులు పోలీసులకు సమాచారం ఇచ్చారు. కానీ కోటిరెడ్డి మాత్రం కనిపించలేదు. దీనిపై చందానగర్ పోలీసులు హత్యకేసుగా నమోదు చేశారు. హైదరాబాద్ లాడ్జీలో అదృశ్యమైన కోటిరెడ్డి సోమవారం ఒంగోలు జీజీహెచ్ లో దర్శనమిచ్చాడు. ఒంటిపై కత్తిపోట్లు ఉన్నాయి. పెళ్లికి పెద్దలు అంగీకరించలేదని.. ఇద్దరూ కలిసి.. ఆత్మహత్య చేసుకోవాలని నిర్ణయించుకున్నట్టు చెబుతున్నాడు. కత్తి పోట్ల తర్వాత అపస్మారక స్థితిలోకి వెళ్లినట్టు ఆ తర్వాత ఏమైందో తెలియని చెప్పాడు. బంధువులు ఎవరో తనను కాపాడి.. ఒంగోలు వైద్యశాలలో చేర్పించినట్టు వెల్లడించారు. కోటిరెడ్డి కోసం వెతుకుతున్న చందానగర్ పోలీసులు.. సోమవారం ఒంగోలు జీజీహెచ్ లో అతడిని అదుపులోకి తీసుకున్నారు. అక్కడి నుంచి హైదరాబాద్ తీసుకు వచ్చారు. కోటిరెడ్డే చంపేసి... నాటకం ఆడుతున్నాడా? అసలేం జరిగిందనేది పోలీసుల విచారణలో తెలియాల్సి ఉంది.

Also Read: East Godavari Crime: బైక్ సీటు కింద గంజాయి సీక్రెట్ గా రవాణా... కేటుగాళ్ల ఎత్తును చిత్తుచేసిన పోలీసులు

Also Read: Mulugu Encounter: తెలంగాణ-ఛత్తీస్ గఢ్ సరిహద్దుల్లో హై టెన్షన్... 27న బంద్ కు పిలుపునిచ్చిన మావోలు...

Also Read: Disha Case : ఎన్‌కౌంటర్‌ కేసులో ముందుగా విచారించొద్దు.. దిశ కమిషన్‌పై కోర్టుకెళ్లిన ఇద్దరు పోలీస్ ఆఫీసర్స్ !