Jharkhand Coal Mine Accident: ఘోర ప్రమాదం.. బొగ్గు గనిలో ఆరుగురు మృతి

బొగ్గు గనుల పైకప్పు కూలిన ఘటనలో ఆరుగురు మృతి చెందారు. ఝార్ఖండ్‌లో ఈ ప్రమాదం జరిగింది.

బొగ్గు గనిలో ప్రమాదం

ఝార్ఖండ్‌లో ఘోర ప్రమాదం జరిగింది. ధన్‌బాద్ జిల్లాలో ఉన్న బొగ్గు గనుల్లో పైకప్పు కూలిన ఘటనలో ఇప్పటివరకు ఆరుగురు మృతి చెందారు. మరికొంత మంది గనుల్లో చిక్కుకున్నారు. ఈ గనుల్లో అక్రమంగా తవ్వకాలు జరుగుతున్నట్లు అధికారులు గుర్తించారు.

రెండు ఘటనలు..

మొదటగా సోమవారం సాయంత్రం 5 గంటలకు కాప్సరా ఔట్​సోర్సింగ్​ ప్రాజెక్ట్ వద్ద గని కూలిందని, ఆ తర్వాత కొన్ని గంటలకు బీసీసీఎల్​ వద్ద ఉన్న గని మంగళవారం ఉదయం గోపీనాథ్​పుర్​ వద్ద గనుల్లో ప్రమాదం జరిగినట్లు అధికారులు వెల్లడించారు. భారీ యంత్రాలతో సహాయక చర్యలను ముమ్మరం చేసినట్లు తెలిపారు.

ఇప్పటివరకు ఆరుగురి మృతదేహాలు లభ్యమయ్యాయని మృతుల సంఖ్య ఇంకా పెరిగే అవకాశం ఉందని అధికారులు తెలిపారు. ఈస్ట్రెన్​ కోల్​ఫీల్డ్​ లిమిటెడ్ (ఈసీఎల్​)కు చెందిన గని నుంచి బయటపడ్డ మృతుల్లో ముగ్గురు మహిళలు, ఓ చిన్నారి ఉన్నట్లు వెల్లడించారు.

కాపాసరలోని ఈసీఎల్​, ఛాచ్​ విక్టోరియా ఆఫ్​ భారత్​ కోకింగ్​ కోల్​ లిమిటెడ్​ (బీసీసీఎల్​)కు చెందిన గనుల్లో కూడా మృతులు ఉండే అవకాశం ఉందని అధికారులు భావిస్తున్నారు.

సీఎం ట్వీట్..

धनबाद के निरसा में स्थित कोयला खदान से कुछ लोगों के हताहत होने की सूचना मिली है। जिला प्रशासन पूरी मुस्तैदी के साथ बचाव और राहत कार्य मे जुटा हुआ है।
परमात्मा दिवंगत आत्माओं को शांति प्रदान कर परिवार को दुःख की विकट घड़ी सहन करने की शक्ति दे। घायलों को मदद पहुँचायी जा रही है।

— Hemant Soren (@HemantSorenJMM) February 1, 2022

గనుల్లో ప్రమాదంపై ముఖ్యమంత్రి హేమంత్​ సోరెన్​ దిగ్భ్రాంతి వ్యక్తం చేశారు. మృతుల కుటుంబాలకు సానుభూతి వ్యక్తం చేశారు. గనుల్లో చిక్కుకున్న వారిని వెలికి తీసేందుకు సహాయక చర్యలను ముమ్మరం చేయమని ఆదేశించినట్లు తెలిపారు.