Keesara Toll Plaza Road Accident: కీసర టోల్ ప్లాజా వద్ద కారుపై ట్యాంకర్ బోల్తా.. నుజ్జునుజ్జయిన కారు, ఎన్టీఆర్ జిల్లాలో విషాదం

Road Accident | ఎన్టీఆర్ జిల్లా కీసర టోల్‌ప్లాజా దగ్గర అదుపుతప్పి వేగంగా వచ్చిన ఓ ట్యాంకర్ ఆగిఉన్న కారుపై పడింది. కారు మొత్తం నుజ్జునుజ్జు కావడంతో అందులో ఎంతమంది ఉన్నారో తెలియని పరిస్థితి నెలకొంది.

కీసర టోల్ ప్లాజా వద్ద కారుపై బోల్తా పడిన లారీ.. ఎన్టీఆర్ జిల్లాలో విషాదం

Source : Abp desam

కంచికచర్ల: ఎన్టీఆర్ జిల్లా నందిగామ నియోజకవర్గ పరిధిలో పెను విషాదం చోటుచేసుకుంది. కంచికచర్ల మండలం కీసర టోల్ ప్లాజా వద్ద శనివారం (ఏప్రిల్ 11న) ఘోర రోడ్డు ప్రమాదం జరిగింది. వేగంగా వెళ్తున్న ఒక లారీ ట్యాంకర్ బ్రేకులు ఒక్కసారిగా ఫెయిల్ కావడంతో డ్రైవర్  కంట్రోల్ కోల్పోయాడు. దీంతో ఆ ట్యాంకర్ అదుపు తప్పి పక్కనే ఆగిఉన్న BMW కారుపై ఒక్కసారిగా బోల్తా పడింది. ఆ ట్యాంకర్‌ రెడీమిక్స్ కాంక్రీట్ లోడ్‌తో వెళ్తోంది.

ఈ ప్రమాద దాటికి కారు పూర్తిగా నుజ్జునుజ్జయింది. రెడీ మిక్స్ కాంక్రీట్ లోడ్ ఉన్న ట్యాంకర్ కింద కారు నలిగిపోవడంతో, అందులో ఎంతమంది ప్రయాణికులు ఉన్నారు? వారి పరిస్థితి ఏమిటి? అనే విషయాలపై ప్రస్తుతం స్పష్టత లేదు. కారు లోపల చిక్కుకున్న వారిని బయటకు తీసేందుకు అధికారులు తీవ్రంగా శ్రమిస్తున్నారు. ప్రమాద సమాచారం అందుకున్న వెంటనే పోలీసులు, టోల్ ప్లాజా సిబ్బంది ఘటనా స్థలానికి చేరుకున్నారు. క్రేన్ల సహాయంతో లారీని పక్కకు తొలగించి, సహాయక చర్యలు ముమ్మరం చేశారు. ఈ ఘటనతో హైవేపై భారీగా ట్రాఫిక్ నిలిచిపోయింది.

విజయవాడ - హైదరాబాద్ హైవేపై ఈ ప్రమాదం జరగడంతో భారీగా ట్రాఫిక్ జామ్ అయింది. ట్యాంకర్ అదుపుతప్పి కారు (TS 09Ft 6662) మీద పడటంతో పూర్తిగా డ్యామేజ్ అయింది. ఇది హైదరాబాద్‌లో రిజిస్ట్రేషన్ అయినట్లు చూపిస్తోంది. BMW X1 మోడల్ ఐదేళ్ల కిందట రిజిస్టర్ అయింది. ప్రస్తుతం ట్యాంకర్ కిందపడిపోయిన కారును బయటకు తీసే ప్రయత్నం చేస్తున్నారు. ప్రమాదానికి కారణమైంది 16చక్రాల భారీ ట్యాంకర్ కావడంతో పెద్ద క్రేన్ల సాయంతో పక్కకి తీసే ప్రయత్నం చేస్తున్నారు. ప్రమాదం జరిగిన చోట భయానక వాతావరణం నెలకొంది. 

మరిన్ని చదవండి

గుట్టు విప్పిన డైరీ! గుజరాత్‌లో దోసెలు తిని చనిపోయిన అక్కాచెల్లెలు కేసులో కీలక మలుపు!

ఫేస్‌బుక్‌లో ప్రేమ పేరుతో మోసం చేసిన వ్యక్తి - జూబ్లిహిల్స్ మహిళ నుంచి రూ.కోటి లూఠీ - ఇలాంటోళ్లూ ఉంటారు!