Road Accident: ప్రయాణికుల వాహనాన్ని ఢీకొన్న ట్రక్కు, నలుగురు చిన్నారులు సహా 13 మంది మృతి
Chhattisgarh Road Accident | ఓ కార్యక్రమానికి హాజరై, తిరిగి వస్తున్న ప్రయాణికుల వాహనాన్ని ఓ ట్రక్కు ఢీ కొట్టింది. ఛత్తీస్గఢ్లో జరిగిన ఈ ప్రమాదంలో 13 మంది దుర్మరణం చెందారు.
Raipur Balodabazar Road Accident: రాయ్పూర్: ప్రయాణికులతో వెళ్తున్న వాహనాన్ని ఓ ట్రక్కు ఢీకొట్టడంతో 13 మంది మృతిచెందగా, పలువురు గాయపడ్డారు. వీరిలో కొందరి పరిస్థితి విషమంగా ఉందని సమాచారం. ఛత్తీస్గఢ్లోని రాయ్పూర్- బలోదబజార్ రోడ్డులోని సారగావ్ సమీపంలో సోమవారం ఉదయం ఈ ప్రమాదం జరిగినట్లు ఎస్పీ లాల్ ఉమ్మెద్ సింగ్ తెలిపారు.
చౌతియా ఛత్తిలో ఓ కార్యక్రమానికి వెళ్లిన వారు తమ వాహనంలో తిరుగు ప్రయాణమయ్యారు. మార్గం మధ్యలో ఖరోరా పోలీస్ స్టేషన్ ప్రాంతంలోని సారగావ్ సమీపంలో వీరు ప్రయాణిస్తున్న వాహనాన్ని ఓ ట్రక్కు ఢీకొట్టడంతో విషాదం నెలకొంది. ఈ ప్రమాదంలో ప్రాణాలు కోల్పోయిన 13 మందిలో 9 మంది మహిళలు, నలుగురు చిన్నారులు ఉన్నారు. మరో 12 మంది గాయపడ్డారు.
"చటౌడ్ గ్రామానికి చెందిన కొంతమంది వ్యక్తులు చఠీ కార్యక్రమానికి హాజరయ్యేందుకు బన్సారీ గ్రామానికి వెళ్లారు. కార్యక్రమం ముగిసిన తర్వాత తిరిగి వస్తుండగా రాయ్పూర్-బలోదబజార్ రోడ్డు సమీపంలో ఈ ప్రమాదం జరిగింది. గాయపడిన వారిని చికిత్స కోసం ఆసుపత్రికి తరలించామని రాయ్పూర్ ఎస్పీ లాల్ ఉమ్మెద్ సింగ్ తెలిపారు. మృతదేహాలను పోస్టుమార్టం కోసం ప్రభుత్వ ఆసుపత్రికి తరలించారు. కేసు నమోదు చేసిన పోలీసులు విచారణ చేపట్టారు.
#WATCH | Raipur, Chhattisgarh: Raipur SP Lal Ummed Singh said, "... Some people from village Chataud had gone to Bana Banarasi to participate in the Chatthi program. They were returning after the program was over... During this, an accident happened near Raipur-Balodabazar… https://t.co/F7IzlhKam3 pic.twitter.com/Bkj7Q3uuVy
— ANI (@ANI) May 12, 2025
టాప్ హెడ్ లైన్స్
ట్రెండింగ్ వార్తలు
