Gold Types: బంగారం పసుపు మాత్రమే కాదు నలుపు, గులాబీ రంగులో వస్తుంది! పసిడి ఎన్ని రకాలు? వాటి మధ్య తేడా ఏంటీ?

Gold Types: బంగారం కేవలం పసుపు రంగులో మాత్రమే కాదు, ఇది అనేక ఇతర రంగుల్లో కూడా వస్తుంది. బంగారం ఎన్ని రకాల్లో ఉంటుంది వాటి గురించి తెలుసుకుందాం.

బంగారం పసుపు మాత్రమే కాదు నలుపు, గులాబీ రంగులో వస్తుంది! పసిడి ఎన్ని రకాలు? వాటి మధ్య తేడా ఏంటీ?

Source : freepik

Show Quick Read

Key points generated by AI, verified by newsroom

• బంగారం అనేక రంగులలో లభిస్తుంది, లోహాలను కలపడం ద్వారా వస్తాయి.
• పసుపు, గులాబీ, తెలుపు బంగారం ఇతర లోహాల మిశ్రమంతో తయారవుతాయి.
• నలుపు, ఆకుపచ్చ, నీలి, ఊదా రంగు బంగారం ప్రత్యేక పద్ధతులతో రూపొందించబడతాయి.

Gold Types: మనం బంగారం గురించి ఆలోచించినప్పుడు, మన మైండ్‌లోకి పసుపు రంగులో ఉంటే  లోహం మాత్రమే గుర్తుకు వస్తుంది. కానీ బంగారం వాస్తవానికి అనేక రంగుల్లో వస్తుంది: గులాబీ, తెలుపు, నలుపు, ఆకుపచ్చ, నీలం, ఊదా రంగులో కూడా ఉంటుంది. ఈ రంగులు స్వచ్ఛమైన సహజ షేడ్స్ కావు; అవి బంగారాన్ని ఇతర లోహాలతో కలపడం ద్వారా లేదా దాని ఉపరితలాన్ని మార్చడం ద్వారా  తయారైనవే. దీని గురించి మరింత తెలుసుకుందాం.

పసుపు బంగారం సహజ బంగారానికి దగ్గరగా ఉంటుంది. స్వచ్ఛమైన బంగారాన్ని వెండి, రాగితో కలిపి డామినేటింగ్ ఎల్లో రంగుగా మారుస్తారు. ఇది చూడటానికి చూటముచ్చటగా మెరుస్తూ ఉంటుంది.  

గులాబీ బంగారం అని కూడా పిలువబడే పింక్ బంగారం రాగితో తయారు చేస్తారు. రాగి శాతం ఎక్కువగా ఉంటే, గులాబీ రంగు అంత డీప్‌గా ఉంటుంది. రాగి ఈ బంగారాన్ని పసుపు లేదా తెలుపు బంగారం కంటే స్ట్రాంగ్‌గా ఎక్కువ కాలం మన్నికగా చేస్తుంది.

తెల్ల బంగారాన్ని నికెల్, పల్లాడియం లేదా ప్లాటినం వంటి తెల్లని లోహాలతో కలపడం ద్వారా తయారు చేస్తారు. దాని మెరుపును పెంచడానికి సాధారణంగా రేడియంతో పూత పూస్తారు.

నల్ల బంగారం సహజంగా నల్లగా ఉండదు. ఎలక్ట్రోప్లేటింగ్, ఆక్సీకరణ లేదా రసాయన పేటినేషన్ వంటి చర్యల ద్వారా దాని మారుస్తుంటారు. నల్ల బంగారాన్ని తరచుగా డిజైనర్ నగలు, లగ్జరీ గడియారాలలో ఉపయోగిస్తారు.

ఆకుపచ్చ బంగారాన్ని వెండితో, కొన్నిసార్లు జింక్‌తో కలిపి తయారు చేస్తారు, దీని వలన బంగారానికి లేత ఆకుపచ్చ లేదా ఆకుపచ్చ-పసుపు రంగు వస్తుంది. పురాతన ఆభరణాలలో ఆకుపచ్చ బంగారాన్ని ఉపయోగించారు.

నీలి బంగారం అనేది బంగారాన్ని ఇనుము లేదా గాలియం వంటి లోహాలతో కలపడం ద్వారా తయారు అవుతుంది. ఇది నీలి రంగును ఉత్పత్తి చేస్తుంది. కానీ లోహాన్ని చాలా పెళుసుగా చేస్తుంది. అల్యూమినియంతో కలపడం ద్వారా తయారైన ఒక రకమైన ఊదా బంగారం కూడా ఉంది.

మరిన్ని చదవండి

ఫోన్‌లో బంగారం ఉంటుంది తెలుసా? ఎందుకు వాడతారు? దాని విలువ ఎంత?

ఏ దేశాల్లో బంగారం ధరలు ఎక్కువ? వాటి గురించి తెలిస్తే షాక్ అవుతారు!