తత్కాల్ టికెట్ బుక్ చేస్తుంటారా! జూలై 1 నుంచి అమలులోకి IRCTC కొత్త రూల్స్
IRCTC website | జూలై 1, 2025 నుండి IRCTC వెబ్సైట్, యాప్ ద్వారా అయినా తత్కాల్ టిక్కెట్ బుకింగ్ కోసం ఆధార్ తప్పనిసరి. ఏజెంట్లకు సైతం పరిమితులు విధించింది.
Tatkal Tickets Booking IRCRC | సుదీర్ఘ ప్రయాణం చేయాలంటే కచ్చితంగా రైల్వే సేవల్ని ఉపయోగించుకుంటాం. ముందుగా ప్లాన్ చేసుకోని వారు సైతం ఒకరోజు ముందు తత్కాల్ టికెట్ బుక్ చేసుకుని రైళ్లలో ఏ ఇబ్బంది లేకుండా ప్రయాణం చేస్తారని తెలిసిందే. అయితే తత్కాల్ టికెట్ బుకింగ్ రూల్స్ త్వరలో మారనున్నాయి. తాత్కాల్ టికెట్ బుకింగ్ లో 2025 జూలై 1 నుండి పలు మార్పులు జరగనున్నాయి. వాటిలో ముఖ్యమైనది ఆధార్ తప్పనిసరి. వెరిఫైడ్ ఏజెంట్లకు పరిమితులు, ఓటీపీ సైతం తప్పనిసరి చేసింది. ఈ మేరకు అన్ని జోన్లకు రైల్వే శాఖ తాజాగా సర్క్యులర్ జారీ చేసింది.
తత్కాల్ టికెట్ బుకింగ్స్ లో మార్పులు
జూలై 1 నుంచి తాత్కాల్ స్కీమ్ కింద టిక్కెట్లను ఇండియన్ రైల్వే కేటరింగ్ అండ్ టూరిజం కార్పొరేషన్ (IRCTC) వెబ్సైట్ లేదా యాప్ ద్వారా ఆధార్ వెరిఫైడ్ యూజర్లు మాత్రమే బుక్ చేసుకోవచ్చు. జూలై 15, 2025 నుంచి తత్కాల్ బుకింగ్ కోసం ఆధార్ ఆధారిత OTP తప్పనిసరి అవుతుంది. భారతీయ రైల్వేల కంప్యూటరైజ్డ్ PRS కౌంటర్ల ద్వారా గానీ లేక వెరిఫైడ్ ఏజెంట్ల ద్వారా మాత్రమే తాత్కాలిక టిక్కెట్లు బుక్ చేసుకోవడానికి అందుబాటులో ఉంటాయి. ఇది బుకింగ్ సమయంలో వినియోగదారుడు అందించిన మొబైల్ నంబర్కు సిస్టమ్ ద్వారా పంపబడే OTPని సబ్మిట్ చేసిన తర్వాత మాత్రమే బుకింగ్ అవుతుంది. ఇది జూలై 15 నుంచి అమలులోకి రానుంది. దాంతో ఆధార్ వెరిఫైడ్ అయిన యూజర్లు, ఆధార్ అనుసంధానం అయిన వెరిఫైడ్ యూజర్లకు తత్కాల్ టికెట్ బుకింగ్లో ఎలాంటి ఇబ్బంది ఉండదు.
వెరిఫైడ్ ఏజెంట్లకు పరిమితులు విధించిన రైల్వే శాఖ
ఇండియన్ రైల్వేస్ అధీకృత టికెటింగ్ ఏజెంట్లను తాత్కాలిక బుకింగ్ ప్రారంభమైన మొదటి 30 నిమిషాల్లో తాత్కాలిక టిక్కెట్లను బుక్ చేయడానికి అనుమతించరు. ఇది AC, నాన్-AC అన్ని టికెట్ క్లాసులకు వర్తిస్తుంది. అంటే, వారు ఎయిర్ కండిషన్డ్ సంబంధిత టికెట్లను ఉదయం 10 గంటల నుంచి 10:30 గంటల మధ్య బుక్ చేయలేరు. నాన్-ఎయిర్ కండిషన్డ్ టికెట్లను ఉదయం 11 గంటల నుంచి 11:30 AM మధ్య తత్కాల్ టిక్కెట్లను బుక్ చేయడానికి అనుమతించరు. రైల్వే ఇన్ఫర్మేషన్ సిస్టమ్స్, ఐఆర్సీటీసీ ఈ ఆదేశాలను అప్డేట్ చేసుకోవాలని రైల్వే శాఖ బుధవారం (జూన్ 11) నాడు సూచించింది. అనధికారిక టికెట్ బుకింగ్లకు అడ్డుకట్ట వేసేందుకు రైల్వే శాఖ ఈ నిర్ణయం తీసుకుంది.
టాప్ హెడ్ లైన్స్
ట్రెండింగ్ వార్తలు
