Viral News: ఆదివారం ఇంట్లో కూర్చుని ఏం చేస్తారు? భార్యను ఎంతసేపు చూస్తారు? ఆఫీసుకు వచ్చి పని చేయండి- ఎల్ అండ్ టీ ఛైర్మన్ కామెంట్స్ వైరల్
L and T chairman Comments Viral : ఉద్యోగులు వారానికి 90 గంటలు పని చేయాలని లార్సెన్ అండ్ టూబ్రో చైర్మన్ ఎస్ఎన్ సుబ్రహ్మణ్యన్ అన్నారు. ఆదివారాలూ పని చేయాలని సూచించారు.
L and T chairman Comments On 90 Hours Work a Week: పని ఒత్తిడితో ఆత్మహత్యలు చేసుకుంటున్న టెక్ ఉద్యోగులకు సంబంధించిన ఉదంతాలు ఇటీవలి కాలంలో చాలా ఎక్కువైపోతున్నాయి. కొన్ని రోజుల క్రితం వారానికి 70 గంటలు పని చేయాలని చెప్పిన ఇన్ఫోసిస్ సహ వ్యవస్థాపకుడు నారాయణ మూర్తి చేసిన వ్యాఖ్యలు హాట్ టాపిక్ గా మారిన విషయం తెలిసిందే. తాజాగా ఇదే తరహా కామెంట్స్ చేశారు లార్సెన్ అండ్ టూబ్రో చైర్మన్ (Larsen & Toubro - L&T) ఎస్ఎన్ సుబ్రహ్మణ్యన్. ఉద్యోగులు వారానికి 90 గంటలు పని చేయాలని సూచించారు. ఆదివారాలు కూడా పని చేయాలని హితవు పలికారు. ఈ వ్యాఖ్యలు ఇప్పుడు సోషల్ మీడియాను కుదిపేస్తున్నాయి. నెటిజన్లు సైతం దీనిపై తీవ్ర స్థాయిలో మండిపడుతున్నారు.
ఎంత కాలం భార్యను చూస్తూ ఉంటారు..
ఒక ఉద్యోగితో ఇంటరాక్షన్ సందర్భంగా, ఎస్ఎన్ సుబ్రహ్మణ్యన్‌ను , మల్టీ-బిలియన్ డాలర్ల సమ్మేళనం అయిన లార్సెన్ & టూబ్రో ఇప్పటికీ తన ఉద్యోగులను శనివారాల్లో ఎందుకు పని చేయిస్తుందని అడిగారు. అందుకు సమాధానంగా సుబ్రహ్మణ్యన్.. ఆదివారం కూడా తన ఉద్యోగులను పని చేయించలేకపోతున్నందుకు చింతిస్తున్నానని అన్నారు. “నేను మీతో ఆదివారాల్లో పని చేయలేకపోతున్నందుకు చింతిస్తున్నాను. మీరు ఆదివారాల్లోనూ పని చేయగలిగితే, నేను మరింత సంతోషంగా ఉంటాను. ఎందుకంటే నేను ఆదివారం కూడా పని చేస్తాను” అని రెడ్డిట్‌లో తేదీ లేని ఓ వీడియోలో సుబ్రహ్మణ్యన్ చెప్పారు. “ఇంట్లో కూర్చుని ఏం చేస్తారు? మీ భార్యవైపు ఎంతసేపు అలా చూస్తూ ఉంటారు?” అని లార్సెన్ & టూబ్రో చైర్మన్ ప్రశ్నించారు. "రండి, ఆఫీసుకు వచ్చి పని ప్రారంభించండి" అని వ్యాఖ్యానించారు.
Weekend is for oneself and family time : Otherwise where is work life balance 😏
— Nebula World (@nebula_world) January 7, 2025
L&T chairman remark ⤵️ pic.twitter.com/W5u49LiUOy
వారానికి 90 గంటల పని
యునైటెడ్ స్టేట్స్ ఆఫ్ అమెరికాను చైనా ఓడించగలదని పేర్కొన్న ఒక చైనీస్ వ్యక్తితో సుబ్రహ్మణ్యన్ తన పరస్పర చర్యకు ఉదాహరణగా చెప్పాడు. ఎందుకు అని అడిగితే, చైనీయులు వారానికి 90 గంటలు పని చేస్తారని, అమెరికన్లు వారానికి 50 గంటలు మాత్రమే పని చేస్తారని చైనీస్ వ్యక్తి పేర్కొన్నాడు. “కాబట్టి ఇదే మీకు సమాధానం. ప్రపంచంలో అగ్రస్థానంలో నిలవాలంటే.. వారానికి 90 గంటలు పని చేయాలి. గాయ్స్ కమాన్” అని అన్నారు.
వారానికి 70 గంటలు పని చేయాలన్న నారాయణమూర్తి
గతంలో ఇదే తరహా వ్యాఖ్యలు చేసి వార్తల్లో నిలిచారు నారాయణమూర్తి. ఓ పోడ్ కాస్ట్ లో మాట్లాడుతూ.. ప్రపంచ దేశాలతో పోలిస్తే ఇండియాలో ఉత్పాదకత తక్కువని అన్నారు. రెండో ప్రపంచ యుద్ధం తర్వాత జర్మనీ, జపాన్ లాంటి దేశాలు పడ్డ కష్టాలను స్ఫూర్తిగా తీసుకోవాలని, యువత వారానికి 70 గంటలు పని చేయాలని సూచించారు. ఈ వ్యాఖ్యలు అప్పట్లో సోషల్ మీడియాలోనూ వైరల్ అయ్యాయి. చాలా మంది ఈ కామెంట్స్ ను విమర్శించగా.. మరికొందరు మాత్రం ఆయన మాట్లాడింది సరైందేనంటూ మద్దతుగా నిలిచారు.
టాప్ హెడ్ లైన్స్
ట్రెండింగ్ వార్తలు
