Gold-Silver Price: మరింతగా పతనమైన పసిడి.. వెండి కూడా అదే బాటలో.. తగ్గిన తాజా రేట్లు ఇలా..

బంగారం ధరలు బాగా తగ్గగా.. వెండి ధరలు కూడా అదే దారిలో పయనించాయి. వెండి ధరల్లో గత 10 రోజులుగా హెచ్చుతగ్గులు కనిపిస్తూనే ఉన్నాయి. తాజాగా భారత్‌లో కిలో వెండి ధర రూ.65 వేలుగా ఉంది.

మరింతగా తగ్గిన బంగారం, వెండి ధరలు (ప్రతీకాత్మక చిత్రం)

భారత్‌లో బంగారం ధర ఈ రోజు (ఆగస్టు 8) బాగా తగ్గింది. గ్రాముకు రూ.100 వరకూ తగ్గడం విశేషం. 22 క్యారెట్ల 10 గ్రాముల (తులం) బంగారం ధర, ఇవాళ (ఆగస్టు 8)న రూ.45,700 గా ఉంది. ఇక 24 క్యారెట్ల బంగారం ధర తాజాగా రూ.46,700 గా ఉంది. మొత్తానికి గత 10 రోజుల ధరలతో పోలిస్తే పసిడి ధర బాగా తగ్గింది.

బంగారం ధరలు బాగా తగ్గగా.. వెండి ధరలు కూడా అదే దారిలో పయనించాయి. వెండి ధరల్లో గత 10 రోజులుగా హెచ్చుతగ్గులు కనిపిస్తూనే ఉన్నాయి. తాజాగా భారత్‌లో కిలో వెండి ధర రూ.65 వేలుగా ఉంది. హైదరాబాద్‌ మార్కెట్‌లో కిలో వెండి ధర రూ.70,200 ఉంది. ఆంధ్రప్రదేశ్, తెలంగాణలోని హైదరాబాద్, విశాఖపట్నం, విజయవాడ వంటి ముఖ్య నగరాల్లో ఆగస్టు 8న బంగారం, వెండి ధరలు ఇలా ఉన్నాయి.

తెలుగు రాష్ట్రాల్లో బంగారం, వెండి తాజా ధరలివీ..
హైదరాబాద్‌లో 24 క్యారెట్ల మేలిమి బంగారం (బిస్కెట్ బంగారం) ధర గ్రాముకు రూ.75 తగ్గింది. ప్రస్తుతం రూ.47,840 గా ఉంది. 22 క్యారెట్ల బంగారం ధర రూ.43,850 గా ఉంది. ఇక స్వచ్ఛమైన వెండి ధర కిలో రూ.70,200 పలికింది. ముందు రోజుతో పోలిస్తే వెండి ధర కిలోకు రూ.1,500 తగ్గింది.

ఇక విజయవాడలో 22 క్యారెట్ల ఆర్నమెంట్ బంగారం ధర ఆగస్టు 8న రూ.43,850 కాగా.. 24 క్యారెట్ల బిస్కెట్ బంగారం ధర రూ.47,840గా ఉంది. విజయవాడలో ఆగస్టు 7తో పోలిస్తే ధర గ్రాముకు రూ.75 వరకూ తగ్గింది. ఇక్కడ కిలో వెండి ధర రూ.70,200గా ఉండగా.. వెండి ధర కిలోకు రూ.1500 వరకూ తగ్గింది. విశాఖపట్నం మార్కెట్‌లోనూ 22 క్యారెట్ల బంగారం ధర రూ.43,850 గానే ఉండగా.. 24 క్యారెట్ల బంగారం ధర రూ.47,840గా ఉంది. ఇక్కడ కూడా వెండి ధర కిలోకు రూ.1500 తగ్గి వెండి ధర కిలో రూ.70,200కు పతనమైంది.

వివిధ నగరాల్లో పసిడి ధర ఇలా..
దేశంలోని వివిధ నగరాలలో బంగారం ధరలు ఇలా ఉన్నాయి. ముంబయిలో ఈరోజు 22 క్యారెట్ల ఆభరణాల బంగారం ధర రూ.45,700ఉండగా, 24 క్యారెట్ల బంగారం ధర రూ.46,700గా ఉంది. కొనసాగుతోంది. చెన్నైలో 22 క్యారెట్ల బంగారం ధర రూ.44,400 ఉండగా, 24 క్యారెట్ల బంగారం ధర రూ.48,440గా ఉంది.

ప్లాటినం ధరలో స్వల్ప తగ్గుదల
ఇక సంపన్నులు ఎక్కువగా ఆసక్తి చూపించే మరో విలువైన మెటల్ అయిన ప్లాటినం ధర కొద్ది రోజులుగా స్వల్పంగా తగ్గుతూ వస్తోంది. హైదరాబాద్‌లో ప్లాటినం ధర గ్రాముకు రూ.67 మేర తగ్గింది. హైదరాబాద్‌లో 10 గ్రాముల ప్లాటినం ధర రూ.23,500 గా ఉంది. విశాఖపట్నం, విజయవాడలో కూడా 10 గ్రాముల ప్లాటినం ధర రూ.23,500గానే కొనసాగుతోంది.

బంగారం ధరల్లో రోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపై ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం ఓ కారణం. అయితే, ఇలా గ్లోబల్ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో ఫ్యాక్టర్స్ బంగారం ధరను నిర్ణయిస్తాయి.