Gold-Silver Price: పసిడి ప్రియులకు షాక్! పెరిగిన ధరలు.. వెండి మాత్రం కిందికి..

భారత్‌లో బంగారం ధర ఈ రోజు (సెప్టెంబరు 22) పెరిగింది. దీంతో 22 క్యారెట్ల 10 గ్రాముల (తులం) బంగారం ధర, ఇవాళ భారత మార్కెట్‌లో రూ.45,330 గా ఉండగా.. 24 క్యారెట్ల బంగారం ధర తాజాగా రూ.46,330 గా ఉంది. మొత్తానికి గత 10 రోజుల ధరలతో పోలిస్తే పసిడి ధర స్వల్పంగా పెరిగింది.

భారత మార్కెట్‌లో బంగారం ధరలు పెరగ్గా.. వెండి ధరలు మాత్రం స్వల్పంగా తగ్గాయి. హైదరాబాద్ మార్కెట్‌లో కూడా వెండి ధరలో మార్పు కనిపించలేదు. తాజాగా భారత మార్కెట్‌లో కిలో వెండి రూ.59,800గా ఉండగా.. హైదరాబాద్‌ మార్కెట్‌లో కిలో వెండి ధర కాస్త ఎక్కువగా రూ.63,800 గా ఉంది. ఆంధ్రప్రదేశ్, తెలంగాణలోని హైదరాబాద్, విశాఖపట్నం, విజయవాడ వంటి ముఖ్య నగరాల్లో సెప్టెంబరు 22న బంగారం, వెండి ధరలు ఇలా ఉన్నాయి.

Also Read: Online Payment: మీరు ఆన్‌లైన్ పేమెంట్స్ చేస్తారా? త్వరలో కొత్త రూల్ ఇదే..

తెలుగు రాష్ట్రాల్లో బంగారం, వెండి తాజా ధరలివీ..
హైదరాబాద్‌ మార్కెట్‌లో బంగారం ధర స్థిరంగా ఉంది. 24 క్యారెట్ల ప్యూర్ బంగారం (99.99) ధర ప్రస్తుతం రూ.47,460 గా ఉంది. 22 క్యారెట్ల బంగారం (91.6) ధర రూ.43,500 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.63,800 పలికింది.

ఇక విజయవాడలో 22 క్యారెట్ల ఆర్నమెంటు బంగారం ధర సెప్టెంబరు 22న రూ.43,500 కాగా.. 24 క్యారెట్ల బిస్కెట్ బంగారం ధర రూ.47,460గా ఉంది. ఇక్కడ కిలో వెండి ధర రూ.63,800గా ఉంది. విశాఖపట్నం పసిడి మార్కెట్‌లోనూ 22 క్యారెట్ల బంగారం ధర రూ.43,500 గానే ఉండగా.. 24 క్యారెట్ల బంగారం ధర రూ.47,460గా ఉంది. ఇక్కడ కూడా వెండి ధర కిలో హైదరాబాద్ తరహాలోనే రూ.63,800 పలుకుతోంది.

Also Read: TS RTC Charges: తెలంగాణలో ఆర్టీసీ ఛార్జీల మోత మోగనుందా..! సీఎం కేసీఆర్‌కు విన్నవించుకున్న ఆర్టీసీ చైర్మన్

దేశంలోని వివిధ నగరాల్లో పసిడి ధర ఇలా..
దేశంలోని వివిధ నగరాలలో బంగారం ధరలు సెప్టెంబరు 22న ఇలా ఉన్నాయి. ముంబయిలో ఈరోజు 22 క్యారెట్ల ఆభరణాల బంగారం ధర రూ.45,330ఉండగా, 24 క్యారెట్ల బంగారం ధర రూ.46,330గా ఉంది. చెన్నైలో 22 క్యారెట్ల బంగారం ధర రూ.43,740 ఉండగా, 24 క్యారెట్ల బంగారం ధర రూ.47,720గా ఉంది.

ప్లాటినం ధరలో స్వల్ప తగ్గుదల
సంపన్నులు ఎక్కువగా ఆసక్తి చూపించే మరో విలువైన లోహం అయిన ప్లాటినం ధర హైదరాబాద్‌లో గ్రాము రూ.2,165గా ఉంది. ముందు రోజుతో పోలిస్తే ఈ ధర గ్రాముకు రూ.10 వరకూ తగ్గింది. 10 గ్రాముల ప్లాటినం ధర ఇక్కడ రూ.21,650 గా ఉండగా.. విశాఖపట్నం, విజయవాడలో కూడా 10 గ్రాముల ప్లాటినం ధర అదే కొనసాగుతోంది.

Also Read: Flipkart Big Billion Days: బిగ్‌ బిలియన్‌ డేస్‌ ఎప్పుడో చెప్పేసిన ఫ్లిప్‌కార్ట్‌.. కొనుగోళ్లకు మీరు సిద్ధమేనా?

వివిధ అంశాలపై పసిడి ధర
బంగారం ధరల్లో ప్రతిరోజూ మార్పు చేసుకుంటుండడం అనేది ప్రపంచవ్యాప్తంగా అనేక రకాల అంశాలపై ఆధారపడి ఉంటుంది. అంతర్జాతీయ మార్కెట్‌లో బంగారం ధరలు పెరగడం కూడా ఓ కారణం. అయితే, ఇలా గ్లోబల్ మార్కెట్‌లో పసిడి ధరలు పెరగడానికి కూడా మళ్లీ అనేక అంతర్జాతీయపరమైన కారణాలు ఉంటాయి. ద్రవ్యోల్బణం, సెంట్రల్ బ్యాంకు వద్ద బంగారం నిల్వలు, వడ్డీ రేట్ల పెరుగుదల లేదా తగ్గుదల, వివిధ జువెలరీ మార్కెట్లలో బంగారానికి వినియోగదారుల నుంచి ఉంటున్న డిమాండ్ వంటి ఎన్నో అంశాలు బంగారం ధరను ప్రభావితం చేస్తాయి.

Also Read: కొత్త సిమ్ కనెక్షన్ కోసం ఇక స్టోర్లకు వెళ్లక్కర్లేదు.. ఇంటి వద్దనే కేవైసీ పూర్తి చేయవచ్చు... అదెలా అంటే...

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి