Handbrake Tips: హ్యాండ్ బ్రేక్ వేసినా మీ కారు వాలు ప్రదేశంలో జారుతుందా? అందుకు కారణాలు ఇవే

హ్యాండ్ బ్రేక్ వేసినా కారు జారుతుందా? అయితే ఈ విషయాలు తెలుసుకోకపోతే మీరు ప్రమాదానికి గురవ్వొచ్చు. కనున ఈ విషయాలపై అశ్రద్ధ చేయవద్దు అని నిపుణులు సూచిస్తున్నారు.

వాలుపై జారుతున్న కారు

Source : ANI

Show Quick Read

Key points generated by AI, verified by newsroom

• హ్యాండ్‌బ్రేక్ వేసినా కొన్నిసార్లు కారు జారే ప్రమాదం ఉంది.
• వదులైన కేబుల్, అరిగిపోయిన బ్రేక్ షూ కారణం కావచ్చు.
• వాలుగా ఉన్న చోట గేర్‌తో పాటు హ్యాండ్‌బ్రేక్ వాడండి.
• సమస్య ఉంటే వెంటనే మెకానిక్‌తో వాహనాన్ని చెక్ చేయించండి.

Car Slips Even After Applying Handbrake | చాలా మంది కార్లలో హ్యాండ్‌బ్రేక్ వేస్తే కారు పూర్తిగా సేఫ్ అని భావిస్తారు. కానీ కొన్నిసార్లు కొంచెం వాలుగా ఉన్న ప్రదేశంలో పార్క్ చేసిన తర్వాత కారు నెమ్మదిగా జారుతుంటాయి. ముఖ్యంగా కొండ ప్రాంతాలు లేదా రద్దీగా ఉండే ప్రదేశాలలో ఇది చాలా ప్రమాదకరంగా మారవచ్చు. వాస్తవానికి, దీని వెనుక ఒక కారణం మాత్రమే కాదు, చాలా కారణాలు ఉన్నాయి. చాలాసార్లు ప్రజలు హ్యాండ్‌బ్రేక్‌ను పూర్తిగా లాగరు. కొన్నిసార్లు హ్యాండ్‌బ్రేక్ సిస్టమ్‌లో టెక్నికల్ ప్రాబ్లం ఏర్పడుతుంది.

పాత బ్రేక్ షూ, వదులుగా ఉండే కేబుల్ లేదా రాంగ్ పార్కింగ్ కూడా అందుకు కారణం కావచ్చు. మీ కారు కూడా వాలుగా ఉన్న ప్రదేశంలో నిలిపిన తర్వాత కొద్దిగా కదులుతుంటే, వెంటనే స్పందించకపోతే చాలా ప్రమాదకరం. సరైన సమాచారం, కొంచెం జాగ్రత్త మిమ్మల్ని పెద్ద సమస్యల నుండి కాపాడుతుంది. కనుక హ్యాండ్‌బ్రేక్ వేసిన తర్వాత కూడా కారు ఎందుకు జారుతుందో, అలా జరగకుండా ఏం చేయాలో   అర్థం చేసుకోవడం చాలా ముఖ్యం.

హ్యాండ్‌బ్రేక్ వీక్‌గా ఉంటే మరింత ప్రమాదం  

మీ కారు హ్యాండ్‌బ్రేక్ నేరుగా వెనుక చక్రాలను లాక్ చేసేలా వర్క్ చేస్తుంది. కానీ కాలక్రమేణా, దాని కేబుల్ వదులుగా అవుతుంది. లేదా బ్రేక్ షూ అరిగిపోతుంది. అలాంటి పరిస్థితిలో హ్యాండ్‌బ్రేక్ పూర్తి కంట్రోల్ చేయకపోవచ్చు. కారు వాలుగా నెమ్మదిగా జారే అవకాశం ఉంటుంది. చాలా మంది తొందరపడి హ్యాండ్‌బ్రేక్‌ను ఒకటి లేదా రెండు క్లిక్‌ల వరకు మాత్రమే లాగుతారు, దాంతో బ్రేక్ పూర్తిగా యాక్టివేట్ కాదు.

కారు పాతదైతే, ఎక్కువ కాలం బ్రేక్ సర్వీసి చేయకపోతే సమస్య మరింత పెరుగుతుంది. ఎప్పటికప్పుడు హ్యాండ్‌బ్రేక్ కేబుల్, బ్రేక్ సిస్టమ్‌ను చెక్ చేయాలని నిపుణులు సిఫార్సు చేస్తున్నారు. చిన్న నిర్లక్ష్యం కొన్నిసార్లు పెద్ద ప్రమాదానికి దారితీస్తుంది. అందువల్ల కారును పార్క్ చేసేటప్పుడు ఎల్లప్పుడూ పూర్తి జాగ్రత్తలు తీసుకోవాలి. 

వాలుగా ఉన్న చోట పార్క్ చేసేటప్పుడు ఇవి గుర్తించుకోండి

మీరు వాలుగా ఉన్న ప్రదేశంలో మీ కారును పార్క్ చేస్తుంటే, హ్యాండ్‌బ్రేక్‌పై మాత్రమే డిపెండ్ కావడం సరికాదు. మాన్యువల్ కారులో, కారును మొదట గేర్ లేదా రివర్స్ గేర్‌లో ఉంచాలి. మరోవైపు ఆటోమేటిక్ కారులో పార్కింగ్ చేసేటప్పుడు P (పార్క్) మోడ్‌ను ఉపయోగించాలి. మీరు హ్యాండ్‌బ్రేక్‌ను కూడా ఉపయోగించాలి. దాంతోపాటు వీల్స్ రోడ్డు వైపునకు తిప్పి పార్క్ చేయడం మరింత సురక్షితంగా భావిస్తారు. ఇది కారు అకస్మాత్తుగా జారే ప్రమాదాన్ని కొంతమేర తగ్గిస్తుంది.

చాలా మంది కారును స్టార్ట్ చేయడానికి ముందు హ్యాండ్‌బ్రేక్‌ను తీయడం మర్చిపోతారు. దీని వలన బ్రేక్ సిస్టమ్ త్వరగా చెడిపోతుంది. అందువల్ల, హ్యాండ్‌బ్రేక్‌ను సరిగ్గా ఉపయోగించడం తప్పనిసరి. అయితే హ్యాండ్‌బ్రేక్ వేసిన తర్వాత కూడా కారు పదేపదే జారుతుంటే, వెంటనే మెకానిక్‌తో చెక్ చేయించాలి. సమస్యను సకాలంలో గుర్తిస్తే కనుక పెద్ద నష్టం, ప్రమాదం రెండూ నివారించవచ్చు.

 

మరిన్ని చదవండి

ప్రీమియం లుక్, మోడ్రన్ ఫీచర్లతో మార్కెట్లోకి రానున్న Tata Tiago Facelift, పాపులర్ అవుతుందా?

Mahindra BE6 ఈవీపై రూ.2 లక్షల భారీ డిస్కౌంట్.. ఫీచర్లు, రేంజ్ చూసి కొనేయండి