EV Home Charging Tips: ఇంట్లోనే ఈవీ ఛార్జింగ్ సెటప్.. ఫస్ట్ టైమ్ బయ్యర్స్ కోసం క్రేజీ టిప్స్! సేఫ్టీగా ఇన్స్టాల్ చేయడం ఎలా?
ఎలక్ట్రిక్ వాహనాల హోమ్ ఛార్జింగ్ ఇన్స్టాలేషన్ కోసం కావాల్సిన పవర్ కెపాసిటీ, ఎర్తింగ్ ప్రాముఖ్యత, తీసుకోవాల్సిన జాగ్రత్తల గురించి తెలుసుకుందాం .
EV Home Charging Requirements Safety Tips: ఇండియాలో ఇప్పుడు ఎలక్ట్రిక్ వెహికల్స్ హవా నడుస్తోంది. పెట్రోల్ కొట్టించడానికి బంకుల దగ్గర లైన్లో నిలబడే అవసరం లేకుండా, రాత్రిపూట ఫోన్ లాగే కారును కూడా ఛార్జింగ్ పెట్టుకోవడం చాలామందికి నచ్చుతోంది. అయితే కొత్తగా ఈవీ కొనేవారికి వచ్చే మొదటి డౌట్.. "ఇంట్లో ఛార్జర్ ఎలా ఇన్స్టాల్ చేయాలి?" అనేది. పబ్లిక్ ఛార్జర్లు పెరుగుతున్నా కూడా, 80 శాతం ఛార్జింగ్ మన ఇంట్లోనే జరుగుతుంది. అందుకే హోమ్ ఛార్జింగ్ సెటప్ గురించి కొన్ని బేసిక్ విషయాలు తెలుసుకోవడం చాలా ముఖ్యం.
రెండు రకాల ఛార్జింగ్ ఆప్షన్లు..
సాధారణంగా ఈవీ కొన్నప్పుడు కంపెనీలు రెండు రకాల ఛార్జర్లను ఇస్తాయి. ఒకటి పోర్టబుల్ ఛార్జర్. దీన్ని మన ఇంట్లోని 15A సాకెట్కు డైరెక్ట్గా కనెక్ట్ చేయవచ్చు. ఇది వాడటం ఈజీనే కానీ ఛార్జింగ్ చాలా స్లోగా ఎక్కుతుంది. ఫుల్ బ్యాటరీ కావడానికి దాదాపు 8 నుండి 15 గంటల టైమ్ పడుతుంది. ఇక రెండోది వాల్-మౌంటెడ్ ఏసీ ఛార్జర్. దీన్ని మీ పార్కింగ్ ఏరియాలో గోడకు ఫిక్స్ చేస్తారు. దీనివల్ల 4 నుండి 8 గంటల్లోనే కారు ఫుల్ ఛార్జ్ అవుతుంది.
ఇన్స్టాలేషన్ కోసం కావాల్సినవి..
హోమ్ ఛార్జర్ పెట్టాలంటే ముందుగా మీ ఇంట్లో పవర్ లోడ్ కెపాసిటీని చెక్ చేసుకోవాలి. 3.3kW ఛార్జర్ల కోసం సింగిల్ ఫేజ్ కనెక్షన్ సరిపోతుంది. ఒకవేళ మీరు 7kW లాంటి ఫాస్ట్ ఛార్జర్లు వాడాలంటే మాత్రం త్రీ-ఫేజ్ కనెక్షన్ తీసుకోవడం మంచిది. అన్నిటికంటే ముఖ్యమైన విషయం 'ఎర్తింగ్'. ఎలక్ట్రిక్ వెహికల్ ఛార్జింగ్కు స్ట్రాంగ్ ఎర్తింగ్ లేకపోతే షార్ట్ సర్క్యూట్ అయ్యే ఛాన్స్ ఉంటుంది. ఛార్జర్ కోసం ఒక సపరేట్ సర్క్యూట్, అలాగే ఒక ఎంసీబీ (MCB) స్విచ్ ఉండటం వల్ల ఇతర గృహోపకరణాల మీద లోడ్ పడదు.
చేయాల్సినవి (Dos)..
ఎప్పుడూ కంపెనీ అప్రూవ్ చేసిన టెక్నీషియన్ల ద్వారానే ఇన్స్టాలేషన్ చేయించుకోండి. ఛార్జర్ను మీ కారు పార్కింగ్ స్లాట్కు వీలైనంత దగ్గరగా ఉండేలా చూసుకోండి. వైర్లను మరీ ఎక్కువగా లాగడం వల్ల డ్యామేజ్ అయ్యే రిస్క్ ఉంటుంది. ఛార్జర్ను ఎండ, వాన తగలకుండా షెడ్డు కింద ఉంచడం వల్ల ఎక్కువ కాలం మన్నిక వస్తుంది. స్మార్ట్ ఛార్జింగ్ యాప్స్ వాడటం వల్ల ఎంత కరెంటు ఖర్చు అవుతుందో కూడా ట్రాక్ చేయవచ్చు.
చేయకూడనివి (Don'ts)..
చాలామంది చేసే బిగ్గెస్ట్ మిస్టేక్.. రెగ్యులర్ ఎక్స్టెన్షన్ వైర్లను వాడటం. ఇవి ఈవీ ఛార్జింగ్ లోడ్ను తట్టుకోలేక కాలిపోయే ప్రమాదం ఉంది. మీ ఇంట్లో ఏసీ, గీజర్ లాంటి హెవీ అప్లయన్స్ ఆన్ చేసినప్పుడు ఛార్జింగ్ స్పీడ్ తగ్గకుండా చూసుకోవాలి. అలాగే ఏదైనా ప్రాబ్లం వస్తే సొంతంగా రిపేర్ చేయడానికి ట్రై చేయకండి.
అపార్ట్మెంట్లలో ఉండేవారికి సూచనలు..
అపార్ట్మెంట్లలో ఉండేవారు ముందుగా తమ హౌసింగ్ సొసైటీ పర్మిషన్ తీసుకోవాలి. ఇప్పుడు గవర్నమెంట్ రూల్స్ ప్రకారం రెసిడెన్షియల్ కాంప్లెక్స్లలో ఛార్జర్లు పెట్టుకోవడానికి వెసులుబాటు ఉంది. మీ ఓన్ మీటర్ నుండి లేదా సపరేట్ సబ్-మీటర్ ద్వారా కనెక్షన్ తీసుకోవచ్చు.
ఖర్చు ఎంత అవుతుంది?
చాలా కంపెనీలు కారుతో పాటే ఛార్జర్ను ఫ్రీగా ఇస్తాయి. కాకపోతే మీ మీటర్ నుండి పార్కింగ్ స్లాట్ వరకు వైరింగ్ దూరం ఎక్కువగా ఉంటే అదనపు ఖర్చు అవుతుంది. ఇండియాలో బేసిక్ ఇన్స్టాలేషన్ ఖర్చు రూ. 5,000 నుండి రూ. 25,000 వరకు ఉండవచ్చు. ఒకసారి సెటప్ పూర్తయితే, పెట్రోల్ ఖర్చుతో పోలిస్తే ఈవీ ఛార్జింగ్ చాలా చీప్ అని చెప్పవచ్చు.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
