2026 TVS Apache RTR 160 4V: అపాచీ RTR 160 4V అదిరిపోయే అప్డేట్ – బడ్జెట్ ధరలో లగ్జరీ ఫీచర్లు!
టీవీఎస్ మోటార్ కంపెనీ తన పాపులర్ అపాచీ RTR 160 4V మోడల్ను సరికొత్త ఫీచర్లు, వేరియంట్లతో విడుదల చేసింది. కేవలం రూ. 1.25 లక్షల ప్రారంభ ధరతో ఇది అందుబాటులో ఉంది.
2026 TVS Apache RTR 160 4V News: ఇండియన్ టూ వీలర్ మార్కెట్లో అత్యంత ఆదరణ కలిగిన స్పోర్టీ బైక్ టీవీఎస్ అపాచీ RTR 160 4V ఇప్పుడు సరికొత్త అవతారంలో మెరవనుంది. టీవీఎస్ మోటార్ కంపెనీ 2026 ఎడిషన్ను అప్డేట్ చేసిన ఫీచర్లు, కొత్త వేరియంట్లతో లాంచ్ చేసింది. గతంలో కేవలం టాప్ వేరియంట్లకే పరిమితమైన కొన్ని ప్రీమియం ఫీచర్లను ఇప్పుడు బేస్ మోడల్ నుండే అందుబాటులోకి తీసుకురావడం విశేషంగా విశ్లేషకులు పేర్కొంటున్నారు. ఈ అప్డేటెడ్ బైక్ ప్రారంభ ధర రూ. 1.25 లక్షల (ఎక్స్-షోరూమ్) నుండి మొదలై టాప్ ఎండ్ వెర్షన్ రూ. 1.37 లక్షల వరకు ఉంటుందని తెలుస్తోంది. తాజాగా ఈ బైక్ లాంచ్ తో ఒక్కసారిగా బైక్ మార్కెట్ ఫోకస్ అంతా టీవీఎస్ కంపెనీపైకి నిలిచింది అనడంలో ఎలాంటి సందేహం లేదు.
కొత్త ఫీచర్లు.. వేరియంట్లు
2026 మోడల్ అపాచీలో క్లాస్-డి ప్రొజెక్టర్ హెడ్ల్యాంప్ తో పాటు ఎల్ఈడీ డీఆర్ఎల్స్ (DRLs) జత చేశారు. దీనివల్ల రాత్రి ప్రయాణాల్లో రోడ్డు స్పష్టంగా కనిపిస్తుంది. అలాగే లైనప్ మొత్తంలో అసిస్ట్, స్లిప్పర్ క్లచ్ను స్టాండర్డ్ ఫీచర్గా అందించారు. ప్రస్తుతం ఈ బైక్ మూడు వేరియంట్లలో లభిస్తుంది. ఎంట్రీ లెవల్ వెర్షన్లో సింగిల్ ఛానల్ ఏబీఎస్, టెలిస్కోపిక్ ఫోర్క్స్, డిజిటల్ ఎల్సీడీ క్లస్టర్ ఉంటాయి.
మిడ్-స్పెక్.. టాప్-ఎండ్ వెర్షన్లు
మిడ్-స్పెక్ వేరియంట్ ధర రూ. 1.31 లక్షలుగా నిర్ణయించారు. ఇందులో డ్యూయల్ ఛానల్ ఏబీఎస్, యూఎస్డీ (USD) ఫోర్క్స్ ఉండటంతో పాటు అడ్జస్టబుల్ లీవర్లు లభిస్తాయి. ఇది మ్యాట్ బ్లాక్, గ్రానైట్ గ్రే, పెర్ల్ వైట్ రంగులలో అందుబాటులో ఉంది. ఇక టాప్-ఎండ్ వెర్షన్ రూ. 1.37 లక్షల ధరకు లభిస్తుంది. ఇందులో 5-అంగుళాల టీఎఫ్టీ (TFT) స్క్రీన్, ట్రాక్షన్ కంట్రోల్ వంటి అధునాతన ఫీచర్లు ఉన్నాయి. ఈ ప్రీమియం వెర్షన్ మ్యాట్ బ్లాక్, రేసింగ్ రెడ్, మెరైన్ బ్లూ రంగులలో కస్టమర్లను ఆకట్టుకోనుందనడంలో ఎలాంటి సందేహం లేదు.
ఇంజిన్ పెర్ఫార్మెన్స్
మెకానికల్ పరంగా చూస్తే, ఇందులో పాత 159.7 సీసీ సింగిల్ సిలిండర్ ఇంజిన్ కొనసాగుతుంది. రైడర్ సౌకర్యం కోసం స్పోర్ట్, అర్బన్, రెయిన్ అనే మూడు రైడింగ్ మోడ్స్ ఇచ్చారు. స్పోర్ట్ మోడ్లో ఇంజిన్ 17.6 హెచ్పి పవర్, 14.73 ఎన్ఎమ్ టార్క్ ప్రొడ్యూస్ చేస్తుంది. అర్బన్, రెయిన్ మోడ్స్లో పవర్ అవుట్పుట్ 15.6 హెచ్పికి, టార్క్ 14.1 ఎన్ఎమ్ కి తగ్గుతుంది. ఈ మార్పుల వల్ల తక్కువ ధరలోనే కస్టమర్లకు ఎక్కువ ఫీచర్లు అందుబాటులోకి వచ్చినట్లయింది. ముఖ్యంగా నైట్ రైడింగ్ చేసే వారికి కొత్త హెడ్ల్యాంప్ సెటప్ బాగా ఉపయోగపడుతుందని నిపుణులు పేర్కొంటున్నారు. ఏదేమైనా ఈ కొత్త వెర్షన్ తో టీవీఎస్ అభిమానులు స్ట్పోర్ట్ లుక్ తో కూడిన బైక్ ను సొంతం చేసుకోవచ్చని అంటున్నారు. తాజాగా ఈ బైక్ మార్కెట్లోకి రావడంతో బైక్ మార్కెట్ లో మరింత పోటీ పెరగనుందని నిపుణులు పేర్కొంటున్నారు. సరసమైన ధర, అద్భుతమైన ఫీచర్లతో ఈ బైక్.. బైక్ లవర్ల మదిని దోచుకునే అవకాశం ఉన్నట్లు భావిస్తున్నారు.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
