Toyota Hyryder Price Mileage: ఫుల్ ట్యాంక్ తో 1,200 కి.మీ వెళ్లొచ్చు, టయోటా హైరైడర్ ధర ఎంత ? ఎవరికి బెస్ట్
Toyota Hyryder Mileage: టయోటా హైరైడర్ 3 ఇంజన్ వేరియంట్లతో వస్తుంది. అయితే మైలేజీ పరంగా ఇది బెస్ట్ అనిపించుకుంటోంది. 1200 కి.మీ వరకు ఫుల్ ట్యాంకుతో జర్నీ చేయవచ్చు.
Toyota Hyryder Price: భారత మార్కెట్లో కార్లకు అందులోనూ హైబ్రిడ్ SUVలకు డిమాండ్ వేగంగా పెరుగుతోంది. అందుకు నిదర్శనం టయోటా హైరైడర్ అని చెప్పవచ్చు. ఈ మిడ్-సైజ్ SUV తన హైబ్రిడ్ టెక్నాలజీ, స్టైలిష్ డిజైన్, అద్భుతమైన మైలేజ్ తో ఫేమస్ అయింది. దాంతో కస్టమర్లు ఈ హైబ్రిడ్ ఎస్యూవీ వెంట పరుగులు తీస్తున్నారు.
భారత మార్కెట్లో టయోటా హైరైడర్ ధర రూ. 12.87 లక్షల నుండి ప్రారంభమై గరిష్టంగా రూ. 23.46 లక్షల (ఎక్స్-షోరూమ్) వరకు ఉంటుంది. ఆన్-రోడ్ ధర రాష్ట్రాల పన్నులు, ఇన్సూరెన్స్ ధరను బట్టి మారుతూ ఉండవచ్చు. ఈ కారు ఫీచర్లపై ఒకసారి లుక్కేద్దాం.
Toyota Hyryder ఫీచర్లు
టయోటా హైరైడర్లో ఆండ్రాయిడ్ ఆటో, ఆపిల్ కార్ప్లేను సపోర్ట్ చేసే 9 అంగుళాల టచ్స్క్రీన్ ఇన్ఫోటైన్మెంట్ సిస్టమ్ లభిస్తుంది. దీంతో పాటు వైర్లెస్ ఛార్జింగ్ ప్యాడ్, USB Port, ఆటోమేటిక్ క్లైమేట్ కంట్రోల్, 8 వే ఎలక్ట్రిక్ డ్రైవర్ సీట్ వస్తాయి. ఈ హైబ్రిడ్ ఎస్యూవీలో పనోరమిక్ సన్రూఫ్, కనెక్టెడ్ కార్ టెక్నాలజీ దీనికి ప్రీమియం ఎక్స్పీరియన్స్ ఇస్తాయి.
టయోటా హైరైడర్ సేఫ్టీ ఫీచర్ల విషయంలో కూడా చాలా కార్ల కంటే ముందుంటుంది. ఇందులో 6 ఎయిర్బ్యాగ్లు, ABSతో కూడిన EBD, ESC, 360 డిగ్రీస్ కెమెరా, హిల్ హోల్డ్, హిల్ డిసెంట్ కంట్రోల్ ఫీచర్లు ఇస్తున్నారు. అలాగే, టైర్ ప్రెజర్ మానిటరింగ్ సిస్టమ్ (TPMS), ISOFIX చైల్డ్ సీట్ మౌంట్స్ కూడా ఇచ్చారు. ఈ ఎస్యూవీ ఫ్యామిలీ జర్నీ కోసం బెస్ట్ అనిపించుకుంటోంది.
ఇంజిన్ ఆప్షన్, పనితీరు
టయోటా హైరైడర్ 3 ఇంజిన్ ఆప్షన్లతో వస్తుంది. వీటిలో 1.5 లీటర్ పెట్రోల్ మైల్డ్ హైబ్రిడ్ (K-సిరీస్), 1.5 లీటర్ స్ట్రాంగ్-హైబ్రిడ్ (TNGA), 1.5 లీటర్ CNG ఇంజిన్లు ఉన్నాయి. ఈ ఇంజిన్లన్నీ వాహనదారులు తమ అవసరాలకు అనుగుణంగా మలుచుకోవచ్చు. ఇవి మంచి పనితీరుతో పాటు మెరుగైన ఇంధన సామర్థ్యాన్ని (fuel efficiency) అందిస్తాయి.
టయోటా హైరైడర్ ఎస్యూవీ మైలేజ్ కారణంగా చాలా ప్రత్యేకం అయింది. దీని పెట్రోల్ మైల్డ్-హైబ్రిడ్ 19.39 కి.మీ నుండి 21.12 కిమీ/ లీటర్, స్ట్రాంగ్ హైబ్రిడ్ 27.97 కిమీ/ లీటర్ మైలేజీ ఇస్తుంది. ఇక CNG వేరియంట్ 26.6 కిమీ/ కేజీ (ARAI) వరకు మైలేజీని ఇస్తాయి. ఫుల్ ట్యాంక్తో ఈ SUV సుమారు 1,200 కిలోమీటర్ల దూరం నాన్ స్టాప్ ప్రయాణించగలదు. కనుక ఇది మిడిల్ క్లాస్ వారికి చాలా పొదుపైన కారుగా మారుతుంది.
టయోటా హైరైడర్లో తక్కువ మెయింటెనెన్స్ ఖర్చు, హైబ్రిడ్ టెక్నాలజీ, అద్భుతమైన మైలేజ్, టయోటా సర్వీస్ క్వాలిటీ కనిపిస్తుంది. దీంతో పాటు పనోరమిక్ సన్రూఫ్, ప్రీమియం ఇంటీరియర్, ఈ సెగ్మెంట్లో అత్యుత్తమ సేఫ్టీ ఫీచర్లు దీనిని ఫ్యామిలీ ట్రిప్ లతో పాటు సిటీలో డ్రైవింగ్ చేయడానికి సరైన SUVగా మారుస్తాయి. అందుకే మిడిల్ క్లాస్ వారు సైతం బడ్జెట్ ను మించి అడుగు వేసి టయోటా హైరైడర్ హైబ్రిడ్ ఎస్యూవీ కొనుగోలు చేస్తున్నారు.
టాప్ హెడ్ లైన్స్
ట్రెండింగ్ వార్తలు
