Tata Nexon లేదా Kia Sonet కార్లలో ఏది బెస్ట్.. ధర, మైలేజీ చూసి డిసైడ్ అవ్వండి

Kia Sonet SUV | టాటా నెక్సాన్, కియా సోనెట్ కాంపాక్ట్ ఎస్‌యూవీ విభాగంలో రెండూ కస్టమర్ల ఆదరణ పొందిన కార్లు. వీటిలో మీకు ఏది బెస్ట్ అని తెలియాలంటే ధర, ఇంజిన్, మైలేజ్ వివరాలు తెలుసుకోండి.

కాంపాక్ట్ SUV విభాగంలో తీవ్రమైన పోటీ

Source : ABPlive

Tata Nexon vs Kia Sonet | భారత ఆటోమొబైల్ మార్కెట్‌లో కాంపాక్ట్ SUV విభాగంలో అమ్మకాలు బాగా పెరుగుతున్నాయి. ఈ విభాగంలో టాటా నెక్సాన్, కియా సోనెట్ కార్ల మధ్య మార్కెట్లో గట్టి పోటీ ఉంది. ఈ రెండు కార్లు 4 మీటర్ల కంటే తక్కువ పొడవుతో వస్తున్నాయి. స్టైల్, ఫీచర్లు, బెస్ట్ పనితీరును కోరుకునే కస్టమర్‌లను దృష్టిలో ఉంచుకుని తయారు చేశారు. టాటా నెక్సాన్ సేఫ్టీ, స్ట్రాంగ్ బిల్డ్ క్వాలిటీపై ఎక్కువ ఫోకస్ చేస్తుండగా.. కియా సోనెట్ ప్రీమియం లుక్, మోడ్రన్ క్యాబిన్ ఫీచర్లతో అమ్మకాలలో దూసుకెళ్తున్నాయి. 

ధర, వేరియంట్‌లు

భారత మార్కెట్‌లో స్మార్ట్, ప్యూర్, క్రియేటివ్, ఫియర్‌లెస్ వంటి ట్రిమ్‌లలో టాటా నెక్సాన్ అందుబాటులో ఉంది. దీని ఎక్స్-షోరూమ్ ప్రారంభ ధర దాదాపు రూ. 7.32 లక్షలు, కాగా దీని టాప్ వేరియంట్‌ రూ. 14.15 లక్షల వరకు ఉంటుంది. మరోవైపు కియా సోనెట్ HTE నుండి X-Line వరకు మొత్తం 9 వేరియంట్లలో వస్తుంది. కియా సోనెట్ ఎక్స్ షోరూమ్ ప్రారంభ ధర రూ. 7.30 లక్షల నుంచి ప్రారంభమై గరిష్టంగా రూ. 13.65 లక్షల వరకు ఉంటుంది. ధర పరంగా చూస్తే 2 కార్లు దాదాపు ఒకటే బడ్జెట్‌లో ఉన్నాయి. 

ఇంజిన్ ఎంపికలు, పనితీరు

టాటా నెక్సాన్‌లో పెట్రోల్, డీజిల్, CNGతో సహా మూడు ఇంజిన్ వేరియంట్లు ఉన్నాయి. పెట్రోల్, డీజిల్ ఇంజిన్‌లు పవర్‌ఫుల్. పలు ట్రాన్స్‌మిషన్ ఎంపికలను మీకు అందిస్తాయి. కియా సోనెట్ పెట్రోల్, డీజిల్ ఇంజిన్‌లతో కూడా వస్తుంది, టర్బో పెట్రోల్ ఎంపిక దీనిని మరింత స్పోర్టీగా చేస్తుంది. సోనెట్‌లో మాన్యువల్ నుండి DCT, ఆటోమేటిక్ ట్రాన్స్‌మిషన్ వరకు పలు వేరియంట్లు ఉన్నాయి.

మైలేజ్‌లో ఎవరు ముందున్నారు?

మైలేజ్ విషయానికి వస్తే టాటా నెక్సాన్ డీజిల్ వేరియంట్ ఒక లీటరుకు దాదాపు 24 కి.మీ మైలేజ్ ఇస్తుంది. అయితే పెట్రోల్ వేరియంట్ దాదాపు 17 కిలోమీటర్ల వరకు మైలేజ్ ఇస్తుందని సంస్థ పేర్కొంది. కియా సోనెట్ ఈ విషయంలో టాటా నెక్సాన్ కు గట్టి పోటీ ఇస్తుంది. కియా సోనెట్ డీజిల్ వేరియంట్ దాదాపు లీటరుకు 24.1 కి.మీ మైలేజీ, పెట్రోల్ వేరియంట్ దాదాపు 19.2 కి.మీ మైలేజ్ ఇస్తుంది.

సేఫ్టీ ఫీచర్లు..

 భద్రతా పరంగా టాటా నెక్సాన్ కు తిరుగులేదని కస్టమర్లు నమ్ముతారు. పలు ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, మోడ్రన్ సేఫ్టీ ఫీచర్లను కలిగి ఉంది. కియా సోనెట్ దాని ప్రీమియం క్యాబిన్, పెద్ద టచ్‌స్క్రీన్, వెంటిలేటెడ్ సీట్లు, కనెక్టెడ్ కార్ టెక్నాలజీతో ఫేమస్ అవుతోంది. మీరు సేఫ్టీ, స్ట్రాంగ్ బిల్డ్ క్వాలిటీ కోసం చూస్తున్నట్లయితే టాటా నెక్సాన్ మీకు మంచి ఛాయిస్. మీరు స్టైలిష్ లుక్, ఎక్కువ టెక్నాలజీ ఫీచర్లు కోరుకుంటే, కియా సోనెట్ మీకు బెటర్ అని కంపెనీ చెబుతోంది. ఈ రెండు కార్లు దాదాపు ఒకే ధరలో ఉన్నా, కియా సోనెట్ ధర కాస్త తక్కువ, డీజిల్ వేరియంట్లలో మైలేజీ ఒకేలా ఉన్నాయి. పెట్రోల్ వేరియంట్లో కియా సోనెట్ మైలేజీ కాస్త ఎక్కువ ఇస్తుంది.

 

మరిన్ని చదవండి

బైక్, మెట్రో కంటే తక్కువ ఖర్చుతో కారు జర్నీ.. టాటా టియాగో ఈవీ ధర, ఫీచర్లు పూర్తి వివరాలు

ఎలక్ట్రిక్ వాహనదారులకు శుభవార్త.. నిర్మలమ్మ ప్రకటనతో దిగిరానున్న ధరలు