(Source: ECI/ABP News)
EV Cars and Two Wheelers: ఎలక్ట్రిక్ వాహనదారులకు శుభవార్త.. నిర్మలమ్మ ప్రకటనతో దిగిరానున్న ధరలు
Union Budget 2026: కేంద్ర ఆర్థిక మంత్రి నిర్మలా సీతారామన్ ప్రవేశపెట్టిన బడ్జెట్ ఎలక్ట్రిక్ వాహనదారులకు గుడ్ న్యూస్ అందించింది. CNG, బయోగ్యాస్ ధరలతో పాటు కొన్ని ఖనిజాల ధరలపై సుంకాలు తగ్గించారు.
న్యూఢిల్లీ: ఆర్థిక మంత్రి నిర్మలా సీతారామన్ కేంద్ర బడ్జెట్ 2026లో వాహనదారులకు శుభవార్త చెప్పారు. వాహనదారులకు ఖర్చులు తగ్గించేందుకు CNG, బయోగాస్ ను చౌకగా అందేలా చేస్తామని ప్రకటించారు. దీంతో CNG వాహనాలు నడిపేవారికి ఇంధన ఖర్చులో నేరుగా ఆదా అవుతుంది. ట్రాన్స్పోర్ట్ నిర్వాహకులకు కూడా ఉపశమనం లభిస్తుంది.
నిర్మలా సీతారామన్ తాజాగా ప్రవేశపెట్టిన బడ్జెట్ 2026 లో బయోగాస్ మిశ్రమ CNG పై కస్టమ్స్ సుంకం లెక్కించే విధానంలో మార్పులు చేస్తామని ప్రకటించారు. దీని కారణంగా, ఇప్పుడు కస్టమ్స్ ట్యాక్స్ విధించే సమయంలో బయోగాస్ ధరలో కూడా రాయితీ ఇవ్వనున్నారు.
త్వరలో ఆ వాహనాలతో తగ్గనున్న ఖర్చులు
ప్రభుత్వ నిర్ణయం వల్ల బయోగాస్ ఆధారిత ఇంధనం చౌకగా మారుతుంది. దీని ప్రభావం CNG వాహనాల ధరలతో పాటు ఆటో పరిశ్రమపై కూడా పడుతుంది. అంతేకాకుండా బడ్జెట్ లో EV బ్యాటరీలను కూడా చౌక ధరలకు లభించేలా చేస్తామని ప్రకటించారు. దీనివల్ల ఎలక్ట్రిక్ వాహనాల ధరలు సైతం కొంతమేర దిగిరావొచ్చు. లేదా కొత్తగా బ్యాటరీ తీసుకునే వారికి ఖర్చులు తగ్గనున్నాయి.
EV బ్యాటరీని మార్చడం త్వరలో మరింత చౌక
EV బ్యాటరీ చౌకగా ఉండటం అంటే ఇప్పుడు ఎలక్ట్రిక్ వాహనాలు సాధారణ పెట్రోల్-డీజిల్ వాహనాల ధరలకు దగ్గరగా వస్తాయి. దీంతో పాటు ఇప్పటికే EV ఉన్నవారికి పాత బ్యాటరీని మార్చడం మరింత తేలిక అవుతుంది. బ్యాటరీ ఖర్చులు తగ్గడంతో ఈవీ వాహనాల విక్రయాలు పెరిగే సూచనలు కనిపిస్తున్నాయి.
ఏదైనా ఎలక్ట్రిక్ వాహనం మొత్తం ధరలో 40 నుండి 50 శాతం ఖర్చు బ్యాటరీకి మాత్రమే ఉంటుందని తెలిసిందే. పైగా బ్యాటరీ పాడైతే కొత్త బ్యాటరీ కొనడానికి మధ్యతరగతి వారు ఎంతగానో ఆలోచిస్తారు. తాజా బడ్జెట్ లో లిథియం, కోబాల్ట్, నికెల్ వంటి ముఖ్యమైన ఖనిజాల దిగుమతిపై సుంకాన్ని తగ్గించడం వల్ల బ్యాటరీ తయారీకి తక్కువ ఖర్చు అవుతుందని సమాచారం. .
వినియోగదారులకు నేరుగా ప్రయోజనం
ఆటోమొబైల్ నిపుణుల అభిప్రాయం ప్రకారం, కేంద్రం పలు ఖనిజాల దిగుమతిపై సుంకాలు తగ్గించడంతో బ్యాటరీ ఉత్పత్తి వ్యయంలో 15 నుండి 20 శాతం తగ్గుతుంది. దీని వలన అటు తయారీదారులతో పాటు ఇటు వినియోగదారులకు నేరుగా ప్రయోజనం చేకూరుతుంది. అందుకే ఇక ఎలక్ట్రిక్ కార్లు, ఎలక్ట్రిక్ స్కూటర్ల ధరలలో కొంతమేర తగ్గుదల కనిపించవచ్చు.
టాప్ హెడ్ లైన్స్
ట్రెండింగ్ వార్తలు
