మీ బడ్జెట్‌కు తగ్గట్లు రూ.10 లక్షల లోపు వచ్చే బెస్ట్‌ ఆటోమేటిక్‌ SUVలు - సిటీ ట్రాఫిక్‌కు సరైన ఆప్షన్స్‌

రూ.10 లక్షల లోపు అందుబాటులో ఉన్న చౌకైన ఆటోమేటిక్‌ SUVలు ఏవో తెలుసా? హైదరాబాద్‌, విజయవాడ ధరలతో పాటు ఫీచర్లు, మైలేజ్‌, వేరియంట్ల పూర్తి వివరాలు ఇక్కడ తెలుసుకోండి.

సిటీ ట్రాఫిక్‌కు సరైన డీల్స్‌

Source : https://x.com/

Show Quick Read

Key points generated by AI, verified by newsroom

• భారత్‌లో రూ.10 లక్షల లోపు ఆటోమేటిక్‌ SUVల కొనుగోలుకు అనేక ఎంపికలు.
• నిస్సాన్‌ మ్యాగ్నైట్‌, రెనాల్ట్‌ కైగర్‌ చౌకైన ఆటోమేటిక్‌ SUVలుగా అందుబాటులో ఉన్నాయి.
• టాటా పంచ్‌, హ్యుందాయ్‌ ఎక్స్‌టర్‌ మంచి ఫీచర్లతో రూ.10 లక్షలలోపు వస్తున్నాయి.
• మారుతి ఫ్రాంక్స్‌ నుండి మహీంద్రా XUV 3XO వరకు ఆటోమేటిక్‌ SUVలు లభ్యం.

Best Automatic SUVs India 2026: నగరాల్లో ట్రాఫిక్‌ రోజురోజుకీ పెరుగుతోంది. క్లచ్‌ నొక్కుతూ, గేర్‌ మారుస్తూ డ్రైవ్‌ చేయడం కాస్త అలసటగా మారుతోంది. అందుకే ఇప్పుడు చాలా మంది ఆటోమేటిక్‌ కార్ల వైపు మొగ్గు చూపుతున్నారు. ముఖ్యంగా రూ.10 లక్షల బడ్జెట్‌లో ఆటోమేటిక్‌ SUV కావాలనుకునే వారికి ఇప్పుడు మార్కెట్‌లో ఎన్నో ఆప్షన్లు ఉన్నాయి. తెలుగు రాష్ట్రాల్లోని ఎక్స్‌-షోరూమ్‌ ధరల ప్రకారం అందుబాటులో ఉన్న చౌకైన ఆటోమేటిక్‌ SUVల వివరాలు ఇవీ...

1) నిస్సాన్‌ మ్యాగ్నైట్‌ - ఎక్స్‌-షోరూమ్‌ ధర రూ.6.21 లక్షల నుంచి

ఈ జాబితాలో అత్యంత చౌకైన ఆటోమేటిక్‌ SUV ఇదే. 1.0 లీటర్‌ పెట్రోల్‌ ఇంజిన్‌తో 5-స్పీడ్‌ AMT, అలాగే టర్బో పెట్రోల్‌తో CVT ఆప్షన్‌ లభిస్తుంది. హైదరాబాద్‌లో ఈ ధర వద్ద ప్రారంభమవుతుంది. మంచి స్పేస్‌, 8 అంగుళాల టచ్‌స్క్రీన్‌, 360 డిగ్రీ కెమెరా వంటి ఫీచర్లు ఈ ధరలో రావడం పెద్ద ప్లస్‌.

2) రెనాల్ట్‌ కైగర్‌ - ఎక్స్‌-షోరూమ్‌ ధర రూ.6.95 లక్షల నుంచి

మ్యాగ్నైట్‌కు బ్రదర్‌ మోడల్‌ అయిన కైగర్‌లో AMT, CVT రెండూ లభిస్తాయి. 1.0 లీటర్‌ ఇంజిన్‌తో 19 kmpl వరకు మైలేజ్‌ ఇస్తుంది. ఫీచర్ల పరంగా కూడా మంచి విలువ ఇస్తుంది.

3) టాటా పంచ్‌ - ఎక్స్‌-షోరూమ్‌ ధర రూ.7.55 లక్షల నుంచి

1.2 లీటర్‌ పెట్రోల్‌ ఇంజిన్‌తో 5-స్పీడ్‌ AMT లభిస్తుంది. 10.25 అంగుళాల టచ్‌స్క్రీన్‌, సన్‌రూఫ్‌, 6 ఎయిర్‌బ్యాగ్స్‌ వంటి ఫీచర్లు అందుబాటులో ఉన్నాయి. హైదరాబాద్‌, విజయవాడలో రూ.7.55 లక్షల నుంచి అందుబాటులో ఉంది.

4) హ్యుందాయ్‌ ఎక్స్‌టర్‌ - ఎక్స్‌-షోరూమ్‌ ధర రూ.7.68 లక్షల నుంచి

83hp శక్తిమంతమైన 1.2 లీటర్‌ ఇంజిన్‌తో 5-స్పీడ్‌ AMT అందుబాటులో ఉంది. వైర్‌లెస్‌ చార్జింగ్‌, సన్‌రూఫ్‌, 6 ఎయిర్‌బ్యాగ్స్‌ వంటి ఫీచర్లు ఉన్నాయి. మొత్తం AMT లైన్‌అప్‌ రూ.10 లక్షల లోపే ఉంటుంది.

5) మారుతి సుజుకి ఫ్రాంక్స్‌ - ఎక్స్‌-షోరూమ్‌ ధర రూ.8.15 లక్షల నుంచి

1.2 లీటర్‌ పెట్రోల్‌ ఇంజిన్‌తో AMT లభిస్తుంది. మంచి మైలేజ్‌ ప్రధాన ఆకర్షణ. హైదరాబాద్‌లో డెల్టా, డెల్టా+ వేరియంట్లు ఈ బడ్జెట్‌లో వస్తాయి.

6) టయోటా అర్బన్‌ క్రూయిజర్‌ టైసర్‌ - ఎక్స్‌-షోరూమ్‌ ధర రూ.8.72 లక్షల నుంచి

5-స్పీడ్‌ AMT గేర్‌బాక్స్‌తో 1.2 లీటర్‌ ఇంజిన్‌ లభిస్తుంది. 22.8 kmpl వరకు మైలేజ్‌ ఇవ్వడం ప్రత్యేకత.

7) టాటా నెక్సాన్‌ - ఎక్స్‌-షోరూమ్‌ ధర రూ.8 లక్షల నుంచి

1.2 లీటర్‌ టర్బో పెట్రోల్‌తో 6-స్పీడ్‌ AMT లభిస్తుంది. 10.25 అంగుళాల స్క్రీన్‌, 6 ఎయిర్‌బ్యాగ్స్‌ వంటి ఫీచర్లు ఉన్నాయి.

8) స్కోడా కైలాక్‌ - ఎక్స్‌-షోరూమ్‌ ధర రూ.9.25 లక్షల నుంచి

1.0 లీటర్‌ టర్బో పెట్రోల్‌తో 6-స్పీడ్‌ టార్క్‌ కన్వర్టర్‌ ఆటోమేటిక్‌ లభిస్తుంది. సన్‌రూఫ్‌, 6 ఎయిర్‌బ్యాగ్స్‌ వంటి ఫీచర్లు ఉన్నాయి.

9) మహీంద్రా XUV 3XO - ఎక్స్‌-షోరూమ్‌ ధర రూ.9.71 లక్షల నుంచి

1.2 లీటర్‌ టర్బో పెట్రోల్‌తో 6-స్పీడ్‌ టార్క్‌ కన్వర్టర్‌ ఆటోమేటిక్‌ గేర్‌బాక్స్‌ అందుబాటులో ఉంది. 10.25 అంగుళాల టచ్‌స్క్రీన్‌, సన్‌రూఫ్‌, 6 ఎయిర్‌బ్యాగ్స్‌ వంటి ఫీచర్లు ఉన్నాయి.

మొత్తంగా చూస్తే, రూ.10 లక్షల లోపు ఆటోమేటిక్‌ SUV కొనాలనుకునే వారికి ఇప్పుడు మంచి ఎంపికలు ఉన్నాయి. సిటీ డ్రైవ్‌కు సౌకర్యంగా ఉండే AMT, స్మూత్‌గా ఉండే CVT, పవర్‌ఫుల్‌ టార్క్‌ కన్వర్టర్‌ వంటి ఆప్షన్లు లభిస్తున్నాయి. హైదరాబాద్‌, విజయవాడ వంటి తెలుగు నగరాల్లో కొనుగోలు చేసే ముందు ఆన్‌-రోడ్‌ ధరలు, ఇన్సూరెన్స్‌, ఆఫర్లను చెక్‌ చేసి నిర్ణయం తీసుకోవడం మంచిది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

ఎలక్ట్రిక్‌ కార్లు కేవలం రూ.5 లక్షల నుంచే, కిలోమీటరుకు రూ.3 మాత్రమే ఖర్చు!